វិធីបញ្ឈប់កូនអ្នក កុំឲ្យបន្តខាំដៃ

វិធីបញ្ឈប់កូនអ្នក កុំឲ្យបន្តខាំដៃ

មានទារកភាគច្រើន សុទ្ធតែចូលចិត្តខាំមេដៃរបស់ខ្លួន ឬជញ្ជក់ ហាក់ដូចជាឆ្ងាញ់ណាស់អញ្ចឹង។ ហើយមានឳពុកម្តាយភាគច្រើន មិនសូវខ្វល់ពីកូនទេ ព្រោះគាត់យល់ថា វាជារឿងធម្មតា។ ប៉ុន្តែ វាប៉ះពាល់សុខភាពខ្លាំងណាស់។ តើគួរធ្វើដូចម្តេច ទើបអាចផ្តាច់បាននោះ?
1.    ត្រូវតែស្វែងយល់ ពីតម្រូវការរបស់កូន ថាតើគេត្រូវការអ្វី? តើគេឃ្លាន ឬចង់គេង? ហើយអ្នកក៏អាចហ្វឹកហាត់ដៃគេ ដោយឧស្សាហ៍ឲ្យកូនអ្នក ចាប់របស់លេងដោយខ្លួនឯង មិនត្រូវយកអោយដល់ដៃគេទេ។ យូរៗទៅ កូននឹងមិនមានទម្លាប់ ដាក់ដៃចូលមាត់ទៀតទេ។
2.    ត្រូវតែបញ្ចុកបាយកូន ឲ្យទៀងពេល និងទៀងម៉ោង។ ពេលដែលគេមិនឃ្លាន គេនឹងមិនខាំដៃខ្លួនឯងទៀតទេ។
3.    ត្រូវតែបង្រៀនកូន ឲ្យចេះមានអនាម័យ តាំងពីតូច ហើយត្រូវតែឧស្សាហ៍រំលឹកគេថា ការដាក់ដៃចូលមាត់ គឺជាទម្លាប់មិនល្អឡើយ។
4.    នៅពេលដែលគេខាំដៃ ត្រូវតែប្រើក្រសែភ្នែកម៉ត់ចត់ សំលឹងទៅគេ ហើយនិយាយថា មិនត្រូវខាំទេ។ ប៉ុន្តែ មិនត្រូវវៃ ឬស្តីបន្ទោស ឲ្យគេខ្លាំងៗនោះទេ។ ត្រូវនិយាយតាមសម្រួល នោះគេនឹងស្តាប់ចូលត្រចៀក។
ដូចនេះ អ្នកអាចសាកល្បង ប្រើវិធីខាងលើ ដើម្បីបញ្ឈប់ទម្លាប់អាក្រក់ នៃការខាំដៃរបស់កូនអ្នកបាន៕

ប្រភព៖health.com.kh

មុន បន្ទាប់

មតិយោបល់