ចេះថ្នាក់ថ្នមគូស្នេហ៍ ផ្តល់ប្រយោជន៍អ្វីខ្លះ?

ចេះថ្នាក់ថ្នមគូស្នេហ៍ ផ្តល់ប្រយោជន៍អ្វីខ្លះ?

ជីវិតគូរស្នេហ៍ តើមាននរណាខ្លះដែលមិនចូលចិត្តការថ្នាក់ថ្នមគ្នា? គ្មានអ្វីដែលធ្វើអោយយើងមានអារម្មណ៍ល្អជាងការរស់នៅក្នុងរង្វង់ដៃមនុស្សដែលយើងស្រឡាញ់ឡើយ។ សំណួរសួរថា ក្រៅពីអារម្មណ៍បែបនេះ តើមានហេតុផលអ្វីខ្លះទៀតដែលធ្វើអោយពួកគេចូលចិត្តថ្នាក់ថ្នមគ្នា?

ពង្រឹងចំណងស្នេហា
កាលណាអ្នក និងដៃគូនៅកាន់តែនៅជិតគ្នាក្នុងពេលកំពុងតែដេកនោះ វាទំនងជាអាចធ្វើអោយអ្នកមានអារម្មណ៍កាន់តែសប្បាយរីករាយនឹងស្នេហារបស់អ្នក។

ធ្វើអោយអ្នកកាន់តែសប្បាយចិត្ត
រឿងនេះគួរតែអរគុណដល់អរម៉ូន Dopamine និង Serotonin។ ការស្ទាបអង្អែលនរណាម្នាក់ ធ្វើអោយអ្នកបញ្ចេញអរម៉ូនទាំងពីរប្រភេទនេះ ដែលអាចបង្កើនអារម្មណ៍ និងជួយបំបាត់បញ្ហាបាក់ទឹកចិត្ត។

មិនសូវមានស្ត្រេស
ពេលអ្នកប៉ះសាច់គ្នាទៅវិញទៅមកបែបនេះ ខួរក្បាលនឹងបញ្ជូនសញ្ញាទៅក្រពេញលើតម្រងនោម ដើម្បីកាត់បន្ថយការផលិតសារធាតុ Cortisol ដូច្នេះវានឹងមិនធ្វើអោយអារម្មណ៍អ្នកអន្ទះសារឡើយ។

ជួយអោយដេកកាន់តែលក់ស្រួល
នៅពេលដែលអ្នកមិនសូវគិតច្រើន អ្នកអាចនឹងដេកលក់បានយ៉ាងស្រួល។

ពង្រឹងដល់ប្រព័ន្ធភាពស៊ាំ
អារម្មណ៍ល្អជួយបង្កើនមុខងារប្រព័ន្ធភាពស៊ាំ ដើម្បីទប់ស្កាត់នឹងការឆ្លងជំងឺផ្សេងៗ។ រឿងនេះយើងអាចនិយាយបានថា ការថ្នាក់ថ្នមគ្នាមានសារៈប្រយោជន៍ជាងការបង្កើនចំនួនវីតាមីន C ទៅទៀត។

ជីវិតផ្លូវភេទស្រស់ស្រាយជាងមុន
ដៃគូជាច្រើនដែលធ្វើការថ្នាក់ថ្នមគ្នាក្រោយពេលរួមភេទចប់ ទំនងជាមានការសប្បាយនឹងជីវិតផ្លូវភេទរបស់ពួកគេ៕

ប្រភព៖ Health.com.kh

មុន បន្ទាប់

មតិយោបល់