អាហារជួយប្រឆាំង ជំងឺមុន

អាហារជួយប្រឆាំង ជំងឺមុន

វាលែងជាអាថ៌កំបាំងទៀតហើយ ដែលថារបបអាហារសម្បូរទៅដោយផ្លែឈើ បន្លែ មានជាតិស្ករទាប និងអាមីដុងអាចជួយកាត់បន្ថយទំហំចង្កេះអ្នកបាន ប៉ុន្តែ ការស្រាវជ្រាវនាពេលបច្ចុប្បន្នបានអោយដឹងថា វាក៏ជួយកាត់បន្ថយការកើតមុនងដែរ។ ដូច្នេះ តើមានអាហារអ្វីខ្លះដែលអាចជួយប្រឆាំងនឹងជំងឺមុនបានទៅ?

ត្រី
អ្នកស្រាវជ្រាវបានវិភាគទៅលើសមត្ថភាពរបស់ខ្លាញ់ត្រីក្នុងការប្រឆាំងនឹងការរលាក ហើយវាក៏ជាហេតុផលដ៏សំខាន់មួយក្នុងការបន្ថយការប្រឈមនឹងជំងឺសរសៃឈាមបេះដូងដែរ។ សមត្ថភាពសារធាតុ Herculean របស់សាច់ត្រី គឺជាមូលហេតុសំខាន់មួយសម្រាប់ជួយដល់ការបង្ការជំងឺមុន។ ពពួកត្រីសម្បូរខ្លាញ់ដូចជា ត្រីសាលម៉ុង និងត្រីហឺឌីងផ្ទុកទៅដោយជាតិអូមេហ្គាបីច្រើនបំផុត។ ប៉ុន្តែ ការទទួលទានអាហារបំប៉នប្រភេទខ្លាញ់ត្រីក៏មានប្រយោជន៍ដែរ។

ទឹកដោះគោ និងអាហារធ្វើពីទឹកដោះគោ
ការសិក្សាជាច្រើនបានសន្និដ្ឋានឃើញថា ទឹកដោះគោប្រហែលជាដើរតួនាទីដ៏សំខាន់មួយចំពោះជំងឺមុន ព្រោះវាក៏ផ្ទុកទៅដោយជាតិអ័រម៉ូនដែរ។ អ័រម៉ូន គឺជាអ្នកភ្ញោចទៅលើក្រពេញជាតិខ្លាញ់ ដែលជាហេតុនាំអោយកើតជាដុំពកតូចៗដូចមុនលើស្បែកបាន។

អាហារសម្រន់ និងភេសជ្ជៈមានជាតិស្ករ
ការសិក្សាបានរកឃើញថា អាហារសម្រន់ និងភេសជ្ជៈនានាដូចជា នំស្រួយ នំខេក ទឹកផ្លែឈើ និងទឹកក្រូចកំប៉ុង ធ្វើអោយកម្រិតស្ករ និងអាំងស៊ុយលីន កើនឡើងដែរ ដូច្នេះ វានឹងមានឥទ្ធិពលចំពោះការកើតមាន និងភាពធ្ងន់ធ្ងររបស់ជំងឺមុន។ ជាតិស្ករខ្លះក៏អាចនាំអោយមានបញ្ហាលើសចំនួនអាំងស៊ុយលីនក្នុងឈាមដែរ ៕

ប្រភព៖ Health

មុន បន្ទាប់

មតិយោបល់