ប៊ឺរី បណ្តើរសង្សារចាស់ទៅអូស្ត្រាលីចុងខែ
តារាសម្ដែង និងដើរម៉ូដ លោក ប៊ឺរី មានឱកាសបណ្តើរសង្សារចាស់ដែលទើបចែកផ្លូវគ្នា គឺកញ្ញា ទឹម វត្តី ទៅកាន់ប្រទេសអូស្ត្រាលីនៅចុងខែនេះជាមួយសមាជិកក្រុមបង្ហាញ Cambodia Super Model ខ្លះទៀត បន្ទាប់ពីពួកបានទទួលភ្លើងខៀវពីស្ថានប្រទេសមួយនេះនៅ ប្រចាំនៅកម្ពុជា។
លោក ប៊ឺរី បញ្ចេញឲ្យដឹងថា នេះជាដំណើរលើកដំបូងរបស់លោកទៅកាន់ដែនដីសត្វកង់ហ្គូរូមួយនេះ និងក៏ជាលើកដំបូងដែរដែលលោកបានរួមដំណើរជាមួយទឹម វត្តី ទៅបរទេស តាំងពីបែកបាក់គ្នាមក។ “ខ្ញុំរីករាយមែន ព្រោះជាលើកដំបូងរបស់ខ្ញុំ អីចឹងហើយ ខ្ញុំសន្យាថានឹងខំសម្ដែងឲ្យបានល្អ!” ប៊ឺរី ថ្លែងដូច្នេះនៅកញ្ចក់ទូរទស្សន៍ស៊ីធីអិនប៉ុស្តិ៍ ២១ កាលពីពេលថ្មីៗ។
ប៊ឺរី និងកញ្ញា ទឹម វត្តី បានបញ្ចេញព័ត៌មានបែកបាក់គ្នាកាលពីចុងឆ្នាំ២០១៣ បន្ទាប់ពីបានព្យាយាមលាក់បាំងអស់លទ្ធភាព។ យ៉ាងណាក៏ដោយ គេឃើញថា ពួកគេនៅតែបណ្តើរគ្នាដូចក្នុងគ្រាស្រឡាញ់នៅឡើយ។ ជាក់ស្តែង នៅពាក់កណ្តាលខែមុន ប៊ឺរី និងទឹម វត្តី បានបណ្តើរគ្នាទៅមើលកុន នៅរោងភាពយន្ត Platinum Cineplex និងអង្គុយញ៉ែមនំចំណីកៀកកើយគ្នាទៀត។
បញ្ហានេះ នាំឲ្យគេសង្ស័យថា ពួកគេអាចនឹងត្រូវរ៉ូវគ្នា ហើយឱកាសបណ្តើរគ្នាទៅអូស្ត្រាលីនៅចុងខែនេះទៀត ក៏រឹតតែធ្វើឲ្យពួកគេងាយងាកមកគ្នារកដែរ។ ប៊ឺរី បានបដិសេធចំពោះបញ្ហានេះ ក្នុងជំនួបក្នុងថ្ងៃសម្ពោធរឿង “លងម៉ាឆ្ងាញ់” របស់ផលិតកម្ម KH Promotion ដោយលោកលើកឡើងថា ពួកលោកទាំងពីរមិនអាចបកក្រោយវិញឡើយ។
អត្ថបទ៖ ទឹម វត្តី ដូរគូបណ្តើរខ្មែរ ទៅបណ្តើរបុរសប៉ាគីស្ថានហើយ!
“មិនអាចទៅរួចទេបង ពួកយើងដើរផ្លូវរៀងខ្លួនហើយ ហើយ តី ក៏មានអ្នកស្រឡាញ់ទៀតហើយដែរ ពួកគេស្រឡាញ់គ្នាណាស់ មិនអាចទៅរួចទេ”។ ប៊ឺរី បញ្ជាក់ និងបានបន្ថែមថា បើទោះបែកគ្នាមែន ប៉ុន្តែពួកលោក នៅតែរាប់អានជាមិត្តភ័ក្ដិធម្មតា ព្រោះជាការស្រុះស្រួលគ្នាទាំងសង្ខាង។ “ពួកយើងអស់ចិត្តរៀងខ្លួន អត់មាននរណាខឹងនរណាទេបង អីចឹងហើយទើបយើងនៅតែអាចរាប់អានគ្នាបាន!”។
អត្ថបទ៖ ប៊ឺរី លេងពណ៌សក់អីចឹង ដូចតារាបរទេសអត់?
