ទម្លាប់ប្រចាំថ្ងៃ៦យ៉ាង ធ្វើឲ្យស្បែកស្ត្រីជ្រីវជ្រួញចាស់ជាងវ័យ

ទម្លាប់ប្រចាំថ្ងៃ៦យ៉ាង ធ្វើឲ្យស្បែកស្ត្រីជ្រីវជ្រួញចាស់ជាងវ័យ

ស្ត្រីគ្រប់រូបប្រាថ្នាចង់បានស្បែកសភ្លឺរលោង ប៉ុន្តែ ទម្លាប់ប្រចាំថ្ងៃបែរជាធ្វើឲ្យកើតមានស្នាមជ្រីវជ្រួញដែលមើលទៅចាស់ជាងវ័យទៅវិញ។ ៦ចំណុចខាងក្រោមនេះនឹងបង្ហាញនូវទម្លាប់ប្រចាំថ្ងៃទាំងនោះដែលធ្វើឲ្យស្បែកមានស្នាមជ្រីវជ្រួញ៖

acne

១.ជក់បារី

ជក់បារីគឺជាផ្នែកមួយដែលធ្វើឲ្យស្បែករបស់អ្នកមានភាពជ្រីវជ្រួញ។ ដូចនេះគួរតែបញ្ឈប់ការជក់បារីដើម្បីទទួលបានស្បែកស្រស់ស្អាតមកវិញ។

២.របប អាហារ

អាហារមិនត្រឹមតែជាសារធាតុដែលទ្រទ្រង់រាងកាយប៉ុណ្ណោះទេ ថែមទាំងរក្សាសុខភាពស្បែកឲ្យនៅតែស្រស់ស្អាតបានទៀតផង។ ការញ៉ាំអាហារដែលមានជាតិស្ករច្រើនហួសធ្វើឲ្យមានផលប៉ះពាល់ដល់ការឡើងទម្ងន់ និងមើលទៅចាស់ជាងវ័យ។

៣.ទទួលទានស្រា

លោក James C. Marotta, M.D ជាគ្រូពេទ្យជំនាញវះកាត់កែសម្ផស្សបានពន្យល់ថាគ្រប់ជាតិអាកុលទាំងអស់ធ្វើឲ្យស្បែកខ្សោះជាតិទឹកនាំឲ្យស្បែកបាត់បង់សំណើមនិងវិវឌ្ឍទៅកាន់ភាពចាស់ជ្រីវជ្រួញដែលបណ្ដាលមកពីខ្វះសារធាតុទឹកក្នុងខ្លួន។ សរុបមកជាតិអាកុលអាចផ្ដល់ភាពអវិជ្ជមាន និងប្រឆាំងសារធាតុវីតាមីនA នៅក្នុងស្បែកនិង ក្នុងរាងកាយ។

៤.ញេចមុន

មិនត្រូវញេចមុនដែលធ្វើឲ្យស្បែកក្រហាយនោះទេ ប៉ុន្តែត្រូវស្វែងរកផលិតផលធម្មជាតិមកបំបាត់ស្នាមអស់ទាំងនោះវិញ។ ការញេចមុនគឺជាមូលហេតុធ្វើឲ្យស្បែកខូច និងបង្កើតការឈឺចាប់ទៅវិញ។

៥.គេងផ្កាប់មុខ

ប្រសិនបើអ្នកគេងផ្កាប់មុខទៅនឹងខ្នើយ ក្រោយពេលក្រោកពីដំណេកអ្នកនិងមានស្នាមជ្រីវជ្រួញតាមស្នាមខ្នើយ។

៦.តុបតែងមុខ

ពេលដែលគេងទាំងមុខនៅជាប់មានក្រេមម្សៅវាគឺជាមូលដ្ឋាននៃស្នាមជ្រីវជ្រួញ។ ពេលអ្នកតុបតែងមុខវានិងធ្វើឲ្យជាតិកង្វក់កើនឡើងជ្រាបចូលទៅក្នុងរន្ធញើស និង កាត់បន្ថយសំណើមនៅលើផ្ទៃមុខ។ ដូចនេះត្រូវសម្អាតនិង ផ្ដល់ជាតិសំណើមដល់ស្បែករបស់អ្នកមុនពេលចូលគេង ៕ ប្រភព Sabay.

មុន បន្ទាប់

មតិយោបល់