សុបិន្តអាក្រក់ គួរដោះស្រាយយ៉ាងដូចម្តេច?

សុបិន្តអាក្រក់ គួរដោះស្រាយយ៉ាងដូចម្តេច?

សុបិន្តអាក្រក់ គឺជាក្តីសុបិន្តដែលគួរអោយមានការព្រួយបារម្ភ ដែលមានទំនាក់ទំនងជាមួយនឹងអារម្មណ៍អវិជ្ជមាន ដូចជាការស្ត្រេស ឬភ័យខ្លាចជាដើម។ សុបិន្តអាក្រក់ គឺជារឿងធម្មតាមួយ។ វាអាចចាប់ផ្តើមកើតមានឡើងតាំងតែពីនៅកុមារភាព ហើយអាចមានការថយចុះវិញ បន្ទាប់ពីអាយុប្រហែលជា ១០ ឆ្នាំឡើងទៅ។ ទោះជាយ៉ាងណា មនុស្សមួយចំនួនមានការយល់សុបិន្តអាក្រក់រហូតដល់វ័យជំទង់ ឬពេញវ័យ ឬពេញមួយជីវិតរបស់ពួកគេតែម្តង។ ប្រសិនបើអ្នកកំពុងតែយល់សុបិន្តអាក្រក់ សូមព្យាយាមអនុវត្តបច្ចេកទេសមួយចំនួន មុនពេលចូលគេង ដូចជាការងូតទឹកក្តៅឧណ្ណៗ សមាធិ ឬហាត់ដកដង្ហើមជ្រៅៗជាដើម។ ប្រសិនបើកូនរបស់អ្នកកំពុងតែជួបការលំបាកដោយការយល់សុបិន្តអាក្រក់ សូមស្វែងរកវិធីសាស្ត្រនានា ដើម្បីជួយកូនអ្នកអោយបានប្រសើរជាងមុន ហើយពេលខ្លះ ការច្នៃប្រឌិតតិចតួចអាចជួយបានផងដែរ។

ជជែកអំពីហេតុការណ៍ក្នុងសុបិន្តជាមួយកូនរបស់អ្នក ៖ ប្រាប់កូនរបស់អ្នកអោយពិពណ៌នាអំពីសុបិន្តអាក្រក់នេះ។ តើមានអ្វីកើតឡើង?តើមាននណាខ្លះនៅក្នុងសុបិន្ត? តើអ្វីដែលគួរអោយខ្លាច? បន្ទាប់មក រំលឹកកូនរបស់អ្នកថា សុបិន្តអាក្រក់ មិនមែនជាការពិតនោះទេ សូមកុំបារម្ភពីវាអី។
បន្ថយភាពតានតឹង ៖ ប្រសិនបើកូនរបស់អ្នកហាក់ដូចជាបារម្ភ ឬមានភាពតានតឹង សូមនិយាយអំពីអ្វីដែលរំខានដល់គេ។ អនុវត្តសកម្មភាព ដែលអាចបន្ថយភាពតានតឹងសាមញ្ញៗមួយចំនួនដូចជា ការដកដង្ហើមជ្រៅៗជាដើម។
ផ្តល់ការសហការ ៖ កូនរបស់អ្នកអាចនឹងមានអារម្មណ៍ថា មានសុវត្ថិភាពច្រើនជាងមុន ប្រសិនបើគេគេងជាមួយនឹងសត្វដែលគេចូលចិត្ត ភួយ ឬវត្ថុដែលមានផាសុខភាពផ្សេងទៀត។
បើកពន្លឺអោយភ្លឺ ៖ប្រើពន្លឺសម្រាប់បំភ្លឺពេលយប់ នៅក្នុងបន្ទប់ដែលកូនអ្នកគេង។ ប្រសិនបើកូនអ្នកភ្ញាក់ពីគេង ក្នុងអំឡុងពេលយប់ ពន្លឺអាចធ្វើអោយគេមានការទុកចិត្តឡើងវិញ។
បើកចំហរទ្វារបន្ទប់ ៖ ទុកអោយទ្វារបន្ទប់ដែលកូនរបស់អ្នកគេង អោយនៅចំហរនៅពេលយប់ ដូច្នេះ គេនឹងមិនមានអារម្មណ៍ថា នៅតែម្នាក់ឯងទេ៕

ប្រភព៖ health.com.kh

មុន បន្ទាប់

មតិយោបល់