ម៉ូតូឡើងថ្លៃមែនតែអ្នកទិញច្រើនខណៈជិតចូលឆ្នាំខ្មែរ

ម៉ូតូឡើងថ្លៃមែនតែអ្នកទិញច្រើនខណៈជិតចូលឆ្នាំខ្មែរ

ពិតណាស់ដើមខែមេសានេះជារដូវជិតចូលឆ្នាំប្រពៃណីខ្មែរ។ ពលរដ្ឋមួយចំនួនកំពុងត្រៀមខ្លួន ក៏ដូចជាបានទិញរបស់របរនិងសម្ភារៈមួយចំនួន ដើម្បីប្រើប្រាស់ក្នុងឱកាសថ្ងៃដ៏ពិសេសនេះដែរ។

ដោយឡែកនិយាយពីការទិញម៉ូតូនៅអំឡុងថ្ងៃចូលឆ្នាំខ្មែរ ក៏ឃើញមានសកម្មភាពផុលផុស ដែលធ្វើម៉ាកម៉ូតូមួយចំនួនបានកើនតម្លៃខុសពីថ្ងៃធម្មតា។

moto1

ម្ចាស់ហាងលក់ម៉ូតូ ទួត សីហា បានឲ្យដឹងថា ២ សប្ដាហ៍មុនចូលឆ្នាំប្រពៃណីខ្មែរមានអតិថិជនច្រើនមករកទិញម៉ូតូប្រើប្រាស់។ អ្នកខ្លះគ្រាន់តែមករកមើល តែអតិថិជនមួយចំនួនមករកមើលហើយបើត្រូវចិត្តទិញជិះភ្លាមៗតែម្ដង។

អតិថិជនមួយចំនួនដឹងថា ម៉ូតូចំនួនអាចនឹងឡើងថ្លៃនៅអំឡុងថ្ងៃបុណ្យជាតិសំខាន់ៗ ដោយសារតែមានតម្រូវការខ្ពស់ ហើយដែលអ្នកលក់មួយចំនួនឆ្លៀតដំឡើងថ្លៃ។

ម្ចាស់ហាងរូបនេះបានបញ្ជាក់ថា ទោះបីមានការសម្រុកទិញម៉ូតូពីអតិថិជនច្រើនបែបនេះក៏ហាងឆេងម៉ូតូនៅហាងរបស់លោកមិនអាចឡើងថ្លៃស្រេចតែចិត្តនោះទេ។ តែយ៉ាងណាលោកបញ្ជាក់ថា ហាងមួយចំនួនក៏ឆ្លៀតឱកាសលក់ឡើងថ្លៃដោយសារមានតម្រូវការខ្ពស់ពេក។

ហើយនៅតែទិញម៉ូតូជិះ ដោយមិនសូវខ្វល់ពីតម្លៃប៉ុន្មានទេ។ និងមានអតិថិជនមួយចំនួនទៀតបានកុម្ម៉ង់ទិញម៉ូតូណាមិនមានដាក់ តាំងលក់ ដោយធ្វើមិចឲ្យបានជិះមុនចូលឆ្នាំហ្នឹងតែម្ដង។

ចំណែកម្ចាស់ហាងលក់ម៉ូតូឡាក់គីមួយរូបក៏ឲ្យដឹងដែរថា សម្រាប់ហាងលោកគឺលក់ដាច់គ្រាន់បើដែរនៅអំឡូងរដូវចូលឆ្នាំខ្មែរនេះ។ ម្ចាស់ហាងរូបនេះបន្តទៀតថា អតិថិជនមកទិញមិនសូវសូញសាញពីតម្លៃនោះទេ ហើយបើនិយាយពីតម្លៃមិនឡើងខ្ពស់ហួសហេតុនោះដែរ។

លោកបន្ថែមទៀត រាល់ឆ្នាំប្រហែលជាចូលឆ្នាំហើយតម្លៃម៉ូតូនឹងអាចធ្លាក់ថ្លៃបន្តិច ហើយក៏មានការលក់ចូលច្រើនពីអតិថិជនវិញដែរ។

ប្រភព Sabay

មុន បន្ទាប់

មតិយោបល់