កូរ៉េខាងត្បូង៖ មានព័ត៌មាន ចចាមអារ៉ាមជាច្រើន ដែលទាក់ទង នឹងតារាចម្រៀងស្រី Jessica ជាសមាជិកនៅក្រុម Girls’Generation  និងលោក Tyler Kwon ថាពួកគេ នឹងជិតរៀបការជាមួយគ្នា។

យោងតាមសារព័ត៌មានចិន Shu Nham Zi Xian កាលពីថ្ងៃទី១០ ខែកញ្ញា បាននាំពាក្យថា នាង Jessica និងលោក Tyler Kwon នឹង អាចឈានដល់ ដំណាក់កាលរៀបការជាមួយគ្នា។ មិនតែប៉ុណ្ណោះ កាលពី ថ្ងៃទី៦ ខែកញ្ញា លោក Tyler Kwon ក៏បានជួបជាមួយ ឪពុកម្តាយ របស់នាង Jessica នៅក្នុងកម្មវិធី ជួបសំណេះសំណាល ជាមួយអ្នកគាំទ្រ នៅខេត្ត GuangZhou ក្នុងប្រទេសចិន ផងដែរ។

អ្វីដែលគួរឲ្យ ភ្ញាក់ផ្អើលនោះ គឺលោក Tyler Kwon ក៏បានបង្ហោះរូបថត ចិញ្ចៀនរៀបការមួយគូ លើ បណ្តាញ Weibo  ហើយបាន សរសេរ ថា” I do” មានន័យថា “ខ្ញុំព្រម“ ថែមទៀតផង។

ទោះបីជាមាន ព័ត៌មានលេចលឺ ហើយរួមទាំង មានចិញ្ចៀនរៀបការនេះ ក៏ដោយ ក៏លោក Tyler Kwon បានអះអាងថា ជាចិញ្ចៀនក្នុងរឿង "Best Man"នោះទេ  ហើយក៏គ្មានភស្តុតាង គ្រប់គ្រាន់ ដែលថានាង Jessica នឹងរៀបការជាមួយគាត់ នោះដែរ។

យ៉ាងណាមិញ ផលិតកម្ម SM ក៏ធ្លាប់បាន ថ្លែងពីព័ត៌មាននេះ តាំងពីខែមីនា រួចរាល់មកហើយថា អ្នកទាំង២ គ្មានទំនាក់ទំនង អ្វីពិសេស នោះទេ គ្រាន់តែមិត្តភក្កិ ជិតស្និទ្ធនឹងគ្នា តែប៉ុណ្ណោះ៕

ប្រភព៖ Khmerload