ឪពុកម្តាយ គួរនិយាយ “សុំទោស” ទៅកូនដែរទេ?

ឪពុកម្តាយ គួរនិយាយ “សុំទោស” ទៅកូនដែរទេ?

ការនិយាយថា “សុំទោស” ចំពោះកំហុសរបស់ខ្លួនទៅកាន់កូន គឺជារឿងដ៏ពិបាកមួយសម្រាប់ឪពុកម្តាយគ្រប់រូប។ ប៉ុន្តែ យើងមានវិធីសាស្ត្រមួយចំនួនដែលអាចជួយដល់អ្នកបាន។

ខណៈពេលដែលឪពុកម្តាយមួយចំនួនយល់ថា ពួកគេនឹងបាត់បង់ឥទ្ធិពលរបស់ខ្លួន ក៏មានអ្នកខ្លះទៀតគិតថា ការដែលសារភាពថាខ្លួនឯងមានកំហុសនឹងធ្វើអោយខ្លួនឯងលែងសូវមានភាពអស្ចារ្យចំពោះខ្សែភ្នែកកូនទៀតហើយ។

ទោះបីជាយ៉ាងណាក៏ដោយ ការសុំទោសកូនរបស់អ្នក ពិតជាបង្ហាញនូវអត្តចរិតមួយដ៏ល្អ និងជាការគោរពចំពោះកូនរបស់អ្នកទៅវិញទេ។

វានឹងធ្វើអោយអ្នកក្លាយទៅជា “បុគ្គលគំរូ” ដ៏ល្អម្នាក់ចំពោះកូន
កូនក្មេងចូលចិត្តសិក្សាអំពីអត្តចរិតរបស់មនុស្សធំតាមរយៈការត្រាប់តាមអ្វីដែលមនុស្សធំធ្វើចំពោះពួកគេ។ នៅពេលអ្នកធ្វើខ្លួនជាមនុស្សគំរូល្អ ចំពោះកំហុសរបស់អ្នក វានឹងបង្កើតបានជាអត្តចរឹតដ៏ល្អមួយដែលកូនអ្នកអាចនឹងធ្វើតាមទាំងនៅក្មេង និងធំឡើង។ អ្នកនឹងបង្រៀនគេអោយចេះសុំការអភ័យទោស ហើយក៏មិនមែនធ្វើអោយអ្នកក្លាយទៅជាមនុស្សទន់ខ្សោយចំពោះកំហុសខ្លួនឡើយ ដូច្នេះ វាពិតជារឿងមួយរីករាយខ្លាំងណាស់ចំពោះការសុំទោសកូន។

ពួកគេអាចសិក្សា និងដឹងពីរបៀបសុំទោស
ការមើលឃើញអ្នកសុំការអភ័យទោសនឹងជួយអោយពួកគេដឹងថា គេគួរធ្វើយ៉ាងណាទើបជាការត្រឹមត្រូវ។ ក្មេងៗគឺជាមនុស្សដែលងាយនឹងមានការលូតលាស់ខាងបញ្ញាណាស់ ហើយក៏អាចត្រាប់តាមចរឹតរបស់ឪពុកម្តាយដោយមិនដឹងខ្លួនទៀតផង។ ដូច្នេះ បើសិនជាកូនអ្នកសាងកំហុស ឬជំពាក់កំហុសអ្នកនោះ គេទំនងជាមានការទទួលខុសត្រូវខ្ពស់ ចំពោះអ្វីដែលពួកគេបានធ្វើយ៉ាងសមរម្យជាមិនខាន។

ធ្វើអោយអ្នកកាន់តែក្លាយជា “មនុស្សដែលងាយស្រួលទាក់ទងគ្នា”
តាមរយៈការយល់ព្រមចំពោះកំហុសដែលបានប្រព្រឹត្ត អ្នកនឹងក្លាយទៅជាមិត្តភក្តិដ៏ល្អម្នាក់សម្រាប់កូន។ រឿងនេះក៏ធ្វើអោយកូនអ្នកយល់ថា ទោះបីជាមនុស្សធំក៏មានអាចធ្វើអ្វីៗខុសដូចកូនក្មេងដែរ។ ដូច្នេះ កូនអ្នកទំនងជាមានអារម្មណ៍កាន់តែមានផាសុខភាពពេលនៅជាមួយអ្នកជាមិនខាន។ គេនឹងមិនខ្លាចក្នុងការនៅជាមួយអ្នកពេលមានបញ្ហាទៀតឡើយ៕

ប្រភព៖ Health.com.kh

មុន បន្ទាប់

មតិយោបល់