អាស៊ី៖ យោងតាមប្រភពសារព័ត៌មាន ស៊ីអិនអិន ថ្មីៗនេះ បានចុះផ្សាយអត្ថបទ ដែលបានបង្ហាញ អំពីចំណាត់ថ្នាក់ ភោជនីយដ្ឋាន ដែលល្អបំផុត ទាំង៥០ ប្រចាំទ្វីបអាស៊ី ក្នុងឆ្នាំ២០១៥ នេះ។ អ្វីដែលគួរឲ្យមាន មោទនភាពនោះគឺ ក្នុងឆ្នាំ ២០១៥នេះ  ភោជនីយដ្ឋានមួយ ដែលស្ថិត នៅក្នុងខេត្តសៀមរាប ប្រទេសកម្ពុជា ក៏ជាប់ក្នុងចំណោម ភោជនីយដ្ឋាន លំដាប់កំពូលទាំង ៥០ នៅទ្វីបអាស៊ីផងដែរ។

ចំពោះការកំនត់ចំណាត់ថ្នាក់ ភោជនីយដ្ឋានលំដាប់កំពូលនេះ គឺផ្អែកលើការបោះឆ្នោត (vote) ពីមេចុងភៅដ៏ជំនាញ ជាង ៣០០នាក់ ព្រមទាំងម្ចាស់ ភោជនីយដ្ឋាន និងអ្នកជំនាញជាច្រើននាក់ទៀត មកពី ៦ប្រទេស ក្នុងទី្វបអាស៊ី។ ក្នុងនោះ ភោជនីយដ្ឋាន ជាប់ចំណាត់ទី ១ បានទៅ ភោជនីយដ្ឋាន មួយ ក្នុងប្រទេសថៃ ខណៈលេខ ២ នៅក្នុង ប្រទេសជប៉ុន និងលេខ ៣ នៅក្នុងប្រទេសចិន ។

សំរាប់ចំណាត់កំពូល ភោជនីយដ្ឋាន ទាំង ៥០ ឆ្នាំ ២០១៥ នេះ មានភោជនីយដ្ឋានថ្មី ចំនួន៨ មិនដែលធ្លាប់ ចំណាត់ថ្នាក់ពីមុន បានជាប់ចំណាត់ ថ្នាក់ក្នុងឆ្នាំនេះ។ នេះជាលើកទី១ សំរាប់ ភោជនីយដ្ឋាន ខូស៊ីនវត្តដំណាក់ (Cuisine Wat Damnak) ដែល មានទីតាំងក្នុងខេត្តសៀមរាប ប្រទេសកម្ពុជា ត្រូវបានជាប់ក្នុង ចំណាត់ទី ៥០ ជាភោជនីយដ្ឋាន ល្អបំផុត ប្រចាំទ្វីបអាស៊ី៕

តារាង បញ្ជីឈ្មោះភោជនីយដ្ឋានល្អបំផុត ទាំង ៥០ នៅអាស៊ី ៖

ខាងក្រោមជារូបភាព មុខម្ហូបមួយចំនួន ក្នុងចំណោមភោជនីយដ្ឋាន ខាងលើ៖

អត្ថបទទាក់ទង៖ សណ្ឋាគារមួយ នៅកម្ពុជាជាប់លេខ ៣ ក្នុងចំណោម កំពូលសណ្ឋាគារទាំង២៥លើ ពិភពលោក

ប្រភព CNN

ដោយ៖ ទីន

ខ្មែរឡូត