រដ្ឋកាលីហ្វ័រញ៉ាចាប់ផ្តើមប្រកាសអាសន្ន ក្រោយពេលដែលចំនួនអ្នកស្លាប់ដោយសារវីរុសកូរ៉ូណា នៅអាមេរិកបានកើនឡើងដល់ ១១ នាក់

រដ្ឋកាលីហ្វ័រញ៉ាចាប់ផ្តើមប្រកាសអាសន្ន ក្រោយពេលដែលចំនួនអ្នកស្លាប់ដោយសារវីរុសកូរ៉ូណា នៅអាមេរិកបានកើនឡើងដល់ ១១ នាក់

អាមេរិក៖ បណ្តាប្រទេសនៅជុំវិញពិភពលោកកំពុងព្យាយាមទប់ស្កាត់ការរីករាលដាលនៃវីរុសដ៏សាហាវកូរ៉ូណាដែលមានប្រភពចេញពីប្រទេសចិន ហើយឥឡូវនេះវាបានចម្លងដល់មនុស្សជាង ៩៥,០៣៦ នាក់នៅទូទាំងពិភពលោក។ ហើយក្នុងនោះដែរ សហរដ្ឋអាមេរិកក៏បានក្លាយខ្លួនជាប្រទេសមួយ ដែលទទួលរងគ្រោះដោយសារវីរុសកូរ៉ូណានេះដែរ។

បុគ្គលិកសុខាភិបាលកំពុងបញ្ជូនអ្នកជំងឺចូលទៅក្នុងរថយន្តសង្គ្រោះបន្ទាន់ ដើម្បីយកទៅព្យាបាល

បើគិតរហូតមកពេលនេះ ចំនួនអ្នកឆ្លងវីរុសកូរ៉ូណានៅសហរដ្ឋអាមេរិកបានកើនឡើងដល់ ៨០ នាក់ ដោយក្នុងនោះមាន ៥៣ នាក់គឺស្ថិតនៅក្នុងរដ្ឋកាលីហ្វ័រញ៉ា។ ស្របពេលជាមួយគ្នានេះដែរ លោក Gavin Newsom ដែលជាអភិបាលរដ្ឋកាលីហ្វ័រញ៉ា បានប្រកាសភាពអាសន្ន បន្ទាប់ពីចំនួនករណីអ្នកឆ្លងវីរុសនេះចេះតែបន្តកើនឡើង។

បុគ្គលិកសុខាភិបាលកំពុងបាញ៉ថ្នាំសំលាប់មេរោគនៅលើរថយន្តក្រុង រដ្ឋវ៉ាស៊ីនតោន

លោក Gavin Newsom បាននិយាយថា៖

ក្នុងចំណោមអ្នកជំងឺទាំង ៥៣ នោះ មានម្នាក់បានស្លាប់បង់ជីវិត។ ហើយអ្នកជំងឺដែលបានស្លាប់នោះ គឺជាពលរដ្ឋដែលរស់នៅក្នុងតំបន់ Placer County ដោយគាត់គឺជាអ្នកដំណើរតាមនាវាកម្សាន្ត Princess ដែលបានធ្វើដំណើរពីសាន់ហ្វ្រាន់ស៊ីស្កូទៅម៉ិចស៊ិកូកាលពីខែមុន។ ហើយបច្ចុប្បន្ននេះ នាវាកម្សាន្ត Princess គឺកំពុងធ្វើដំណើរនៅលើសមុទ្រ ដែលនឹងគ្រោងវិលត្រឡប់មកសាន់ហ្វ្រាន់ស៊ីស្កូវិញឆាប់ៗនេះ។

Gavin Newsom

អ្នកដំណើរពាក់ម៉ាសការពារវីរុសកូរ៉ូណានៅក្នុងទីក្រុង

លោក Newsom បានបន្ថែមថា៖

Newsom

គួរជម្រាបដែរថា ខណៈពេលដែលករណីអ្នកឆ្លងវីរុសកូរ៉ូណាចេះតែបន្តកើនឡើង ពលរដ្ឋអាមេរិកជាច្រើនក៏ចាប់ផ្តើមមានការព្រួយបារម្ភពីសុខភាពសុវត្ថិភាពកាន់តែខ្លាំងដែរ ដោយក្នុងនោះគេសង្កេតឃើញពលរដ្ឋជាច្រើនបានសម្រុកនាំគ្នាទៅទិញសម្បៀង រួមទាំងរបស់របរប្រើប្រាស់យកមកស្តុកទុកសំរាប់ប្រើប្រាស់ពេលមានគ្រោះអាសន្នធំ៕