ងាយៗ ដើម្បីបំបាត់ការឈឺចាប់ពេលមករដូវ

ងាយៗ ដើម្បីបំបាត់ការឈឺចាប់ពេលមករដូវ

2014/01/03 (3 ខែមុន)Featured, សុខភាព-ស្នេហាគ្មានមតិ

សុខភាព៖ ស្ត្រីមួយចំនួនមានអារម្មណ៍ឈឺចាប់នៅក្នុងអំឡុងពេលធ្លាក់ឈាមរដូវ ព្រោះថានោះគឺជារឿងធម្មតា ប៉ុន្តែក៏មានវិធីសម្រាប់បង្កា ឬកាត់បន្ថយការឈឺចាប់ផងដែរ។

ខាងក្រោមនេះគឺជាវិធីតាមបែបធម្មជាតិងាយៗ ដើម្បីជួយបំបាត់ការឈឺចាប់នៅពេលធ្លាក់ឈាមរដូវដោយមិនបាច់ប្រើថ្នាំ៖

ទឹកប្រទាលកន្ទុយក្រពើ និងទឹកឃ្មុំ ៖ ទឹកប្រទាលកន្ទុយក្រពើពីធម្មជាតិ គឺមានសមាសធាតុក្នុងការជួយសម្រាលដល់ការឈឺចាប់ ។ អ្នកអាចយកទឹកប្រទាល កន្ទុយក្រពើលាយជាមួយទឹកឃ្មុំ១ស្លាប ព្រាកាហ្វេ ហើយអ្នកអាចផឹកវាឲ្យបាន ២ទៅ៣ដងក្នុងមួយថ្ងៃ។ វិធីនេះអាចជួយកាត់បន្ថយការឈឺចាប់ ដែលបណ្តាលមកពីការធ្លាក់ឈាមរដូវ ។ ទឹកប្រទាល កន្ទុយក្រពើអាចជួយដំណើរឈាមរត់នៅក្នុងរយៈពេល នៃការធ្លាក់ឈាមរដូវបានយ៉ាងល្អ។

ប្រើកំណាត់ជ្រលក់ទឹកក្តៅឧណ្ហៗ ៖ វិធីនេះមានប្រសិទ្ធភាពបំផុតក្នុងការ ជួយបំបាត់ការឈឺចាប់នៅពេលមករដូវ ។ គ្រាន់តែយកកំណាត់ ឬស្បៃដែលបាន ជ្រលក់ទឹកក្តៅឧណ្ហៗយកមកស្អំនៅលើពោះរបស់អ្នក។ អ្នកនឹងដឹងពីប្រសិទ្ធភាព របស់វា តែក្នុងរយៈពេល៥នាទីប៉ុណ្ណោះ។ វាអាចជួយការពារបាននូវបញ្ហានៃ ការឈឺចាប់ និងការឈឺរមូលនៅក្នុងពោះ។

ទឹកម្នាស់ ឬទឹកការ៉ុត ៖ ទឹកម្នាស់ គឺសម្បូរទៅដោយសារជាតិ ពរៀមេ- លានិន។ វាអាចជួយសម្រាលនូវអាការឈឺរមូលនៅក្នុងពោះ និងការឈឺចាប់សាច់ដុំក្នុងអំឡុងពេលនៃការធ្លាក់ឈាមរដូវនេះ។ ជាមួយនឹងការផឹកទឹកម្នាស់ត្រឹមតែមួយកែវនោះ អ្នកនឹងអាចបាត់បង់នូវអារម្មណ៍នៃការឈឺចាប់នេះបាន។ ប្រសិន រាងកាយអ្នកមិនអាចទទួលយកទឹកម្នាស់នេះបាន គឺអ្នកអាចជ្រើសរើសយកទឹក ការ៉ុត យកមកទទួលទានជំនួសវិញក៏បានដែរ។ ទឹកការ៉ុតក៏អាចមានប្រសិទ្ធភាព ក្នុងការសម្រាលនៃការឈឺចាប់សាច់ដុំ និងអាការឈឺរមូលនៅក្នុងពោះបានដែរ ។

ទឹកជីរអង្កាម ឬទឹកខ្ញី ៖ ទឹកជីរអង្កាម ឬទឹកខ្ញីអាចជួយសម្រាលដល់សភាពតឹងណែនរបស់សាច់ដុំនៅក្នុងរាងកាយ។ វិធីព្យាបាលតាមបែបធម្មជាតិមួយនេះ នឹងអាចជួយបំបាត់អាការឈឺចាប់ដែលបណ្តាលមកពីការធ្លាក់ឈាមរដូវនេះបាន ដោយគ្រាន់តែទទួលទានទឹកជីរអង្កាម ឬទឹកខ្ញីពី២ទៅ៣ដងក្នុងមួយថ្ងៃ គឺអាស្រ័យ ទៅតាមសភាពនៃការឈឺចាប់របស់អ្នក។

លំហាត់ប្រាណ ៖ ការហាត់ប្រាណក៏អាចជួយសម្រាលដល់ការឈឺចាប់ និងរមូលពោះ នៅក្នុងអំឡុងពេលនៃការធ្លាក់ឈាមរដូវបាន៕

By domneng

មុន បន្ទាប់

មតិយោបល់