ឃើញសង្សារនៅជាមួយស្រីម្នាក់ គួរប្រច័ណ្ឌអត់?

ឃើញសង្សារនៅជាមួយស្រីម្នាក់ គួរប្រច័ណ្ឌអត់?

មនុស្សគ្រប់គ្នាលើលោកនេះអាចផ្ទុះភ្លើងប្រច័ណ្ឌគ្រប់ពេលតែម្តង ហើយក៏អាចធ្វើអោយរឿងនេះគម្រាមគំហែងដល់ស្នេហាពួកគេដែរ។

ជាទូទៅ ការប្រច័ណ្ឌ ជាចំណង់សម្រាប់អ្វីមួយដែលមនុស្សម្នាក់ផ្សេងទៀតមាន។ អ្នកខ្លះប្រហែលជាច្រឡំរឿងនេះជាមួយនឹងការយកចិត្តទុកដាក់លើមនុស្សដែលខ្លួនឯងស្រលាញ់ ប៉ុន្តែ តាមពិតនោះ ការប្រច័ណ្ឌ គឺជាអារម្មណ៍អវិជ្ជមានមួយប៉ុណ្ណោះ។ អារម្មណ៍នេះអាចធ្វើអោយអ្នកបាក់ទឹកចិត្ត ហើយក៏អាចនាំអោយស្នេហាប្រេះឆាទៀតផង។ ដូច្នេះ ដើម្បីអោយការប្រច័ណ្ឌមិនអាចកើតមានក្នុងចិត្តអ្នក និងបង្កបញ្ហាដល់ស្នេហានោះ អ្នកគួរតែធ្វើដូចខាងក្រោមនេះ ៖

យល់ពីអារម្មណ៍
ការប្រច័ណ្ឌ គឺជាអារម្មណ៍ច្របល់ចូលគ្នានៃភាពភ័យខ្លាច និងការខឹង ដែលបង្កឡើងដោយការគម្រាមគំហែងនៃការបាត់បង់មនុស្សម្នាក់។ ការយល់ដឹងអំពីភាពប្រច័ណ្ឌ និងសញ្ញារបស់វា គឺជាខែលសម្រាប់ការពារខ្លួនឯងយ៉ាងល្អមួយ។

គ្រប់គ្រងអារម្មណ៍
ចូរសួរខ្លួនឯងថា ហេតុអ្វីបានជាអ្នកកំពុងតែមានអារម្មណ៍ភ័យខ្លាច ឬខឹង? អ្នកអាចសួរថា “អ្វីទៅដែលធ្វើអោយខ្ញុំខឹងទៅ? តើខ្ញុំមានអារម្មណ៍ថា ត្រូវបានគេគម្រាមគំហែងដែរឬអត់? តើមនុស្សម្នាក់នោះ ពិតជាសង្សារថ្មីគេមែនឬ? តើគេពិតជាអាចបំបែកបំបាក់ស្នេហាអ្នកដែរទេ? តើនឹងមានអ្វីប៉ះពាល់ខ្លះទៅ ចំពោះការប្រច័ណ្ឌរបស់ខ្ញុំ? ហេតុអ្វីបានជាខ្ញុំប្រច័ណ្ឌចំពោះរឿងហ្នឹងអញ្ចឹង?”។ ការយល់ដឹងអំពីហេតុផល និងផលវិបាករបស់វានឹងអាចជួយអ្នកគ្រប់គ្រងអារម្មណ៍បានយ៉ាងល្អ។

ភ្លើងប្រច័ណ្ឌប៉ះពាល់ដល់មនុស្សជុំវិញខ្លួន
ចូរកុំធ្វើខ្លួនអាត្មានិយមពេកក្នុងការបំភ្លេចមនុស្សនៅជុំវិញខ្លួនអ្នក និងអោយពួកគេឈឺចាប់ចំពោះតែអាកប្បកិរិយាអ្នក។ អារម្មណ៍ក្តៅក្រហាយរបស់មនុស្សក្រោយពីទទួលរងការប្រច័ណ្ឌពីអ្នកអាចនឹងក្លាយទៅជាភាពសាំចិត្ត ក្តៅក្រហាយ និងខឹងអ្នកវិញបាន។

រៀបចំការប្រច័ណ្ឌជាមួយដៃគូអោយបានត្រឹមត្រូវ
បើសិនជាមានអ្វីមួយដែលធ្វើអោយអ្នកកើតភ្លើងប្រច័ណ្ឌ ចូរចំណាយពេលវេលាមួយ ដើម្បីនៅជាមួយដៃគូ ហើយពិភាគ្សាគ្នាអំពីរឿងទាំងឡាយណាដែលអ្នកបារម្ភ។ ក្នុងពេលពិភាក្សាគ្នា មិនត្រូវចោទប្រកាន់ដៃគូ ឬប្រាប់គេថា គេជាអ្នកបង្កើតជាភ្លើងប្រច័ណ្ឌនោះឡើយ។

ជឿជាក់លើខ្លួនឯង និងដៃគូ
បើសិនជាអ្នកជឿជាក់លើខ្លួនឯង អ្នកប្រហែលជានឹងជឿជាក់លើដៃគូដែរហើយ។ បើសិនជាអ្នកជឿជាក់លើដៃគូ អ្នកនឹងមានចិត្តស្ងប់ និងផាសុខភាពជានិច្ចដែរ។ ដូច្នេះ វានឹងជួយបំបាត់ភ្លើងប្រច័ណ្ឌចេញពីស្នេហារបស់អ្នកបានទៀតផង។ ចូរបង្កើតពេលវេលាសម្រាប់ខ្លួនឯង និងផ្តោតសំខាន់ទៅលើខ្លួនឯងជំនួសមនុស្សដែលអ្នកប្រច័ណ្ឌវិញទៅ៕

ប្រភព៖ Health.com.kh

មុន បន្ទាប់

មតិយោបល់