កុំបាច់ស្រែករកពុទ្ធោ! មង្គលការខ្លះគ្រាន់តែថ្លៃបោះធៀបហៅភ្ញៀវអស់ថ្លៃនោះថ្លៃ ថ្លៃជាងការប្រពន្ធនៅជនបទផង

កុំបាច់ស្រែករកពុទ្ធោ! មង្គលការខ្លះគ្រាន់តែថ្លៃបោះធៀបហៅភ្ញៀវអស់ថ្លៃនោះថ្លៃ ថ្លៃជាងការប្រពន្ធនៅជនបទផង

បុរសវ័យ២៨ឆ្នាំ សំអាត នឹងចូលរោងការនៅប្រមាណជាងមួយសប្ដាហ៍ខាងមុខនៅ ភ្នំពេញ។ លោកថាហៅភ្ញៀវជាង១១០តុ ដូច្នេះយ៉ាងហោចណាស់ត្រូវ ចំណាយខ្ទង់១៦០០ដុល្លារដែរ ដើម្បីបោះធៀបការ ខណៈធៀបការមួយតម្លៃ ១ដុល្លារកន្លះ។

វាមិនគួរឲ្យភ្ញាក់ផ្អើលទេសម្រាប់មង្គលការនៅតាមទីក្រុងសព្វថ្ងៃនេះ ព្រោះថាក្រុមអ្នករកស៊ីបោះធៀបការ ថាធៀបថ្លៃៗល្អៗ មានតម្លៃរហូតដល់មួយធៀប ៣ដុល្លារ ៥ដុល្លារឯណោះក៏មាន។ ប៉ុន្តែអ្នកខ្លះ ក៏បានភ្ញាក់ច្រងាងពេលឮថាគ្រាន់តែចាយលើ ធៀបការហៅភ្ញៀវសោះ អស់រាប់ពាន់ដុល្លារ ហើយថាគ្រាន់តែថ្លៃធៀបហ្នឹង ការប្រពន្ធមួយនៅជនបទមិនអស់ផង។

ឈួន រ៉ាវុធ បុគ្គលិកក្រុមហ៊ុនលក់ប្រេងម៉ាស៊ីនមួយនៅភ្នំពេញ ថាបើគ្រាន់តែចាយលើធៀបការអស់ថ្លៃម្លឹងៗ គួរឲ្យស្ដាយលុយណាស់។ មានស្រុកនៅស្រុកបាភ្នំខេត្តព្រៃវែងបន្តសំដី៖ ”គេសម្បូរទ្រព្យធន់ ចេះតែធ្វើទៅ ឲ្យសមមុខមាត់គ្រួសារគេ តែបើអស់ដល់ច្រើនអីចឹងៗ ដូចៗយើងគ្មានទេបង។ នៅស្រុកខ្ញុំអី ប្រពន្ធមួយអស់តែប្រាំបីរយ មួយពាន់ដុល្លារក៏មាន មិនស្មើពាក់កណ្ដាលធៀបការអ្នកមានផង”។

បងស្រី ចន្ធូ អ្នកទទួលធ្វើធៀបការនិងពិធីផ្សេងៗនៅបណ្ដោយផ្លូវព្រះមុនីវង្សថា ធៀបការមានច្រើនធុន និងតម្លៃខុសៗគ្នា។ បងថាមានធូរៗថ្លៃចាប់ពី៥រយរៀល រហូតដល់៥ដុល្លារក៏មាន។ អាជីវកររូបនេះបន្តពន្យល់៖ ”អ្នកធម្មតាសម្បូរបំផុតគេប្រើតែអាតម្លៃ ៦កាក់ (ប្រមាណ២៤០០៛) ឬលើសហ្នឹងតិចតួច។ អាអស់ហ្នឹងប្រើទឹកថ្នាំធម្មតាព្រីន តែបើគេអ្នកមាន អ្នកធំគេកុម្ម៉ង់អាល្អៗ មួយជិត២ដុល្លារ ៣ដុល្លារ ឡើងដល់៥ដុល្លារក៏មានដែរ”។

10320531_399993260140363_8746179954039228480_n

រូបថតថតដោយទូរសព្ទ

បងស្រី ចន្ធូ រៀបរាប់ថាធៀបល្អៗ គឺមានក្បូរក្បាច់ស្អាតៗ ក្រដាសរលើបរឹង។ ទឹកថ្នាំព្រីនក៏ជាថ្នាំថ្លៃ។ សូម្បីតែអក្សរមិនមែនព្រីនរាបនឹងសាច់ក្រដាសដែរ គឺមានក្បូរក្បាច់លៀន លឹប អណ្ដែត មានច្រើនស្រទាប់ ជាដើម ទៅតាមចំណង់ចំណូលចិត្តភ្ញៀវ។ បងថា ធៀបថ្លៃអស់ហ្នឹង តាមពិតពុំសូវសម្បូរអ្នកមកកុម្ម៉ង់ប៉ុន្មានទេ ទាល់តែអ្នកសម្បូរលុយកាក់។

គ្រាន់តែថ្លៃធ្វើធៀបការអស់មួយពាន់ពីរពាន់ដុល្លារ អីចឹង ម៉េចដែរមិត្តអ្នកអាន អាចយកទៅការប្រពន្ធបានមួយរោងទេនៅជនបទ?

ប្រភព Sabay

មុន បន្ទាប់

មតិយោបល់