អ្នកជំងឺទឹកនោមផ្អែម ប្រឈមមុខខ្ពស់នឹង “ការខូចបេះដូង”

អ្នកជំងឺទឹកនោមផ្អែម ប្រឈមមុខខ្ពស់នឹង “ការខូចបេះដូង”

អ្នកស្រាវជ្រាវបានរកឃើញថា “អ្នកដែលមានជំងឺទឹកនោមផ្អែម អាចមានការកើនឡើងហានិភ័យនៃជំងឺខ្សោយបេះដូងដល់ទៅ ៦ ដង ទោះបីជាកម្រិតកូឡេសស្តេរ៉ូលរបស់ពួកគេទាប ហើយពួកគេមានសុខភាពល្អយ៉ាងណាក៏ដោយ”។

លទ្ធផលនៃការស្រាវជ្រាវបានបង្ហាញថា អ្នកដែលមានជំងឺទឹកនោមផ្អែម និងឈានចូលជំងឺទឹកនោមផ្អែម អាចកំពុងតែទទួលរងនូវរឿងដែលមិនទាន់រកឃើញ ប៉ុន្តែ គ្រោះថ្នាក់ គឺការខូចខាតសាច់ដុំបេះដូង។

វេជ្ជបណ្ឌិត អេលីហ្សាប៊េត សេលវិន (Elizabeth Selvin) បាននិយាយថា ការខូចខាតបេះដូងនេះ កំពុងតែកើតមានឡើង ទោះបីជាមិនមើលលើឥទ្ធិពលនៃកម្រិតកូឡេសស្តេរ៉ូលរបស់អ្នកជំងឺទឹកនោមផ្អែមក៏ដោយ។

វេជ្ជបណ្ឌិត Selvin បាននិយាយថា ទោះបីជាយើងព្យាបាលអ្នកជំងឺទឹកនោមផ្អែមជាមួយនឹងថ្នាំ Statin យ៉ាងណា យើងមិនអាចបន្ថយហានិភ័យនៃការកើនឡើងទាំងស្រុងនៃការស្លាប់ និងជំងឺខ្សោយបេះដូងនោះបានទេ។ នេះតម្រូវអោយមានការការពារជំងឺទឹកនោមផ្អែម ក៏ដូចជាការការពារការឈានចូលជំងឺទឹកនោមផ្អែមផងដែរ។

ការស្រាវជ្រាវពឹងផ្អែកលើតេស្តមួយដើម្បីកំណត់ពីកម្រិតនៃ Troponin ដែលជាប្រូតេអ៊ីនមួយត្រូវបានបញ្ចេញពីឈាមនៅពេលកោសិកាបេះដូងបានស្លាប់។
វេជ្ជបណ្ឌិត Selvin បាននិយាយថា គ្រូពេទ្យនៅផ្នែកសង្គ្រោះបន្ទាន់បានមើលពីកម្រិត Troponin ដើម្បីជួយកំណត់ថាតើ អ្នកជំងឺកំពុងតែទទួលរងនូវការគាំងបេះដូងឬយ៉ាងណា។ អំឡុងពេលនៃការគាំងបេះដូង កោសិកាបេះដូងបញ្ចេញបរិមាណ Troponin ជាច្រើននៅក្នុងចរន្តឈាម។

តេស្តនេះ គឺងាយដឹង ហើយអាចរកឃើញពីការខូចខាតកោសិកាសាច់ដុំបេះដូងរ៉ាំរ៉ៃ ចំពោះអ្នកដែលមិនបង្ហាញពីរោគសញ្ញានៃជំងឺបេះដូង ឬជំងឺអ្វីទាំងអស់នោះ។

វេជ្ជបណ្ឌិត Selvin បាននិយាយថា តេស្ត Troponin មិនទាន់ត្រូវបានអនុម័តអោយប្រើដោយរដ្ឋបាលចំណីអាហារ និងឱសថអាមេរិក (U.S. Food and Drug Administration) នៅឡើយទេ ប៉ុន្តែ វាអាចមានប្រយោជន៍ចំពោះគ្រូពេទ្យ ដើម្បីកំណត់លើអ្នកជំងឺដែលកំពុងតែទទួលរងនឹងបញ្ហារ៉ាំរ៉ៃ ប៉ុន្តែ មិនរកឃើញពីការខូចខាតកោសិកាសាច់ដុំបេះដូងនោះ។

