គួរត្រៀមអ្វីខ្លះ មុនពេលណាត់មិត្តប្រុសចេញក្រៅ?

គួរត្រៀមអ្វីខ្លះ មុនពេលណាត់មិត្តប្រុសចេញក្រៅ?

ក្នុងនាមជាយុវវ័យ ទោះបីជាអ្នកជាមនុស្សដែលមានប្រជាប្រិយបំផុតក្នុងសាលាក៏ដោយ ការបែកញើសបាតដៃ ស្ងួតមាត់ ឬចេះតែមិនស្រួលក្នុងខ្លួនច្រើនតែកើតមានពេលណាត់នរណាម្នាក់ជួបគ្នាតែពីរនាក់ជាលើកដំបូង។ កាលពីមុន មានតែបុរសទេដែលធ្លាប់មានអាការៈបែបនេះ ព្រោះវាជាការទទួលខុសត្រូវលើការចាប់ផ្តើមទំនាក់ទំនងស្នេហា។

ការណាត់ជួបគ្នាតែពីរនាក់អាចជារឿងមួយស្មុគស្មាញយ៉ាងខ្លាំង ប៉ុន្តែ វានៅតែងាយក្នុងការអនុវត្ត។ កាលណាអ្នកស្គាល់គ្នាកាន់តែច្រើន សកម្មភាពនោះនឹងកើតឡើងកាន់តែល្អ។

មុនពេលអ្នកសុំណាត់ជួបគ្នាជាមួយបុរសណាម្នាក់ អ្នកគួរតែមានការត្រៀមខ្លួននូវរឿងមួយចំនួនដូចជា៖
• សុំច្បាប់ ៖ នេះគឺជាកត្តាដ៏សំខាន់មួយ។ វាពិតជារឿងខ្មាស់គេណាស់ និងគួរអោយស្អប់បំផុតនៅពេលដែលអ្នកណាត់គេហើយ ខ្លួនឯងបែរជាអវត្តមានដោយសារតែឪពុកម្តាយមិនអនុញ្ញាតិ។

• ទាក់ទងនឹងឥរិយាបថទាំងអស់ ៖ អ្នកពិតជាចង់អោយមានទំនុកចិត្តលើខ្លួនឯងណាស់នៅពេលសុំនរណាម្នាក់ចេញទៅក្រៅជួបគ្នាតែពីរនាក់ ព្រោះរូបរាងខាងក្រៅ និងអារម្មណ៍អ្នកបានបង្កើតនូវអ្វីៗដែលខុសពីមុនទាំងអស់ហើយ។ រូបរាងខាងក្រៅដែលល្អ ឬម៉ូដសក់ថ្មីសុទ្ធតែអាចផ្តល់ជាទំនុកចិត្តដល់ការនិយាយគ្នាបានទាំងអស់។ លើសពីនេះទៅទៀត បើសិនជាអ្នកកំពុងតែជួបញ្ហា ឬស្ថិតក្នុងថ្ងៃមិនល្អនោះ វាប្រហែលមិនមែនជាពេលវេលាដ៏ល្អបំផុតសម្រាប់សុំគេជួបគ្នាឡើយ។

• អនុវត្តអោយបានល្អឥតខ្ចោះ ៖ ចូរគិតនូវរឿងមួយចំនួនដែលអ្នកចង់និយាយអោយហើយ និងសមវាចោលសិនទៅ។ អ្នកក៏មិនចាំបាច់ចងចាំពាក្យគ្រប់មាត់ដែរ ដោយគ្រាន់តែមានគំនិតថាគួរហារមាត់និយាយបែបណា ដឹងនូវអ្វីដែលត្រូវនិយាយ និងរបៀបដែលអ្នកចង់អោយគេសួរមកវិញ។ ចូរស្តាប់នូវយោបល់របស់អ្នកឡើងវិញ ពេលនិយាយជាមួយខ្លួនឯងនៅមុខកញ្ចក់។

• បន្ធូរអារម្មណ៍ ៖ ចូរចាំថា មិនខ្វល់ថាអ្នកកំពុងតែណាត់នរណាមកជួបគ្នាទេ អោយតែគិតថាគេជាមនុស្សដែលអ្នកចូលចិត្តទៅបានហើយ។ ទោះបីជាគេមានរូបរាងស្អាតសង្ហារ ឬជាបុរសមានប្រជាប្រិយបំផុតក្នុងសាលាក៏ដោយ ក៏គេនៅតែមានភាពតានតឹង ពេលវេលាអាក្រក់ៗ និងប្រហែលជាធ្លាប់ណាត់នរណាម្នាក់កាលពីមុនដែរហើយ ដូច្នេះ ចូរសង្ឃឹមយ៉ាងមុតមាំថា គេនឹងដឹងនូវអ្វីដែលអ្នកនឹងត្រូវសួរហើយ៕

ប្រភព៖ health.com.kh

មុន បន្ទាប់

មតិយោបល់