នារី មិនចូលចិត្ត បុរសប្រភេទណា?

នារី មិនចូលចិត្ត បុរសប្រភេទណា?

ស្ត្រីមានពេលវេលាច្រើនបំផុតក្នុងការជ្រើសរើសមនុស្សប្រុសធ្វើជាសង្សារ ឬគូអនាគតរបស់ខ្លួន។ ពួកគេក៏តែងតែមានចំណុចដែលចូលចិត្ត និងមិនចូលចិត្តដែរ។ យ៉ាងណាមិញ មានបុរសមួយចំនួនដែលពួកគេមិនចង់រាប់អាន ដូចជា ៖

មនុស្សប្រុសដែលគ្មានការងារធ្វើ
បញ្ហាអាចនឹងកើតមាននៅថ្ងៃណាមួយ នៅពេលស្ត្រីស្រឡាញ់បុរសម្នាក់ដែលគ្មានការងារធ្វើ។ ស្ថិតក្នុងការរស់នៅសម័យទំនើបជឿនលឿន ស្នេហាមិនអាចបន្តជាប់រហូត ដោយគ្មានលុយ ឬទ្រព្យសម្បត្តិក្នុងដៃបានទេ។

បុរសដែលមានចរឹកព្រាននារី
បុរសដែលមានតណ្ហាខាងផ្លូវភេទខ្លាំង គួរតែចៀសវាងទាំងអស់។ នេះមិនមែនមានន័យថា មនុស្សស្រីមិនចូលចិត្តរួមភេទនោះទេ ប៉ុន្តែ អារម្មណ៍សំខាន់របស់បុរសទាំងនេះ គឺចង់កេងចំណេញខាងរួមភេទតែម្តង។

បុរសនៅក្មេងចូលចិត្តខឹង
បើសិនជាអ្នកជាមនុស្សដែលចូលចិត្តខឹងជាប់រហូតនោះ អ្នកប្រហែលជាមិនមានឱកាសដ៏ល្អមួយអាចរស់នៅជាមួយនាងបានទេ។ គ្មានមនុស្សស្រីណាចូលចិត្តស្តាប់ការរអ៊ូរទាំ និងទ្រាំរងកំហឹងរបស់មនុស្សប្រុស ដែលចូលចិត្តខឹងឡើយ។ បើសិនជាបុរសម្នាក់ខឹងខ្លាំង មានន័យថាគេកំពុងតែលុបបំបាត់ភាពសប្បាយរីករាយក្នុងជីវិតគូសង្សារចោលអស់ហើយ។

បុរសដែលចូលចិត្តរិះគន់គេ
មនុស្សស្រីពិតជាមិនចង់រស់នៅជាមួយមនុស្សប្រុសណាដែលចេះតែចាំរិះគន់គេគ្រប់រឿងនោះទេ ព្រោះវាតែងតែផ្តល់ជាភាពសាំចិត្តជានិច្ចសម្រាប់នាង ហើយពេលខ្លះ អាចឈានដល់ការបង្កភាពទុក្ខសោកចំពោះនាងផងក៏មានដែរ៕

ប្រភព៖ Health

មុន បន្ទាប់

មតិយោបល់