Polycystic Ovary Syndrome គឺ​ជា​ជំងឺ​មួយ ដែល​បាន​កើតឡើង​នៅពេល​ក្រពេញ​អូវែ​របស់​ស្ត្រី ឬ​ក្រពេញ​លើ​តម្រងនោម ផលិត​អ័រម៉ូន​បុរស​ច្រើនជាង​ធម្មតា​ហើយ​បង្កើត​ជា​ថង់​សា​ក់មួយ ដែល​បំពេញ​ដោយសា​ធាតុ​រាវ នៅលើ​ក្រពេញ​អូ​វែ​។ ស្ត្រី​ដែល​ធា​ត់ អាច​កើតមាន​ជំងឺ​នេះ ច្រើន​ជាង​ស្ត្រី​ធម្មតា​។​
​រោគសញ្ញា​នៃ Polycystic Ovary Syndrome រួមមាន ៖
•​    ​ភាព​គ្មាន​កូន​
•​    ​ការឈឺចាប់​នៅ​អាង​ត្រគាក​
•​    ​ការកើតមាន​រោម​នៅ​លើ​មុខ ទ្រូង ក្រពះ មេដៃ ឬ​ម្រាមជើង​ច្រើន​ជាង​ធម្មតា​
•​    ​ក្បាល​ទំពែក ឬ​សក់​ស្តើង​
•​    ​មុខ​កើតមាន​មុន ហើយ​ស្បែក​មុខ​សំបូរ​ជាតិ​ប្រេង ឬ​កើតមាន​អង្គែ​នៅលើ​ស្បែកក្បាល​
•​    ​ស្បែក​ប្រែជា​ពណ៌​ត្នោត ហើយ​ក្រាស់ ឬ​ស្បែក​ប្រែជា​ខ្មៅ​
•​    ​ស្ត្រី​ដែល​មាន​ជំងឺ​នេះ មាន​ហានិភ័យ​ខ្ពស់​នៃ​ជំងឺ​ទឹកនោម​ផ្អែម វិបត្តិ​មេ​តា​ប៉ូលីស​នៅក្នុង​រាងកាយ ជំងឺ​បេះដូង និង​សម្ពាធ​ឈាម​ខ្ពស់​។ ស្ត្រី​អាច​ប្រើប្រាស់​ថ្នាំ​ពន្យារកំណើត ដើម្បី​ឱ្យ​វដ្ដ​រដូវ​មាន​លក្ខណៈ​ធម្មតា និង​អាច​ជួយ​កាត់បន្ថយ​កម្រិត​អ័រម៉ូន​បុរស និង​ការកើតមាន​មុន​នៅ​លើ​ផ្ទៃមុខ ហើយ​ថ្នាំ​ផ្សេងៗ​ទៀត អាច​កាត់បន្ថយ​ការលូតលាស់​របស់​សក់ និង គ្រប់គ្រង​សម្ពាធ​ឈាម និង​កូ​ឡេ​ស្តេ​រ៉ូ​ល​។ ប៉ុន្តែ វា​មិន​មាន​ជា​ការព្យាបាល​នោះ​ទេ​៕
 

ត្រួតពិនិត្យដោយ www.health.com.kh ថ្ងៃទី07 មេសា ឆ្នាំ2015