ពិតជាមិនធម្មតា! ប្រលងនៅសាលាដុនបូស្កូសុទ្ធតែម៉ាកៗណឹង!

ពិតជាមិនធម្មតា! ប្រលងនៅសាលាដុនបូស្កូសុទ្ធតែម៉ាកៗណឹង!

ខ្លះអង្គុយ សរសេរ ផ្ទាល់ដី ចំណែកខ្លះទៀតអង្គុយលើតុ ដែលនៅឆ្ងាយពីគ្នា ក្រោមដំបូលរោងជាងដ៏ធំមួយ។ ទាំងនេះគឺជាទិដ្ឋភាពពេលប្រលង និស្សិតនៅសាលាបច្ចេកទេសដុនបូស្កូ។ ជាសាលា ដែលនាំមុខគេខាងបណ្ដុះបណ្ដាលធនធានមនុស្ស ផ្នែកបច្ចេកទេសជាង ២០ ឆ្នាំមកហើយ សាលាដុនបូស្កូ ត្រូវបានយុវជនជាច្រើនលាន់មាត់តៗគ្នាថា មានវិន័យម៉ត់ចត់ ជាពិសេសពេលប្រលងម្ដងៗ។

តាមរយៈរូបភាព ដែលបានឃើញបង្ហោះនៅលើ Pageរបស់សាលា កញ្ញា សុធានី និស្សិតឆ្នាំទី២ ជំនាញគណនេយ្យ សាកល វិទ្យាល័យ ជាតិគ្រប់គ្រងបានលើកឡើងថា កញ្ញាធ្លាប់ឭមិត្តភ័ក្ដិជាច្រើននិយាយពីការអនុវត្តវិន័យរបស់នៅសាលាខាងលើ។ ពេលនេះបានឃើញផ្ទាល់ភ្នែក ពិតជាមានភាពតឹងរឹងមែន។ “អញ្ចឹងបានជាសិស្សភាគច្រើនរៀននៅសាលាដុនបូស្កូ មានសមត្ថភាព។ ខ្ញុំគិតថា ធ្វើអញ្ចឹងល្អណាស់ ព្រោះដើម្បីពង្រឹងគុណភាព ”។ សុធានី បន្ថែម។

Student

Student-1

សម្បត្តិ និស្សិតសាកលវិទ្យាល័យជាតិគ្រប់គ្រង ក៏បានគាំទ្រទៅនឹងការអនុវត្តតឹងរឹងនៅពេលប្រលងនេះដែរ។ យុវជនរូបនេះបានពោលថា៖ “ធ្វើអញ្ចឹងបានគេហៅថាប្រលង មិនដូចសាលាខ្លះមានភាពធូរលុងចម្លងគ្នាស្រេចតែចិត្ត។ ទីបំផុតអត់ចេះ រៀនចប់ទាត់ខ្យល់”។

កញ្ញា ឈួន ច័ន្ទ្រា លេខា និងជាមន្ត្រីទំនាក់ទំនងនៅសាលាបច្ចេកទេសដុនបូស្កូបារៀបរាប់ថា វិន័យ និងបទបញ្ជាផ្ទៃ ក្នុងរបស់នៅសាលាដុនបូស្កូ មិនខុសពីសាលាជាច្រើនទៀតនោះទេ។ ប៉ុន្តែអ្វី ដែលសំខាន់សាលាបានអនុវត្តម៉ឺងមាត់ចំពោះគោលការណ៍ ដែលបានដាក់ចេញ។ កញ្ញាបន្ថែមថា និស្សិត ដែលខិតខំប្រឹងប្រែង ព្យាយាមរៀនសូត្រ នឹងមិនលំបាកទេ ក្នុងការប្រឡងជាប់ ព្រោះនៅមុនពេលប្រលងម្តងៗ សាស្ត្រាចារ្យ តែងប្រាប់នូវចំណុចសំខាន់ៗ ដែលត្រូវសិក្សា។ “ពេលប្រលងហាមដាច់ខាតការការមើលប្រុយយ៉ុង និងការលួចមើលគ្នាទៅវិញទៅមក ព្រោះសាលាគិតពីគុណភាពជាចម្បង ហើយបើសិនសិស្សណាម្នាក់ប្រលងធ្លាប់ នឹងឲ្យប្រលងរហូតទាល់តែជាប់”។

បើតាម កញ្ញា ឈួន ច័ន្ទ្រា ការប្រលង ដែលមើលទៅឃើញបេក្ខជនអង្គុយប្រលង និងខ្លះអង្គុយនៅរោងជាងប្រលងនេះ ដោយសាសាលាខ្វះអគារ សម្រាប់សិស្សបេក្ខជនអង្គុយប្រលង ខណៈពេលប្រលងម្តងៗ មានបេក្ខជនច្រើននាក់។

សាលាបច្ចេកទេសដុនបូស្កូ បានទទួលការបណ្ដុះបណ្ដាលដល់និស្សិតក្រីក្រកម្ពុជាជាច្រើននាក់ ក្នុងនោះជំនាញមេកានិច, អគ្គិសនី, ជួសជុលរថយន្ត, ផ្នែកបោះពុម្ព អេឡិចត្រូនិក និងកុំព្យូទ័រជាដើម។

Student--2