ការវះកាត់កែសម្ជស្សនៅក្នុងប្រទេសកូរ៉េ បានធ្វើឲ្យស្ត្រីជនជាតិចិនជាច្រើន ស្ទើតែមិនអាចត្រឡប់មកស្រុកកំណើតវិញ

ការវះកាត់កែសម្ជស្សនៅក្នុងប្រទេសកូរ៉េ បានធ្វើឲ្យស្ត្រីជនជាតិចិនជាច្រើន ស្ទើតែមិនអាចត្រឡប់មកស្រុកកំណើតវិញ

នៅពេលដែលស្ត្រីភាគច្រើន កំពុងសំឡឹងមើល និងធ្វើយ៉ាងណាឲ្យសម្រស់ស្រស់ស្អាតនោះ ជាមួយនឹង ផ្លែកាំបិត វះកាត់កែសម្រស់ ឲ្យកាន់តែស្អាត និងក្លាយជាម្ចាស់លើរូបរាងដ៏ស្រស់ស្អាត ។ ក៏ប៉ុន្តែនៅចំណុចនេះដែរ វាក៏មានផលលំបាកផងដែរ ដោយកើតចេញពីការវះកាត់ ដោយបានផ្លាស់ប្តូរជីវិតរបស់ពួកគេ ។

ទន្ទឹមជាមួយនឹងគ្នានេះដែរ មានស្ត្រីជាច្រើនណាស់ ដែលមានបញ្ហា ជាមួយនឹងលិខិតឆ្លងដែន ដោយប្រែខ្លួនជាជនអន្តោប្រេវេសន៍ បន្ទាប់ពីវះកាត់ ដោយមិនអាចធ្វើដំណើរទៅស្រុកកំណើតវិញ ព្រោះតែមុខមាត់ ខុសប្លែកពីលិខិតឆ្លងដែន។

គេនៅចាំបានថា កាលពីឆ្នាំ ២០០៩ មានស្ត្រីជនជាតិចិន ២៣ នាក់ បានជួបបញ្ហា ជាមួយនឹងលិខិតឆ្លងដែន បន្ទាប់ពីវះកាត់រួចរាល់ នៅកូរ៉េ ក៏ប៉ុន្តែបែរជាមិនអាចត្រឡប់ទៅស្រុកកំណើតវិញ ខណៈវះកាត់ច្រមុះ ចង្កាកើម ឲ្យចេញជាអក្សរវី ជាដើម ។ បន្ទាប់ពីការធ្វើតេស្ត ទៅលើឯកសារ និងរូបរាង ខាងច្រកទ្វារព្រំដែនបានអនុញ្ញាតឲ្យពួកគេត្រឡប់ទៅស្រុកកំណើតវិញ តែ ត្រូវធ្វើលិខិតឆ្លងដែនថ្មី ។

កូរ៉េខាងត្បូង បានក្លាយជាឧស្សាហកម្មវះកាត់ដ៏ពេញនិយមបំផុត ដែលធ្វើឲ្យមនុស្សនៅជុំវិញ ពិភពលោកចង់ធ្វើដំណើរទៅវះកាត់កែសម្ជស្សនៅទីនោះ។ ដោយមាន ២០ ភាគរយ ជាស្ត្រី ដែលមានអាយុ ពី ១៩ ដល់ ៤៩ នៅសេអ៊ូល បានប្រើប្រាស់សម្រស់ដែលបានមកពី ការវះកាត់ ។ មនុស្សជាច្រើន បានជឿជាក់ថា ដោយសារតែឧស្សាហកម្មកម្សាន្តនៅប្រទេសនេះជឿនលឿន និងអ្នកខ្លះចង់បានសម្រស់ស្រស់ស្អាត ដូចជាតារាសំណព្វចិត្ត ទើបមានការវះកាត់កើនឡើងយ៉ាងដូច្នេះ ៕
2014-04-23_111636