ធ្វើដូចម្តេចទើបស្នេហាអ្នកមិនមានភាពធុញទ្រាន់

ធ្វើដូចម្តេចទើបស្នេហាអ្នកមិនមានភាពធុញទ្រាន់

វាងាយណាស់ដែលធ្វើអោយយើងធ្លាក់ខ្លួនចូលទៅក្នុងទំនាក់ទំនងស្នេហាដ៏រ៉ូម៉ែនទិចមួយ ប៉ុន្តែមិនខ្វល់ ថាពិបាក ប៉ុណ្ណាទេវាប្រហែលហាក់បីដូចជា អាចចៀសវាងទម្លាប់ធុញទ្រាន់ក្នុងរង្វង់ស្នេហាបាន ព្រមទាំងអាចជួយអោយជីវិតពោរពេញដោយភាពរ៉ូម៉ែនទិចទៀត។ ការខិតខំប្រឹងប្រែងដើម្បីជម្រុញអោយស្នេហាមានតម្លៃគួរតែជារឿងត្រូវធ្វើតែធ្វើដើម្បីទទួលបានប្រយោជន៍ខាងសុខភាពផ្លូវចិត្ត និងកាយ ព្រោះវាអាចផ្តល់អោយពួកគេទទួលបានប្រព័ន្ធគាំទ្រដែលចៀសផុតពីជីវិតពោរពេញដោយស្ត្រេសបាន។

ការណាត់ជួបគ្នានៅពេលយប់
ពិតណាស់ អ្នកនិងដៃគួរតែមានជម្រើសដើម្បីនៅជាមួយគ្នាក្នុងពេលយប់ម្តងហើយម្តងទៀត ជាពិសេសការញ៉ាំអាហារ, ចំអិនអាហារពេលយប់ និងរៀបចំគម្រោងមើលរឿងជាដើម។ ឬអ្នកទាំងពីរអាចស្លៀកសម្លៀកបំពាក់ដើម្បីចូលរួមកម្មវិធីញ៉ាំអាហារពេលយប់, មើលរឿងកុន ឬការរាំកម្សាន្តនៅពេលល្ងាច។ ចូររៀបគម្រោងអោយមានលក្ខណៈខុសពីធម្មជាតិដែលអ្នកធ្លាប់តែធ្វើទៅ ព្រោះវាអាចជម្រុញអោយស្នេហាអ្នកមានភាពស្រស់ស្រាយ ជាពិសេសម្នាក់ៗនឹងបញ្ចេញសារធាតុអុកស៊ីតូស៊ីនក្នុងខួរក្បាលដើម្បីបង្កើនអារម្មណ៍ភ្ញាក់ផ្អើលក្នុងការរក្សាចំណងស្នេហា។

ធ្វើដំណើរកម្សាន្ត
ការធ្វើដំណើរកម្សាន្តនៅចុងសប្តាហ៍ជាមួយដៃគូគឺជារឿងមួយដែលជួយបង្កើនភាពរស់រវើកដល់ស្នេហាហើយ ព្រមទាំងធ្វើអោយអ្នកទាំងពីរបង្កើតបានជាអនុសាវរីយ៍ថ្មីៗទៀតផង។ បើសិនជាអ្នក និងដៃគូចូលចិត្តការដើរលេងនោះ ចូរចំណាយពេលធ្វើដំណើរឡើងភ្នំដើម្បីអាចបោះតង់, ជិះស្គី ឬស្តូចត្រីជាដើម។ ការចំណាយពេលដើរលេងជាមួយគ្នាបែបនេះអាចនឹងមានប្រយោជន៍ដល់សុខភាពផ្លូវកាយនិងចិត្តដូចជា បង្កើនសកម្មភាពរាងកាយ, បង្កើនចំនួនវីតាមីន D (សម្រាប់ទប់ស្កាត់ការបាក់ទឹកចិត្ត, ជំងឺគាំងបេះដូង និងមហារីក) ព្រមទាំងបង្កើនភាពមានសុភមង្គល។

ភាពស្និទ្ធស្នាលខាងផ្លូវកាយ និងចិត្ត
រឿងមួយដែលធ្វើអោយស្នេហាមានភាពធុញទ្រាន់លឿនបំផុតនោះគឺការកង្វះភាពស្និទ្ធស្នាលខាងផ្លូវកាយ និងចិត្តតែម្តង។ ការដែលមិនបានរួមភេទជាញឹកញាប់ច្រើនតែជាក្តីបារម្ភមួយក្នុងការព្យាបាលស្នេហាមនុស្សប្រុសស្រី។ មានកត្តាច្រើនណាស់ដែលចូលរួមក្នុងរឿងនេះដូចជា ការខឹង ឬសកម្មភាពផ្លូវភេទដែលគួរអោយធុញទ្រាន់ និងមិនអាចធ្វើអោយការរួមភេទនោះក្លាយទៅជារឿងសំខាន់បាន។ ដូច្នេះដើម្បីអោយសិចនៅតែល្អ ចូរធ្វើយ៉ាងណាដោះស្រាយទំនាស់ដោយសន្តិវិធី ព្រមទាំងព្យាយាមស្វែងរក ឬពិសោធន៍ក្បាច់រួមភេទថ្មីៗផង៕

ប្រភព៖ Health.com.kh

មុន បន្ទាប់

មតិយោបល់