រោគវិនិច្ឆ័យ នៃជំងឺគ្រុនក្តៅ

រោគវិនិច្ឆ័យ នៃជំងឺគ្រុនក្តៅ

ទោះបីជាគ្រុនក្តៅ គឺជាងាយស្រួលដើម្បីវាស់ ប៉ុន្តែ ការកំណត់ពីមូលហេតុ ដែលបណ្តាលអោយគ្រុនក្តៅ អាចជារឿងពិបាក។ ក្រៅពីពិនិត្យរាងកាយ គ្រូពេទ្យនឹងសួរអំពីរោគសញ្ញា និងលក្ខខណ្ឌសុខភាព ថ្នាំ និងថាតើ អ្នកបានធ្វើដំណើរកំសាន្ត ទៅកន្លែងដែលងាយមានការឆ្លងមេរោគ ឬយ៉ាងណា។ ជំងឺគ្រុនចាញ់ អាចមានគ្រុនក្តៅ ដែលកើតមានឡើងម្តងហើយម្តងទៀត។
ជួនកាល អ្នកអាចមានគ្រុនក្តៅ ដោយមិនដឹងពីប្រភពច្បាស់លាស់។ ក្នុងករណីមួយចំនួន មូលហេតុ អាចជាបញ្ហាមិនជាក់ស្តែង ដូចជាការឆ្លងមេរោគរ៉ាំរ៉ៃ ជំងឺមហារីក ឬបញ្ហាដទៃទៀត។
ដូចនេះ ការព្យាបាលចំពោះអាការៈគ្រុនក្តៅ គឺអាស្រ័យទៅលមូលហេតុនៃគ្រុនក្តៅ។ ឧទាហរណ៍ ថ្នាំផ្សះនឹងត្រូវបានប្រើ ចំពោះការឆ្លងមេរោគ ដោយសារមេរោគបាក់តេរី។
ការព្យាបាលទូទៅបំផុត ចំពោះគ្រុនក្តៅរួមមាន ថ្នាំដែលមានលក់នៅតាមទីផ្សារ ដូចជា ថ្នាំអាសេតាមីណូហ្វេន (Tylenol) និងថ្នាំប្រឆាំងនឹងការរលាក ដែលមិនមែនជាស្តេរ៉ូអ៊ីត ដូចជាថ្នាំអ៊ីប៊ុយប្រូហ្វេន (Advil) ជាដើម។ កុមារ និងមនុស្សវ័យជំទង់ មិនគួរប្រើថ្នាំអាស្ពីរីន ដោយសារតែវាត្រូវបានផ្សារភ្ជាប់ទៅនឹងជំងឺ Reye៕

ត្រួតពិនិត្យដោយ www.health.com.kh ថ្ងៃទី01 មីនា ឆ្នាំ2015

មុន បន្ទាប់

មតិយោបល់