ហេតុអ្វីបានជាអ្នកផោម ឬភើ?

ហេតុអ្វីបានជាអ្នកផោម ឬភើ?

ក្នុងពោះវៀនគឺតែងតែមានវត្តមានខ្យល់ ដែលមានចាប់ពីក្រពះទៅទល់នឹងរន្ធគូថ។ យើងអាចកត់សម្គាល់ដឹងពីខ្យល់នៅពោះវៀនបាន ប្រសិនបើវាមានច្រើនហួសប្រមាណឬបង្កអោយមានការឈឺចាប់។ មានខ្យល់ច្រើនពេកនៅក្នុងក្រពះឬពោះវៀនផ្នែកខាងលើអាចបណ្តាល“ភើ”។ ហើយបើវាមានខ្យល់ច្រើននៅពោះវៀនផ្នែកខាងក្រោម វាអ្នកអាចបណ្តាលអោយ “ផោម”។ វាអាចបណ្តាលអោយចុកឬឈឺពោះ ដោយមិនមានមូលហេតុច្បាស់លាស់។

មានមនុស្សភាគច្រើនផោមតែម្តងម្កាលតែប៉ុណ្ណោះតែអ្នកខ្លះវិញ ច្រើនដងក្នុងមួយថ្ងៃ ហើយអាចជាទម្លាប់ធម្មតាប្រចាំថ្ងៃរបស់គេ។ ជួនកាល ការមានខ្យល់ក្នុងពោះវៀនលើសលប់ អាចបង្ហាញពីបញ្ហានៃការរំលាយអាហារ។

ការមានខ្យល់ក្នុងពោះវៀនច្រើនផ្នែកខាងលើអាចបណ្តាលមកពីការលេបខ្យល់ច្រើនពេកពេលបរិភោគអាហារឬទំពារស្ករកៅស៊ូជាដើម។ ចំពោះពោះវៀនផ្នែកខាងក្រោមវិញ វាអាចមកពីសកម្មភាពរបស់ពពួកបាក់តេរី ទៅលើម្ហូបអាហារដែលមិនត្រូវបានបំបែក ហើយធ្លាក់រហូតដល់ដល់ពោះវៀនធំ។ វាជាប់ទាក់ទងទៅនឹងសកម្មភាពរបស់បាក់តេរី ដែលបង្កើតនូវអ៊ីដ្រូសែនកាបូនឌីអុកស៊ីត ហើយជួនកាលឧស្ម័នមេតាន៕
ប្រភព៖health.com.kh

មុន បន្ទាប់

មតិយោបល់