៥យ៉ាងបើបានធ្វើជាមួយគ្នា ធានាថាបំភ្លេចមិនបាន ទោះឈ្លោះគ្នាបែកផ្សែងក៏មិនបែកដែរ!

៥យ៉ាងបើបានធ្វើជាមួយគ្នា ធានាថាបំភ្លេចមិនបាន ទោះឈ្លោះគ្នាបែកផ្សែងក៏មិនបែកដែរ!

ចុះបើថ្ងៃណាមួយ អ្នកទាំងពីរមានរឿងរ៉ាវជាមួយគ្នាគេចមិនផុត តើគួរធ្វើអ្វីខ្លះដើម្បីការពារ បញ្ជៀសការចែកផ្លូវគ្នាដោយងាយៗ? បើសិនជាមិនទាន់ដឹងពីគន្លឹះនៃការពារខ្លះៗទេ សាកល្បងស្វែងយល់ពីសកម្មភាពសាមញ្ញៗ ខាងក្រោមនេះទៅមើល៍៖

cambodia-starvalentines-day-27

រូបតំណាង

១) ការថតរូបជាមួយគ្នា

អ្នកធ្លាប់មានបទពិសោធន៍ទាក់ទងនឹងបញ្ហានេះ យុវជន ម៉េង ជីវ័ន្ត អាយុ២៣ឆ្នាំ និស្សិតនៃសាកលវិទ្យាល័យបញ្ញាសាស្ត្រកម្ពុជា បានប្រាប់ថា៖ ” ការថតរូបជាមួយគ្នា គឺជាអនុស្សាវរីយ៍មួយដែលគូសង្សារមិនអាចបំភ្លេចបាន នៅពេលដែលបានសាងជាមួយគ្នា”។

ជីវ័ន្ត បានបន្ថែមទៀតថា៖ “មានម្ដងនោះ ខ្ញុំ និងសង្សារឈ្លោះប្រកែកគ្នាយ៉ាងខ្លាំង ប៊ិសនឹងបែកគ្នាទៅហើយ ប៉ុន្តែពេលដែលបានមើលរូបថត ដែលពួកយើងធ្លាប់ថតជាមួយគ្នា ស្រាប់តែមានអារម្មណ៍ថានឹកដល់សង្សារ ហើយក៏និយាយត្រូវគ្នាវិញទៅ”។

២) ទៅមើលកុនជាមួយគ្នា

ក្រៅពីការថតរូបជាមួយគ្នា កញ្ញា ភួង ស្រីលីន និស្សិតឆ្នាំទី៣នៃសាកលវិទ្យាល័យជាតិគ្រប់គ្រង់ បានប្រាប់ពីគន្លឹះដែលធ្វើឲ្យគូសង្សារមិនអាចបែកគ្នាបានថា៖ “មើលកុនជាមួយគ្នា ក៏ជាអនុស្សាវរីយ៍ដែលផ្អែមល្ហែមមួយដែរ។ ណាមួយសម័យឥលូវ គូសង្សារភាគច្រើននិយមនាំគ្នាមើលកុនខ្លាំងណាស់ ហើយមើលទៅ វាក៏អាចបង្កើតភាពស្និតស្នាលគ្រាន់បើដែរ ក្នុងចំណោមសកម្មភាពផ្សេងៗជាច្រើនទៀត ព្រោះវារ៉ូមែនទិកណាស់”។

ស្រីលីន បានសង្កត់ធ្ងន់ទៀតថា៖ “ខ្ញុំយល់ថា បើចង់ឲ្យទំនាក់ទំនងស្នេហារបស់អ្នកកាន់តែដិតជាប់អារម្មណ៍មិនភ្លេច យុវវ័យមិនគួរមើលរំលងការទៅមើលកុនជាមួយគ្នានោះទេ”។

៣) ដើរលេងនៅតំបន់កម្សាន្តជាមួយគ្នា

ជុំវិញបញ្ហានេះដែរយុវជន ជ័យ សុវណ្ណ អាយុ២៥ឆ្នាំ ជាមន្ត្រីឥណទាននៃគ្រឹះស្ថានមីក្រូហិរញ្ញវត្ថុប្រាសាក់ បាននិយាយថា៖ “ខ្ញុំយល់ថា ការដែលបានទៅដើរលេងនៅកន្លែងកម្សាន្តណាដែលឆ្ងាយៗជាមួយគ្នា ក៏អាចជាអនុស្សាវរីយ៍មួយដែលបន្សល់ទុកឲ្យចងចាំបំភ្លេចមិនបានដែរ”។

៤) រួមសុខទុក្ខជាមួយគ្នា

ក្រៅពីនោះ ការដែលមានវត្តមាននៅជាមួយគ្នា រួមសុខទុក្ខជាមួយគ្នាគ្រប់ពេល ក៏ជាគន្លឹះដែលមិនអាចឲ្យគូសង្សារដែលស្រលាញ់គ្នាបែកគ្នាបានដែរ ទោះបីជាអ្នកណាខឹងខ្លាំងក៏នឹកឃើញដល់រឿងនោះដែរ។ សុវណ្ណ បានបន្ថែមដូចនេះ។

រូបតំណាង

៥) ធ្វើម្ហូបញ៉ាំ ឬលេងកីឡាជាមួយគ្នា

និយាយដល់បញ្ហានេះ កញ្ញា ស្រីណែត អាយុ១៨ឆ្នាំ ជាសិស្សថ្នាក់ទី១២នៃវិទ្យាល័យជាស៊ីមសាមគ្គី បានប្រាប់ស្រដៀងគ្នានេះដែរថា៖ “បើសិនជាបានធ្វើម្ហូបញ៉ាំ ឬលេងកីឡាពេលទំនេរជាមួយគ្នាទៀត កាន់តែប្រសើរ។ ស្ដាប់ទៅហាក់ដូចជាសាមញ្ញ ប៉ុន្តែសកម្មភាពទាំងអស់នេះសុទ្ធតែអាចធ្វើឲ្យគូស្នេហ៍ទាំងឡាយចងចាំជាមួយគ្នាបាន។ ហើយបើសិនជាថ្ងៃណាមួយមានរឿងឈ្លោះ អ្នកទាំងពីរប្រាកដជានឹកឃើញដល់វាជាមិនខានឡើយ”៕

ចុះមិត្តយុវវ័យមានដឹងពីគន្លឹះអ្វីផ្សេង ដែលអាចធ្វើឲ្យគូសង្សារចងចាំមិនអាចបំភ្លេចបានទេ?

By sabay

មុន បន្ទាប់

មតិយោបល់