គាត់បាននិយាយថា ការស្រាវជ្រាវរបស់យើងបានបង្ហាញថា តេស្តនេះ អាចមានប្រយោជន៍ដើម្បីកំណត់អ្នកដែលមានការខូចខាតបេះដូងថ្មីៗ។ គាត់ក៏បានបន្ថែមថា វាក៏អាចដើរស្របគ្នាជាមួយនឹងតេស្តកូឡេសស្តេរ៉ូល ដូចជាការតាមដានសម្រាប់ហានិភ័យនៃជំងឺបេះដូងនោះ។

អ្នកស្រាវជ្រាវបានមើលលើបរិមាណនៃ Troponin លើមនុស្សជាង ៩.៣០០ នាក់។ មិនមានអ្នកចូលរួមណាមានរោគសញ្ញានៃបញ្ហាបេះដូងនោះទេ។
ប្រហែលពាក់កណ្តាលនៃអ្នកចូលរួមបានបង្ហាញពីបរិមាណនៃ Troponin នៅក្នុងចរន្តឈាម ដែលជាការចង្អុលបង្ហាញមួយថា សាច់ដុំបេះដូងរបស់ពួកគេកំពុងតែទទួលរងនូវការខូចខាត ដែលមិនទាន់ត្រូវបានដឹង ឬឃើញ។

អ្នកស្រាវជ្រាវបានរកឃើញថា អ្នកដែលមានជំងឺទឹកនោមផ្អែម ហាក់ដូចជាមានឱកាសទ្វេដងក្នុងការកើនឡើងបរិមាណ Troponin នៅក្នុងចរន្តឈាមជាងអ្នកដែលមិនមានជំងឺទឹកនោមផ្អែម។ អ្នកដែលឈានចូលជំងឺទឹកនោមផ្អែម ហាក់ដូចជាមានអត្រា ១/៣ ក្នុងការកើនឡើងកម្រិត Troponin នេះនៅក្នុងឈាម។

អ្នកស្រាវជ្រាវបានធ្វើសេចក្តីរាយការណ៍ថា អ្នកជំងឺទឹកនោមផ្អែមដែលមានកម្រិត Troponin ខ្ពស់នៅក្នុងចរន្តឈាម គឺមាន ៦ ដង ហាក់ដូចជាវិវត្តទៅជាជំងឺខ្សោយបេះដូង និងជិត ៤ ដង ហាក់ដូចជាវិវត្តទៅជាជំងឺបេះដូង បើធៀបទៅនឹងអ្នកដែលមិនមានជំងឺទឹកនោមផ្អែម ឬមិនមានការកើនឡើង Troponin នោះ។

ការស្រាវជ្រាវត្រូវបានចេញផ្សាយនៅក្នុងកាសែត Circulation។

វេជ្ជបណ្ឌិត រ៉ូប៊ឺត អេគេល (Robert Eckel) ជាសាស្ត្រាចារ្យដែលមកពីសាកលវិទ្យាល័យ Colorado Anschutz Medical Campus បាននិយាយថា បញ្ហាដែលមនុស្សមួយចំនួនឈានចូលជំងឺទឹកនោមផ្អែមលេចឡើងពីការទទួលរងនឹងការខូចខាតបេះដូងដែលរកមិនឃើញនោះ គួរតែត្រូវបានពិនិត្យដោយគ្រូពេទ្យឯកទេសជំងឺបេះដូង។

នេះអាចជាការបង្ហាញថា មុននឹងមនុស្សមានជំងឺទឹកនោមផ្អែម ភាពដែលអាចកើតមានការខូចខាតដែលប៉ះពាល់ដល់បេះដូងនោះ អាចមានរួចទៅហើយ ហើយមនុស្សទាំងនោះគួរតែត្រូវបានព្យាបាលអោយបានម៉ត់ចត់៕
ប្រភព៖ health.com.kh

មុន បន្ទាប់

មតិយោបល់