តើមានអ្វីកើតឡើងប្រសិនបើសម្ពាធនៅក្នុងភ្នែកកើនឡើង?

តើមានអ្វីកើតឡើងប្រសិនបើសម្ពាធនៅក្នុងភ្នែកកើនឡើង?

ជំងឺដក់ទឹកក្នុងបាតភ្នែកគឺជាជំងឺមួយដែលបណ្តាលឱ្យមានការខូចខាតទៅនឹងសរសៃប្រសាទនៅបាតភ្នែករបស់អ្នក។ភាគច្រើនវាទាក់ទងជាមួយនឹងការកើនឡើងនៃសម្ពាធនៅក្នុងបាតភ្នែក។ការដក់ទឹកនៅក្នុងបាតភ្នែកមិនសូវបង្ហាញរោគសញ្ញាអោយយើងដឹងនោះទេ។សម្ពាធកើនឡើងនៅក្នុងភ្នែកអាចធ្វើឱ្យខូចសរសៃប្រសាទនៅបាតភ្នែកដែលមានមុខងារបញ្ជូនរូបភាពទៅកាន់ខួរក្បាលដូច្នេះប្រសិនបើមានការខូចខាតទៅលើសរសៃប្រសាទនៅបាតភ្នែក វាអាចធ្វើឱ្យខ្វាក់ភ្នែក។បើគ្មានការព្យាបាលការដក់ទឹកក្នុងបាតភ្នែក វាអាចបណ្តាលឱ្យខ្វាក់ភ្នែកក្នុងរយៈពេលពីរទៅបីឆ្នាំបន្ទាប់មកទៀត។ដោយសារតែមនុស្សភាគច្រើនមិនមានលេចចេញនូវរោគសញ្ញានៅដំណាក់កាលដំបូងឬមានការឈឺចាប់នោះទេដូច្នេះវាជាការសំខាន់ណាស់ដែលអ្នកគួរទៅពិភាក្សា និងពិនិត្យភ្នែកឱ្យបានទៀងទាត់ដើម្បីទទួលយកព្យាបាលអោយបានទាន់ពេល។ចំពោះអ្នកដែលមានអាយុចាប់ពី ៤០ឆ្នាំឡើងទៅ និងមានប្រវត្តិគ្រួសារធ្លាប់មានជំងឺដក់ទឹកក្នុងបាតភ្នែកអ្នកគួរតែទៅជួបជាមួយនឹងគ្រូពេទ្យភ្នែកអោយបានម្តងទៅពីរដងក្នុងមួយឆ្នាំអោយបានទៀងទាត់។ ប្រសិនបើអ្នកមានបញ្ហាសុខភាពដូចជាជំងឺទឹកនោមក៏គួរតែទៅជួបជាមួយគ្រូពេទ្យភ្នែកអោយបានទៀងទាត់ផងដែរ៕
ប្រភព៖health.com.kh

មុន បន្ទាប់

មតិយោបល់