តាំងពីមុនបែកគ្នាជាមួយកញ្ញា ទឹម វត្តី គេឃើញ ប៊ឺរី បណ្តើរនារីវ័យក្មេងម្នាក់ចូលក្លឹបរាត្រី ប៉ុន្តែប្រាប់ថាជាអ្នករាប់អានគ្នា។ លុះនៅថ្ងៃសម្ពោធរឿង “លងម៉ាឆ្ងាញ់” នោះទៀត ក៏ឃើញតារាប្រុសរូបនេះ ក៏បានបណ្តើរនារីវ័យក្មេងម្នាក់ទៅជាមួយដែរ។ ដូចមុន ប៊ឺរី បានបញ្ជាក់ នារីវ័យក្មេងនោះ គឺជាមិត្តភ័ក្ដិសិល្បៈទេ ទើបជួបស្គាល់គ្នាពេលសម្ដែងរឿងជាមួយគ្នា ហើយនាងឈ្មោះ សុវណ្ណា ហ្គិច ជាតារាថ្មី៕ By Sabay
មើលព័ត៌មានផ្សេងៗទៀត
-
អីក៏សំណាងម្ល៉េះ! ទិវាសិទ្ធិនារីឆ្នាំនេះ កែវ វាសនា ឲ្យប្រពន្ធទិញគ្រឿងពេជ្រតាមចិត្ត
-
ហេតុអីរដ្ឋបាលក្រុងភ្នំំពេញ ចេញលិខិតស្នើមិនឲ្យពលរដ្ឋសំរុកទិញ តែមិនចេញលិខិតហាមអ្នកលក់មិនឲ្យតម្លើងថ្លៃ?
-
ដំណឹងល្អ! ចិនប្រកាស រកឃើញវ៉ាក់សាំងដំបូង ដាក់ឲ្យប្រើប្រាស់ នាខែក្រោយនេះ
គួរយល់ដឹង
- វិធី ៨ យ៉ាងដើម្បីបំបាត់ការឈឺក្បាល
- « ស្មៅជើងក្រាស់ » មួយប្រភេទនេះអ្នកណាៗក៏ស្គាល់ដែរថា គ្រាន់តែជាស្មៅធម្មតា តែការពិតវាជាស្មៅមានប្រយោជន៍ ចំពោះសុខភាពច្រើនខ្លាំងណាស់
- ដើម្បីកុំឲ្យខួរក្បាលមានការព្រួយបារម្ភ តោះអានវិធីងាយៗទាំង៣នេះ
- យល់សប្តិឃើញខ្លួនឯងស្លាប់ ឬនរណាម្នាក់ស្លាប់ តើមានន័យបែបណា?
- អ្នកធ្វើការនៅការិយាល័យ បើមិនចង់មានបញ្ហាសុខភាពទេ អាចអនុវត្តតាមវិធីទាំងនេះ
- ស្រីៗដឹងទេ! ថាមនុស្សប្រុសចូលចិត្ត សំលឹងមើលចំណុចណាខ្លះរបស់អ្នក?
- ខមិនស្អាត ស្បែកស្រអាប់ រន្ធញើសធំៗ ? ម៉ាស់ធម្មជាតិធ្វើចេញពីផ្កាឈូកអាចជួយបាន! តោះរៀនធ្វើដោយខ្លួនឯង
- មិនបាច់ Make Up ក៏ស្អាតបានដែរ ដោយអនុវត្តតិចនិចងាយៗទាំងនេះណា!
សេវាកម្មពេញនិយម
ផ្សព្វផ្សាយពាណិជ្ជកម្ម៖
