តើការរួមភេទមានសារៈសំខាន់ចំពោះទំនាក់ទំនងដូចម្តេចទៅ?

តើការរួមភេទមានសារៈសំខាន់ចំពោះទំនាក់ទំនងដូចម្តេចទៅ?

ការរួមភេទក្នុងទំនាក់ទំនងមួយគឺមានសារៈសំខាន់ដូចគ្នានឹងការជឿជាក់គ្នា, ការចុះសម្រុងគ្នា និងស្មោះត្រង់ ហើយអ្នកខ្លះទៀតប្រហែលជាមិនគាំទ្រដល់ចំនុចនេះទេមើលទៅ។

អ្នកឯកទេសបានអោយដឹងថា សារៈសំខាន់នៃការរួមភេទក្នុងទំនាក់ទំនងមួយភាគច្រើនផ្អែកទៅលើពេលវេលានៃទំនាក់ទំនងមួយនោះ។ ឧទាហរណ៍ ដៃគូរមួយចំនួនដែលរស់នៅជាមួយគ្នារយៈពេលមួយដ៏យូរយល់ថាការរួមភេទគឺជាសមាសធាតុដ៏សំខាន់សម្រាប់ទំនាក់ទំនងពួកគេ។

ការរួមភេទនាំអោយអ្នកកាន់តែស្និទ្ធស្នាលគ្នា
វាមិនខុសគ្នានឹងសេចក្តីស្នេហាទេ ព្រោះការរួមភេទក៏មានឥទ្ធិពលទៅលើផ្លូវចិត្តមនុស្សដែរ។ ភាពស្និទ្ធស្នាលដែលជម្រុញតាមរយៈការរួមភេទអាចជួយពង្រឹងដល់ចំណង់ស្នេហារបស់មនុស្សទាំងពីរនាក់បានទៀតតាមរយៈការបង្កើនសេចក្តីស្រលាញ់ដាក់គ្នាទៅវិញទៅមក។ មនុស្សមួយចំនួនយល់ថា ការរួមភេទអាចបង្កើតភាពស្និទ្ធស្នាលខាងផ្លូវចិត្តបាន ព្រមទាំងអោយអារម្មណ៍នោះក្លាយទៅជាការពិតទៀតផង។

ការរួមភេទអាចផ្លាស់ប្តូរសារជាតិទំនាក់ទំនងអ្នកបាន
ការរួមភេទពិតជាមានឥទ្ធិពលនិងជួយទំនាក់ទំនងរបស់អ្នកបាន។ វាអាចបន្ថែមនូវការប្តេជ្ញាចិត្ត និងភាពស្និទ្ធស្នាលខាងផ្លូវភេទទៀត។ អ្នកខ្លះត្រូវការការប្តេជ្ញាចិត្តមុនពេលរួមភេទ ហើយអ្នកខ្លះទៀតបែរជាត្រូវការវាពេលក្រោយទៅវិញ ប៉ុន្តែករណីទាំងពីរនេះសុទ្ធតែអាចជួយពង្រឹងដល់ទំនាក់ទំនងបានទាំងអស់។ អ្នកដែលជឿថា ការរួមភេទគឺជាសេចក្តីបញ្ជាក់អំពីស្នេហាដែលមិនចេះសាបរលល់។ វាគឺជាមធ្យោបាយដ៏ល្អឥតខ្ចោះមួយនៃការធ្វើទំនាក់ទំនងខាងផ្លូវអារម្មណ៍ដែលមិនអាចបង្ហាញក្នុងសេចក្តីស្នេហាបាន។

សារៈសំខាន់នៃការរួមភេទមានលក្ខណៈមិនទៀងទាត់ និងប្រែប្រួលទៅតាមនុស្សម្នាក់ខុសៗគ្នា។ ដូច្នេះការដែលឧស្សាហ៍រួមភេទពិតជាអាស្រ័យទៅលើការយល់ឃើញចំពោះមនុស្សម្នាក់ៗទៅវិញទៅមកដែរ។ ទោះបីជាយ៉ាងណាក៏ដោយ ជីវិតផ្លូវភេទដែលពិបាក ឬការកុហករបស់ដៃគូអាចនាំអោយទំនាក់ទំនងមានភាពប្រេះឆាបាន។

បើសិនជាអ្នក និងដៃគូមិនចូលចិត្តការរួមភេទជាញឹកញាប់ទេ វាក៏គ្មានអ្វីដែលអ្នកត្រូវបារម្ភដែរ។ ផ្ទុយទៅវិញ អ្វីដែលជាបញ្ហាចំបងបំផុតនោះគឺអត្ថិភាពដែលអ្នកទាំងពីរមានចំពោះគ្នាប៉ុណ្ណោះ។ ទោះបីជាយ៉ាងណាក៏ដោយ បើសិនជាទំនាក់ទំនងខាងផ្លូវភេទត្រូវបានប៉ះពាល់ដល់សារតែបញ្ហាផ្សេងៗ អ្នកត្រូវតែដោះស្រាយបញ្ហានោះអោយបានលឿនទៅ។ បើសិនជាមានបញ្ហាមួយចំនួនក្នុងទំនាក់ទំនងដែលរំខានដល់ដៃគូរបស់អ្នក វាពិតជានឹងអាចកាត់បន្ថយទំនាក់ទំនងផ្លូវភេទបាន។

