នាងខ្មាស់១០វិធីចាត់ការមានអារម្មណ៍មិនល្អ

នាងខ្មាស់១០វិធីចាត់ការមានអារម្មណ៍មិនល្អ

១- សម្លឹងពិភពលោកក្នុងផ្លូវល្អ :ពេលអ្នកមានគំនិតដែលធ្វើឲ្យក្រៀមក្រំ ដូចជា “ខ្ញុំមិនចេះធ្វើលំហាត់នេះឡើយ” ចូរគិតសាជាថ្មីថា “បើខ្ញុំមានជំនួយដ៏ត្រឹមត្រូវ ខ្ញុំប្រាកដជាអាចធ្វើបាន” រួចទៅរកគ្រូពិសេស ឬមិត្តភក្តិជួយបង្រៀនបន្ថែម។២- រកសៀវភៅកត់ត្រាមួយក្បាល :សម្រាប់ទុកសរសេរ មុនពេលចូលគេងរាល់យប់ ប៉ុន្តែហាមសរសេររឿងមិនល្អ។ អ្នកអាចសរសេរ ដូចជា មានមនុស្សប្លែកមុខ ញញឹមដាក់អ្នក ជាដើម ព្រោះតាមការស្រាវជ្រាវ រកឃើញថា អ្នកដែលមានគំនិតចង់សម្លាប់ខ្លួនឯង នឹងមានអារម្មណ៍ប្រសើរឡើង បន្ទាប់ពីចាប់ផ្តើមកត់ត្រារឿងល្អៗ បានពីរសប្តាហ៍។៣- ចំណាយពេលនៅជាមួយមនុស្សកំប្លែង : មានន័យថា ចំណាយពេលនៅជាមួយមនុស្ស ដែលធ្វើឲ្យអ្នក សើចសប្បាយបាន។៤- យកចិត្តទុកដាក់ចំពោះអារម្មណ៍របស់ : ត្រូវចេះយកចិត្តទុកដាក់ ចំពោះអារម្មណ៍ខ្លួនឯង ក្នុងពេលនីមួយៗ។ ឧទាហរណ៍ បើអ្នកមានអារម្មណ៍ល្អបំផុតនាពេលព្រឹក មានន័យថា ពេលព្រឹក គឺជាពេលចាត់ការចំពោះការងារតានតឹង ឬស្មុគស្មាញ។ បើពេលរសៀល អ្នកអស់កម្លាំង ចូរទុកពេលវេលានោះ ធ្វើកិច្ចការដែលមិនត្រូវប្រើថាមពលខាងអារម្មណ៍ច្រើន ដូចជា អានសៀវភៅ ឬនៅជាមួយមិត្តភក្តិ។ កុំធ្វើអ្វីដែលតានតឹង ពេលអ្នកហត់នឿយ។៥- ការហាត់ប្រាណ : លំហាត់ប្រាណ ជួយឲ្យរាងកាយ និងចិត្តរឹងមាំ គ្រាន់តែហាត់ប្រាណមួយថ្ងៃ២០នាទី ក៏អាចធ្វើឲ្យអារម្មណ៍ស្ងប់ និងមានសេចក្តីសុខបានដែរ។ ការហាត់ប្រាណ ជួយបង្កើនការផលិតអ័រម៉ូនអេនឌ័រហ្វ៊ីន (Endorphin) ដែលជាសារធាតុធ្វើឲ្យកើតអារម្មណ៍ល្អ និងមានសេចក្តីសុខ។៦- សង្កេតពីអារម្មណ៍ប្រចាំខែ : ជារៀងរាល់ពេលផ្សេងៗ ក្នុងខែនីមួយៗ ព្រោះស្រី្តមួយចំនួនរកឃើញថា ពេលដែលខ្លួនមានអារម្មណ៍មិនល្អ ពាក់ព័ន្ធជាមួយវដ្តរដូវ។៧- ចេះថ្លឹងថ្លែងវែកញែកបញ្ហា : ត្រូវប្រើហេតុផលជាចម្បង ក្នុងការថ្លឹងថ្លែងវែកញែករាល់បញ្ហា ដើម្បីរកដំណោះស្រាយ ដោយមានប្រសិទ្ធភាព។៨- ស្តាប់ភ្លេង : ព្រោះការស្រាវជ្រាវរកឃើញថា ចង្វាក់របស់ចម្រៀង ជួយរៀបគំនិត និងអារម្មណ៍ និងជួយកាត់បន្ថយភាពតានតឹងរបស់សាច់ដុំ។៩- ទូរស័ព្ទទៅរកមិត្តភក្តិសុំជំនួយ : ការសុំជំនួយពីមិត្តភ័ក្តិ ធ្វើឲ្យអ្នកមានអារម្មណ៍ជិតស្និទ្ធជាមួយអ្នកដទៃ និងកាត់បន្ថយនូវអារម្មណ៍ឯកោ ហើយការឱបក្រសោប ជួយឲ្យរាងកាយ បញ្ចេញអ័រម៉ូន ដែលធ្វើឲ្យមានអារម្មណ៍ល្អ ដែលអាចជួយទប់ទល់ជាមួយអារម្មណ៍តានតឹងបាន។១០- កុំសម្ងំនៅតែឯកឯង : ចូរស្ថិតក្នុងចំណោមមនុស្ស ដែលមានសេចក្តីសុខ ព្រោះវានឹងធ្វើឲ្យអ្នកមានសេចក្តីសុខ ទៅតាមពួកគេដែរ៕អត្ថបទ៖ បុរសដំណឹង

មុន បន្ទាប់

មតិយោបល់