ទីផ្សារ តាក់ម៉ា អាចខ្ពស់ត្រដែតទេ ពេលបោះជំហានចូលផលិតកម្មសាន់ដេ?

ទីផ្សារ តាក់ម៉ា អាចខ្ពស់ត្រដែតទេ ពេលបោះជំហានចូលផលិតកម្មសាន់ដេ?

ក្រោយស្ងាត់ដំណឹងពេលចេញពី ពេលនេះ កញ្ញា តាក់ម៉ា បានរកទ្រនំថ្មីឃើញហើយ គឺ ផលិតកម្ម សាន់ដេ។ តាមរយៈការបោះជំហានចូលផលិតកម្មថ្មីមានសំនួរលើកឡើងថា តារាចម្រៀងរូបនេះនឹងមានទីផ្សារខ្ពស់ត្រដែត ឬមួយអាចប្រកួតប្រជែងនឹងតារាស្រីទៀតនៅក្នុងសាន់ដេឬយ៉ាងណា?

អ្នកចាត់ការទូទៅក្នុងផលិតកម្មសាន់ដេ លោក ឡាយ សុកចំរើន បានឱ្យដឹងថា កញ្ញា តាក់ម៉ា ទើបតែបោះជំហានចូលមកកាន់របស់លោកក្នុងពេលថ្មីៗតែប៉ុណ្ណោះ។ “គាត់ទើបចុះកុងត្រាហើយថ្មីៗជាមួយសាន់ដេ ហើយយើងបានរៀបចំបទចម្រៀងមួយចំនួនជូនគាត់រួចដែរ”។

tak ma

តាមរយៈវត្តមានរបស់កញ្ញា តាក់ម៉ា មកកាន់សាន់ដេអ្នកចាត់ការទូទៅវ័យក្មេងរូបនេះរំពឹងខ្ពស់ថានឹងធ្វើឱ្យផលិតកម្មរបស់លោកទទួលបានការចាប់អារម្មណ៍ និងគាំទ្រកាន់តែច្រើនបន្ថែមទៀតពីទស្សនិកជន។

លោក ឡាយ សុកចំរើន បានបន្តថាផលិតកម្មសាន់ដេកំពុងតែរៀបចំបទចម្រៀងថ្មីជាច្រើនទៀតឱ្យកញ្ញា ដើម្បីទាក់ទាញការគាំទ្រពីស្រទាប់មហាជន។ ក្នុងនោះលោកបានអះអាងថាបានរៀបចំបទចម្រៀងខ្លះច្រៀងជាមួយនឹងលោក ខេមរៈ សិរីមន្ត ទៀតផង ដោយត្រៀមនឹងចេញក្នុងពេលឆាប់ៗ។

ជុំវិញការបោះជំហានចូលទៅកាន់ផលិតកម្មថ្មីនេះកញ្ញា តាក់ម៉ា ប្រាប់ថាខ្លួនពិតជាបានចុះកុងត្រាជាមួយផលិតកម្មសាន់ដេពិតប្រាកដមែន ដោយមានបទចម្រៀងថ្មីខ្លះបានចេញលក់ ហើយខ្លះទៀតកំពុងត្រៀមចេញលក់លើទីផ្សារ។

កញ្ញា តាក់ម៉ា បញ្ជាក់ថា៖”ខ្ញុំទើបតែសាន់ដេថ្មីៗហ្នឹងបង ដឹងទីផ្សារយ៉ាងណាទេ តែសង្ឃឹមថានឹងទទួលបានការគាំទ្រពីទស្សនិកជនពេលបទចម្រៀងខ្ញុំចេញលក់លើទីផ្សារ”។

តារាចម្រៀងទើបចប់កុងត្រាជាមួយផលិតកម្ម M ខាងលើបានបន្ត មកទល់នឹងពេលនេះកញ្ញាមានបទចម្រៀងពីរបទហើយចេញលក់លើទីផ្សារក្រោយបោះជំហានចូលសាន់ដេគឺទាក់ទងទៅនឹងបុណ្យចូលឆ្នាំប្រពៃណីជាតិ។ បទចម្រៀងទាំងពីរបទនោះមានចំណងជើងថា”ចាំដល់ពេលណាម៉ែ” និងបទចម្រៀងមួយបទទៀត ច្រៀងជាមួយលោក អាន គុណកូឡា គឺបទ”សុំថើបមួយខ្សឺត”។

យ៉ាងណាក៏ដោយតារាចម្រៀងរូបនេះអះអាងថាផលិតកម្មសាន់ដេ កំពុងតែធ្វើបទចម្រៀងថ្មីជាច្រៀងបទទៀតឱ្យខ្លួនដែលជាស្នាដៃនិពន្ធរបស់កូនខ្មែរ។ តាមរយៈនេះកញ្ញា តាក់ម៉ា រំពឹងថាទីផ្សាររបស់ខ្លួននៅក្នុងផលិតកម្មថ្មីនឹងអាចស្រូបយកការគាំទ្របានពីប្រិយមិត្ត និងមិត្តៗយុវវ័យ។

កញ្ញាទើបតែចប់កុងត្រាថ្មីៗជាមួយផលិតកម្ម M ក្រោយពេលផលិតកម្មនេះមិនសូវមានបទចម្រៀងចេញលក់លើទីផ្សារ ហើយកញ្ញាក៏បានបោះជំហានចូលមកកាន់ផលិតកម្មសាន់ដេតែម្ដង។ តារារូបនេះបានឈានចាប់អាជីពជាអ្នកសិល្បៈក្នុងឆ្នាំ២០០៦៕

ចុះប្រិយមិត្ត និងមិត្តៗយុវវ័យវិញគិតថាកញ្ញា តាក់ម៉ា អាចប្រកួតប្រជែងនឹងតារាចម្រៀងស្រីផ្សេងទៀតនៅក្នុងផលិតកម្មសាន់ដេបានទេ?

Tama