ការរួមភេទអាចធ្វើអោយទំនាក់ទំនងមួយកាន់តែមានភាពស្រើបស្រាល
ការរួមភេទដ៏ល្អអាចធ្វើអោយទំនាក់ទំនងរបស់អ្នកកាន់តែមានភាពស្រើបស្រាលបាន។ បើយោងទៅតាមដៃគូស្នេហាជាច្រើនបានអោយដឹងថា ការរួមភេទយ៉ាងហោចណាស់ពីរដងក្នុងមួយសប្តាហ៍អាចជួយរក្សាភាពស្រស់បំព្រងក្នុងជីវិត និងរក្សាភាពស្រើបស្រាលក្នុងទំនាក់ទំនងបាន។ បើគ្មានការរួមភេទទេ ស្នេហានឹងក្លាយទៅជាមានភាពធុញទ្រាន់ ហើយដៃគូទាំងពីរអាចនឹងត្រូវដេកបែកបន្ទប់គ្នាបាន៕
ការប្រែប្រួលចំណង់ផ្លូវភេទក្រោយសម្រាលកូនរួច

រយៈពេលប្រហែលមួយឆ្នាំក្រោយសម្រាលកូនរួច ស្ត្រីអាចនឹងមានចំណង់ផ្លូវភេទថយចុះច្រើនជាងមុនពេលនាងមានផ្ទៃពោះ ជាពិសេសរយៈពេល ៤ ទៅ ៦សប្តាហ៍ដំបូង។ ការសិក្សាមួយរបស់ជនជាតិអូស្ត្រាលីបានរកឃើញថា មានស្ត្រីមិនដល់ ២០%ទេដែលសកម្មខាងរួមភេទរយៈពេល ៤សប្តាហ៍ក្រោយសម្រាលកូនរួច។ វាគ្មានអ្វីដែលអាចនិយាយថា ធម្មតា ឬត្រឹមត្រូវចំពោះពេលវេលាដែលត្រូវវិលមករកសកម្មភាពផ្លូវភេទវិញនោះទេ គឺអាស្រ័យទៅលើអារម្មណ៍របស់អ្នក និងដៃគូរទាំងអស់គ្នាតែម្តង។

អ័រម៉ូនជាច្រើនរបស់មនុស្សីពេលបំបៅដោះកូនត្រូវបានប៉ះពាល់ក្នុងរយៈពេលពួកគេកំពុងតែបំបៅដោះកូន។ ចំពោះស្ត្រីដែលមិនបំបៅដោះកូនទេ កម្រិតអ័រម៉ូននឹងមានស្ថេរភាពវិញរយៈពេល ៤ ទៅ៦សប្តាហ៍ក្រោយពីសម្រាលកូនរួច។

ទោះបីជាក្រោយពីកម្រិតអ័រម៉ូនដែលបានវិលមករកសមភាពដើមវិញក៏ដោយ ក៏ស្ត្រិភាគច្រើននៅតែប្រាប់ថាចំណង់ផ្លូវភេទរបស់ពួកគេមិនសូវមានដូចកាលពីមិនទាន់មានផ្ទៃពោះដដែលដោយសារតែមានបញ្ហាផ្លូវចិត្ត។ ឧទាហរណ៍ ស្ត្រីដែលក្លាយទៅជាម្តាយរបស់គេជាលើកដំបូងក្នុងទីក្រុង Melbourne បានអោយដឹងថា ជាមធ្យមចំណង់ផ្លូវភេទរបស់ពួកគេត្រូវថយចុះ ហើយការវិលត្រឡប់ទៅរកការរួមភេទក៏មិនសូវមានជាញឹកញាប់ក្នុងរយៈពេល ៦ខែក្រោយសម្រាលកូនរួចដូចកាលពីពួកគេមិនទាន់មានផ្ទៃពោះដែរ។ ស្ត្រីជាច្រើនមានអារម្មណ៍អស់កម្លាំង, ត្រូវការចំនាយពេលផ្លាស់ប្តូរជីវិតក្លាយទៅជាម្តាយគេ និងធ្លាប់មានបញ្ហាជាមួយទំនាក់ទំនងក្នុងគ្រួសារ ដែលវាសុទ្ធសឹងតែជាការយល់ដឹងអំពីការប្រែប្រួលក្នុងរាងកាយ ឬទទួលរងការបាក់ទឹកចិត្តក្រោយសម្រាលកូនរួច។ បញ្ហាអស់ទាំងនេះជាទូទៅនឹងកាត់បន្ថយចំណង់ផ្លូវភេទរបស់មនុស្សស្រីបាន។

ចំណង់ផ្លូវភេទរបស់បុរសក៏ប្រហែលជាផ្លាស់ប្តូរដែរក្រោយពីដៃគូររបស់ខ្លួនសម្រាលកូន។ ប៉ុន្តែបុរសខ្លះបែរជាមានចំណង់ផ្លូវភេទកើនឡើងទៅវិញ នេះប្រហែលជាពួកគេត្រូវបានទាក់ទាញតាមរយៈការផ្លាស់ប្តូររបស់រាងកាយដៃគូ ឬដោយសារតែសប្បាយចិត្តអំពីការចាប់កំណើតរបស់កូន។ ទោះបីជាយ៉ាងណាក៏ដោយ បុរសក៏ធ្លាប់មានបញ្ហាចំណង់ផ្លូវភេទថយចុះដែរដូចជា បារម្ភអំពីការឈឺចាប់របស់ដៃគូរ ឬការគ្មានផាសុខភាពក្នុងពេលរួមភេទនៅពេលមានសមាជិកថ្មីនៅជិតបែបនេះ៕
By health.com.kh