វៀតណាមសរសើររថយន្តស្នាដៃកូនខ្មែរ ដោយបង្អាប់ឧស្សាហកម្មរថយន្តក្នុងស្រុក

វៀតណាមសរសើររថយន្តស្នាដៃកូនខ្មែរ ដោយបង្អាប់ឧស្សាហកម្មរថយន្តក្នុងស្រុក

រថយន្តអង្គររបស់កូនខ្មែរ កំពុងមានភាពល្បីរន្ទឺពេញឆាកអន្តរជាតិ ដោយថ្មីៗនេះសូម្បីប្រទេសវៀតណាមដែលជាប្រទេសភូមិផងរបងកម្ពុជា ក៏សរសើរនិងក៏ភ្ញាក់ផ្អើលណាស់ដែរ ដែលដឹងថាកូនខ្មែរអាចមានសមត្ថភាពផលិតរថយន្តដ៏ទំនើបបានដោយខ្លួនឯង។

Cambodia-Angkor-Car-20143

តាមរយៈសារព័ត៌មានវៀតណាមម thanhniennews ដែលបានស្រង់សម្តីមន្រ្តីជាន់ខ្ពស់នៅផ្នែកឧស្សាហកម្មរថយន្តរបស់ប្រទេសវៀតណាមបានឲ្យដឹងថា បើទោះបីវៀតណាមមានធនធានមនុស្សជំនាញៗជាច្រើន និងមានឧស្សាហកម្មរថយន្តដើរមុនប្រទេសកម្ពុជា ប៉ុន្តែវៀតណាមអាចនិយាយបានថា នៅដើរពីក្រោយប្រទេសកម្ពុជា សម្រាប់សមត្ថភាពក្នុងការផលិតរថយន្តដ៏ទំនើបបាន។ ជាក់ស្តែង រថយន្តអង្គរ EV 2014 ដែលជាសមិទ្ធផលរបស់កូនខ្មែរ និងជារថយន្តដើរដោយថាមពលអគ្គិសនី ប្រកបដោយបច្ចេកវិទ្យាទំនើប អាចឆ្លុះបង្ហាញឲ្យឃើញពីភាពអាម៉ាស់មួយសម្រាប់ឧស្សាហកម្មរថយន្តប្រទេសវៀតណាម ដែលគ្មានសមត្ថភាពអាចផលិតរថយន្តដូចនេះបាន។

ពិភពលោកមានការភ្ញាក់ផ្អើល និងសឹងមិនគួរឲ្យជឿពីព័ត៌មានដែលកូនខ្មែរមានសមត្ថភាពអាចផលិតរថយន្តដ៏ទំនើបដោយខ្លួនឯង បើទោះបីប្រឈមកត្តាធនធានមនុស្សនិងហិរញ្ញវត្ថុ ដែលនេះធ្វើឲ្យពិបាកជឿថាសមិទ្ធផលដ៏អស្ចារ្យនេះអាចចេញរួច។

Angkor EV 2014 ដែលជារថយន្តជំនាន់ទី ៥ ស្នាដៃរបស់កូនខ្មែរគឺលោក ញាន ផល្លឹកបានធ្វើឲ្យគេចាប់អារម្មណ៍ជាខ្លាំង ដោយសារតែរថយន្តនេះបានបំពាក់បច្ចេកវិទ្យាដ៏ទំនើបគឺដើរដោយថាមពលអគ្គិសនី និងអាចបញ្ជាតាមរយៈទូរសព្ទមិនចាញ់រថយន្តទំនើបរបស់ក្រុមហ៊ុនផលិតរថយន្តធំៗ។

យ៉ាងណាតាមរយៈសារព័ត៌មានដដែលនោះ ក៏មានការសង្ស័យពីរថយន្តរបស់កូនខ្មែរនេះ ថាកើតចេញពីការសហការរវាងផលិតករក្នុងស្រុក និងក្រុមហ៊ុនផលិតរថយន្តបរទេស ដោយពួកគេមើលឃើញលទ្ធភាពនិងសមត្ថភាពរបស់កម្ពុជា នៅមិនទាន់អាចផលិតរថយន្តដ៏ទំនើបនេះបានដោយខ្លួនឯងនោះទេ។

តាមការបញ្ជាក់របស់លោក ញាន ផល្លឹកបានឲ្យដឹងថា រថយន្តអង្គរជាស្នាដៃផ្ទាល់របស់លោកទាំងការរចនារូបរាងនិងការប្រើប្រាស់បច្ចេកវិទ្យានានា។ យ៉ាងណា លោកទទួលស្គាល់ថាគ្រឿងបន្លាស់មួយចំនួនក្នុងការផលិតរថយន្តនេះ លោកនាំចូលមកពីក្រៅប្រទេស និងមួយចំនួនកែច្នៃពីផលិតផលក្នុងស្រុក ដើម្បីសម្រេចបានរថយន្តដ៏ប្រណីតនេះ។

By Sabay

មុន បន្ទាប់

មតិយោបល់