​យោងតាម​ការសិក្សា​ស្រាវជ្រាវ​មួយ បានបង្ហាញ​ថា អ្នក​អាច​បង្ហាញ​ឱ្យ​អ្នកដទៃ​ឱ្យឃើញ​ថា​អ្នក គឺជា​មនុស្ស​ឆ្លាត​វៃ និង​ជោគជ័យ គឺ​ត្រូវ​បង្ហាញ​បាន​តាមរយៈ ស្នាមញញឹម​ដ៏​ស្រស់​ស្រាយ​។
​គន្លឹះ​ខាងក្រោម​នេះ បាន​បង្ហាញ​ពី​របៀប បង្កើត​ស្នាមញញឹម​ដ៏​ស្រស់ស្រាយ រួមជាមួយ​នឹង​ទំនុកចិត្ត ៖
1.​    ​ការប្រើប្រាស់​ខ្សែ សម្រាប់​សម្អាត​ធ្មេញ​
​វា​មាន​សារសំខាន់ នៅ​ក្នុង​ការ​ធ្វើ​អនាម័យ​មាត់​ធ្មេញ ដើម្បី​យក​ចេញ​នូវ​កាកសំណល់​អាហារ​នៅ​ចន្លោះ​ធ្មេញ ព្រោះថា កាកសំណល់​អាហារ អាច​ធ្វើឱ្យ​រលាក​អញ្ចាញ​ធ្មេញ និង​បណ្ដាលឱ្យ​អញ្ចាញធ្មេញ​ងាយ​នឹង​ឈាម​។​
2.​    ​ការសម្អាត​អណ្តាត​
​ការលាង​សម្អាត​អណ្តាត គឺជា​ផ្នែក​មួយ​នៃ​ការ​អនាម័យ​មាត់​ធ្មេញ​ប្រចាំថ្ងៃ យ៉ាង​មាន​សារៈសំខាន់ គឺ​ដើម្បី​យក​ចេញ​នូវ​ការបង្កើត​ជា​បន្ទះ​ពណ៌​ស និង​ពណ៌​លឿង​នៃ​បាក់តេរី នៅលើ​អណ្តាត ដែល​ធ្វើឱ្យ​មាន​ខ្យល់​ដង្ហើម​មិនល្អ​។​
3.​    ​ការប្រុងប្រយ័ត្ន នៅក្នុង​ការបរិភោគ និង​ផឹក​
​ស្ករ គឺជា​មូលហេតុ​ចម្បង ដែល​ធ្វើឱ្យ​ធ្មេញ​មាន​ប្រហោង ដូច្នោះ នៅពេល​ដែល​អ្នក​ញ៉ាំ​អាហារ ដែល​មាន​កាបូ​អ៊ី​ដ្រាត អាស៊ីត​នៅក្នុង​ទឹក​ផ្លែឈើ និង​ភេសជ្ជៈ វា​ធ្វើឱ្យ​ធ្មេញ​ងាយ​ខូច​បាន​យ៉ាង​ងាយស្រួល​។
4.​    ​មាត់​ធ្មេញ​មាន​សុខភាព​ល្អ​
​មាត់​ធ្មេញ​មាន​សុខភាព​ល្អ មិនមែន​តែ​ធ្វើឱ្យ​អ្នក​ស្រស់ស្រាយ​ប៉ុណ្ណោះ​ទេ ប៉ុន្តែ វា​ក៏​អាច​ធ្វើឱ្យ​អ្នក​មាន​សុខភាព​ល្អ​ផង​ដែរ​។ អ្នក​ត្រូវ​បរិភោគ​អាហារ​ដូចជា បន្លែ​ផ្លែឈើ​ការ​ញ៉ាំ​ទឹក​ឱ្យបាន​គ្រប់គ្រាន់ ព្រមទាំង​ការសម្អាត​មាត់​ធ្មេញ យ៉ាងហោច​ណាស់​ពីរដង ក្នុង​មួយ​ថ្ងៃ​ជាមួយនឹង​ច្រាស់​ដុសធ្មេញ និង​ថ្នាំដុសធ្មេញ​ហ្វ្លុ​យ​អូ​រ៉ា​យ ហើយ​អ្នក​គួរតែ​ទៅពិនិត្យ​មាត់​ធ្មេញ ឱ្យបាន ២ ដង​ក្នុង​មួយឆ្នាំ ។​
5.​    ​ការការពារ​អញ្ចាញធ្មេញ​
​ការ​ម៉ាស្សា​អញ្ចាញ​ធ្មេញ ជាមួយ​សរសៃ​ច្រាស់​ដុស​ធ្មេញ ដោយ​ការ​ការ​ដុសធ្មេញ​ជា​ចលនា​រាង​ជា​រង្វង់​ពីលើ​ចុះក្រោម គឺជា​វិធី​ដ៏​ល្អ ដើម្បី​បង្កើន​សុខភាព​មាត់​ធ្មេញ​៕

ត្រួតពិនិត្យដោយ www.health.com.kh ថ្ងៃទី23 មីនា ឆ្នាំ2015