តើជនជាតិណាមានអាយុវែងជាងគេក្នុងលោក? មានអាថ៌កំបាំងអ្វីដែរ?

តើជនជាតិណាមានអាយុវែងជាងគេក្នុងលោក? មានអាថ៌កំបាំងអ្វីដែរ?

ភាគច្រើននៃកំណត់ត្រា អាយុវែងរបស់ សៀវភៅនេះ គឺបានធ្លាក់ទៅលើជនជាតិជប៉ុន ជាជនជាតិមួយ រស់នៅភាគខាងកើតនៃទ្វីបអាស៊ី នៅតំបន់ប្រជុំកោះ ចំនួន 6,852 កោះ និងកោះធំៗចំនួន៤គឺ Honshu, Hokkaido, Kyushu និង Shikoku។ មានកត្តាជាច្រើនបង្ហាញថា មនុស្សរស់នៅលើកោះនេះ ជាពិសេសទម្លាប់របស់គេ បានធ្វើឲ្យគេអាចរក្សាអាយុបានវែងជាងគេក្នុងលោកនេះ។

តើអាថ៌កំបាំងទាំងនោះមានអ្វីខ្លះទៅ?

ចំលើយត្រូវបានចុះផ្សាយដោយ គេហទំព័រ ស៊ីអីអិន មានចំណងជើងថា
«អាថ៌កំបាំងអាយុវែងនិងក្មេងជាងវ័យរបស់ជនជាតិជប៉ុន» នាវាសូមដកស្រង់ដូចខាងក្រោម៖
ជនជាតិជប៉ុនអាវែងបំផុតពិភពលោក ពិសេសស្ត្រីជប៉ុនជានិច្ចកាលមើលទៅក្មេងជាងវ័យ ។ ខាងក្រោមនេះជាអាថ៌កំបាំងរបស់ពួកគេ ៖ ទទួលទានអាហារស្រស់ នៅក្នុងផ្ទះបាយរបស់ជនជាតិជប៉ុន អ្នកនឹងមិនរកឃើញចំណីអាហារកែច្នៃស្រាប់ ។

ពួកគេតែងទិញអាហារស្រស់រាល់ថ្ងៃ ។ ទម្លាប់ដណ្តាំស្លខ្លួនឯងរបស់ស្ត្រីជប៉ុនបានជួយគេយ៉ាងច្រើនក្នុង បញ្ចៀសពីអាហារសម្បូរជាតិខ្លាញ់ ។ ពេលបាយរបស់ជនជាតិជប៉ុនសម្បូរទៅដោយត្រី ដូចជាត្រីធូណា និងពពួកគ្រឿងសមុទ្រ វាផ្ទុកប្រូតេអ៊ីនច្រើន និងពុំមានថាមពលលើស ។ ត្រីពុំត្រឹមតែជួយបញ្ចៀសបានហានិភ័យកើតជំងឺសរសៃឈាមបេះដូងប៉ុណ្ណោះ ទេ តែនៅសម្បូរ Omega-3 ល្អបំផុតសម្រាប់ស្បែក ។ មិនទទួលទានស្រា និងប្រើសារជាតិរំញោច តាមការស្រាវជ្រាវរបស់ពួកអ្នកវិទ្យាសាស្ត្រ នោះក្នុងចំណោមស្ត្រីជប៉ុន ១០០.០០០នាក់ ទើបមាន៦នាក់កើតជំងឺមហារីកសុដន់ អត្រានេះទាបជាងច្រើនប្រៀបនឹងបណ្តាប្រទេសផ្សេងៗ ។

មូលហេតុគឺដោយសារពួកគេមានរបៀបរបបរស់នៅល្អត្រឹមត្រូវ មិនទទួលទានស្រា ចៀសឆ្ងាយពីសារជាតិរំញោច នឹងធ្វើចលនាជាប្រចាំ ។ មិនទទួលទានតម ទទួលទានល្មម របបទទួលទានសមស្រប ពុំសូវមានកាឡូរី មានជាតិខ្លាញ់តិច...ធ្វើឲ្យអ្នកពុំចាំបាច់ទទួលទានតម តែសរីរាង្គនៅតែមានសុខភាពល្អ ។ ជនជាតិជប៉ុនទទួលទានឆ្អែតល្មម (មិនទទួលទានឆ្អែតពេក ទោះបីឆ្ងាញ់មាត់) និងច្រើនទទួលទានតែ ៨០% លទ្ធភាពរបស់ខ្លួន ។ រស់នៅស្ងៀមស្ងាត់ ពួកគេរក្សាជីវភាព របស់ខ្លួនក្នុងភាពស្ងប់ស្ងៀម មិនស្ត្រេស សុទិដ្ឋិនិយម រីករាយ អធ្យាស្រ័យ នោះក៏ជាវិធីមួយដើម្បីជីវិតសុខសាន្ត ។ ដើរ ជនជាតិជប៉ុនមានទម្លាប់ដើរ ។ រៀងរាល់ព្រឹកស្ត្រីជប៉ុនតែងដើរទៅផ្សារទិញអាហារស្រស់ៗមកចម្អិន ដោយខ្លួនឯង ។

ពួកគេមិនជួលមនុស្សជួយធ្វើកិច្ចការផ្ទះតែធ្វើដោយខ្លួនឯងទាំងអស់ ។ ជឿជាក់ទៅលើវិធីព្យាបាលជំងឺធម្មជាតិដូចជាដោយទឹករ៉ែ និងស្ទីម ។ ជនជាតិជប៉ុនប្រើអាហារដើម្បីធ្វើថ្នាំព្យាបាលជំងឺ ។ បណ្តាផលិតផលថែរក្សាស្បែករបស់ជប៉ុនសុទ្ធតែត្រូវបានចម្រាញ់ពី ធម្មជាតិ ឬសារជាតិអ័រហ្គានិក ។ មិនបង្កើតសម្ពាធធំឲ្យខ្លួន មិនប្រណាំងប្រជែង គ្មានមហិច្ឆតា រស់នៅសាមញ្ញ មិនបង្កើតសម្ពាធធំឲ្យខ្លួនជាវិធីមួយសម្រួលសរសៃប្រសាទ ធ្វើឲ្យសរីរាង្គមិន "ហួសចំណុះ" ។

ជាមួយនឹងអាថ៌កំបាំងខាងលើ ជនជាតិជប៉ុនជានិច្ចកាលរក្សាបានសុខភាពល្អ និងមានអាយុវែងបំផុតពិភពលោក ៕