តា វ៉ិចទ័រ នាំសមាជិកក្រុមកំប្លែងរកមូលនិធិជួយមន្ទីរពេទ្យ គន្ធបុប្ផា

តា វ៉ិចទ័រ នាំសមាជិកក្រុមកំប្លែងរកមូលនិធិជួយមន្ទីរពេទ្យ គន្ធបុប្ផា

នេះជាថ្ងៃទី ២ ហើយ ដែលលោក សុវណ្ណរិទ្ធី និង សមាជិកក្រុមកំប្លែង CTN ទាំងអស់បានសហការគ្នា ធ្វើយុទ្ធនាការស្វែងរកមូលនិធិជួយដល់មន្ទីរពេទ្យ គន្ធបុប្ផា។ ក្នុងនោះរួមមានទាំងលោក ដួង សុខគា និង នាយ ពែកមី ផងក៏បានចូលរួមនឹងគេដែរ។

យុទ្ធនាការនេះ មានឈ្មោះថា “ក្ដីសង្ឃឹម” ធ្វើឲ្យប្រជាពលរដ្ឋខ្មែរ បានយល់ដឹងបន្ថែមទៀត តាមរយៈការបញ្ជ្រាបព័ត៌មានអំពីការចែករំលែកគ្នាទៅវិញទៅមក មុននឹងឈានដល់ការប្រគំតន្ត្រីដ៏ធំ នៅពាក់កណ្ដាលខែឧសភា ដើម្បីប្រមូលថវិកាជួយដល់មន្ទីរពេទ្យខាងលើ។

ជាលទ្ធផលលោកថា មានមនុស្សគ្រប់ស្រទាប់វណ្ណៈបានចូលរួមក្នុងសកម្មភាពនេះ។

“តាំងពីអ្នកមានឡានទំនើប ម៉ូតូ អ្នកជិះកង់ជាដើម។ សូម្បីតែអ្នកលក់លៀសហាលក៏ចូលរួមជាមួយក្រុមការងារដែរ”។ លោកថា ងាកមកក្រុមការងារកំប្លែងរបស់CTNវិញម្នាក់ៗស្ទើរតែភ្លេចបាយភ្លេចទឹកទៅហើយ ដោយព្យាយាមប្រកូកប្រកាសឲ្យសប្បុរសជនចូលរួមចែករំលែកទៅតាមធនធានដែលមាន។

ក្រុមការងាររបស់លោក នឹងបន្តធ្វើដំណើរទៅតាមបណ្ដាខេត្តមួយចំនួនតាមបណ្ដោយផ្លូវជាតិលេខ ៥ បន្តទៀត រួមមាន កំពង់ឆ្នាំង ពោធិ៍សាត់ បាត់ដំបង និង ធ្លាយដល់ខេត្តសៀមរាប ដើម្បីស្វែងរកថវិកា តាមរយៈការសម្ដែងកំប្លែង និង ចុះផ្សព្វផ្សាយតាមទីប្រជុំជន និងសាកលវិទ្យាល័យជាដើម។

“គ្មាននរណាម្នាក់យកកម្រៃពីការងារនេះឡើយ ម្នាក់ៗធ្វើដោយទឹកចិត្តដើម្បីជួយគន្ធបុប្ផា”។

រហូតមកពេលនេះ ថវិកាដែលប្រមូលបានមានចំនួនប្រមាណ ៦ ម៉ឺនដុល្លារ ហើយ ដោយរួមបញ្ចូលទាំងអ្នកបរិច្ចាគតាមមធ្យោបាយផ្សេងៗទៀត។ លោកមានអារម្មណ៍រំភើបរីករាយ ដែលបានចូលរួមក្នុងសកម្មភាពនេះ ដើម្បីជាការចូលរួមមួយផ្នែកក្នុងសង្គម។

លោកថា ថ្ងៃនេះមានការចូលរួមកាន់តែច្រើនពីសំណាក់ក្រុមបង្ហាញម៉ូដថប់ម៉ូដែល។

ប្រភព Sabay

មុន បន្ទាប់

មតិយោបល់