ព្រំ ស្រីរ័ត្ន បោះជំហានចូលសិល្បៈ ៦ ខែ ក្ដាប់បានតំណែងតួឯក!
ខុសប្លែកពីតារាដទៃទៀតដោយប្រើរយៈយូរឆ្នាំទម្រាំបានធ្វើជាតួឯក កញ្ញា ព្រំ ស្រីរ័ត្ន ប្រើពេលតែ ៦ ខែ ប៉ុណ្ណោះ ក្ដាប់បានតំណែងតួឯកភ្លាមក្នុងរឿង “លងម៉ាកប់ ឡប់ម៉ាឆ្ងាញ់”។
មានវ័យ ១៩ ឆ្នាំ ដោយបោះជំហានចូលសិល្បៈដើមឆ្នាំ ២០១៤ កញ្ញា ព្រំ ស្រីរ័ត្ន និយាយថានាងមានក្ដីរំភើបសប្បាយរីករាយជាខ្លាំងក្នុងការក្លាយជាតួឯក។
“ខ្ញុំអត់ដែលសុបិនថា បានក្លាយទៅជាតួឯកចឹងទេ ព្រោះអីយើងទើបប្រឡូកសិល្បៈមិនទាន់មានអ្នកណាស្គាល់ច្រើនទេ”។
ទោះជាយ៉ាងណាតារាម៉ូដែល និង ជាតារាវ័យក្មេងរូបនេះ មិនទាន់ដឹងថា ខ្សែភាពយន្តខាងលើនឹងត្រូវថតនៅពេលណាឱ្យច្បាស់នៅឡើយ។ ម្យ៉ាងទៀតកញ្ញាថែមទាំងមិនដឹងចំណងជើងខ្សែភាពយន្តនោះថា ឈ្មោះអ្វីទៀតផង។
នៅពេលសួរថាតើហេតុអ្វីម្ចាស់ផលិតកម្ម ZR ជ្រើសរើសកញ្ញា ព្រំ ស្រីរ័ត្ន ធ្វើជាតួឯកទាំងដឹងថា កញ្ញាជាតារាថ្មីមិនមានបទពិសោធន៍ជ្រៅជ្រះក្នុងការសម្ដែង។ សិស្សថ្នាក់ទី ១២ នៃវិទ្យាល័យ ប៊ុនរ៉ានី ហ៊ុនសែនវត្តភ្នំ ខាងលើប្រាប់ថា កញ្ញាមិនបានដឹងនោះឡើយពីរឿងគេរៀបចំឱ្យក្លាយជាតួឯកដោយនាងបង្វែរសំនួរឱ្យសួរម្ចាស់ផលិតកម្ម។
ចាងហ្វាងផលិតកម្ម ZR និង ជាប្រធានក្រុម pop model កញ្ញា សារ៉ា ប្រាប់ថាមូលហេតុនាំឱ្យនាងជ្រើសរើសតារាវ័យក្មេងខាងលើធ្វើជាតួឯកក្នុងខ្សែភាពយន្តដំបូងរបស់ផលិតកម្មខ្លួន ក៏ព្រោះតែ ព្រំ ស្រីរ័ត្ន មិនសូវចេះនិយាយស្ដី ហើយមានចរិតដូចក្នុងសាច់រឿងតែម្ដងទើបនាងសម្រេចចិត្តជ្រើសរើសឱ្យធ្វើជាតួឯក។
ប្រធានក្រុម pop model រូបនេះបន្តថា ខ្សែភាពយន្តរឿង “លងម៉ាកប់ ឡប់ម៉ាឆ្ងាញ់” ជាប្រភេទរឿងដុំបែបកំប្លែងនឹងត្រូវដំណើរការណ៍ថតក្នុងខែ វិច្ឆិកា ចុងឆ្នាំនេះ។ តារាសម្ដែងក្នុងខ្សែភាពយន្តខាងលើសុទ្ធសឹងតែជាតារាក្នុងក្រុមតារាបង្ហាញម៉ូដ pop model ប៉ុណ្ណោះ។
យ៉ាងណាក៏ដោយចំពោះការរំពឹងថា នឹងទទួលបានជោគជ័យកម្រិតណា កញ្ញា សារ៉ា មិនទាន់ហ៊ាននិយាយនៅឡើយទេដោយទុកឱ្យទស្សនិកជនជាអ្នកដាក់ពិន្ទុ។ ក៏ប៉ុន្តែកញ្ញាលើកឡើងថា ប្រសិនណាបើខ្សែភាពយន្តនេះអាចដាក់បញ្ចាំងតាមរោងភាពយន្តបានគឺជាជំហានជោគជ័យរបស់ខ្លួន ព្រោះជាខ្សែភាពយន្តលើកដំបូងក្នុងផលិតកម្មថ្មី ក៏ដូចជាការនិពន្ធផ្ទាល់ដៃផងដែរ។
កញ្ញា ព្រំ ស្រីរ័ត្ន បាននិយាយដែរថា ការបោះជំហានប្រឡូកចូលសិល្បៈ គឺជាក្ដីប៉ងប្រាថ្នារបស់ខ្លួនតាំងពីតូច។ កញ្ញាអះអាងថា នឹងធ្វើខ្លួនឱ្យក្លាយទៅជាតារាម្នាក់ស្ថិតក្នុងដួងចិត្តរបស់ទស្សនិកជនតាមរយៈការការដើរបង្ហាញម៉ូដ ក៏ដូចជាការថតខ្សែភាពយន្តបន្តទៅទៀតនៅពេលខាងមុខ។
មកទល់នឹងពេលនេះ តារាសម្ដែងវ័យក្មេង ព្រំ ស្រីរ័ត្ន ទើបតែមានវ័យ ១៩ ឆ្នាំតែប៉ុណ្ណោះ។ កញ្ញាមានទីលំនៅក្នុងរាជធានីភ្នំពេញ និង កំពុងសិក្សាថ្នាក់ទី ១២ នៃវិទ្យាល័យ ប៊ុនរ៉ានី ហ៊ុនសែនវត្តភ្នំ។ ក្រៅតែពីការសិក្សានាងជាតារាបង្ហាញម៉ូដម្នាក់ក្នុងក្រុម pop model ដែលមានកញ្ញា សារ៉ា ជាប្រធាន៕
មើលព័ត៌មានផ្សេងៗទៀត
-
អីក៏សំណាងម្ល៉េះ! ទិវាសិទ្ធិនារីឆ្នាំនេះ កែវ វាសនា ឲ្យប្រពន្ធទិញគ្រឿងពេជ្រតាមចិត្ត
-
ហេតុអីរដ្ឋបាលក្រុងភ្នំំពេញ ចេញលិខិតស្នើមិនឲ្យពលរដ្ឋសំរុកទិញ តែមិនចេញលិខិតហាមអ្នកលក់មិនឲ្យតម្លើងថ្លៃ?
-
ដំណឹងល្អ! ចិនប្រកាស រកឃើញវ៉ាក់សាំងដំបូង ដាក់ឲ្យប្រើប្រាស់ នាខែក្រោយនេះ
គួរយល់ដឹង
- វិធី ៨ យ៉ាងដើម្បីបំបាត់ការឈឺក្បាល
- « ស្មៅជើងក្រាស់ » មួយប្រភេទនេះអ្នកណាៗក៏ស្គាល់ដែរថា គ្រាន់តែជាស្មៅធម្មតា តែការពិតវាជាស្មៅមានប្រយោជន៍ ចំពោះសុខភាពច្រើនខ្លាំងណាស់
- ដើម្បីកុំឲ្យខួរក្បាលមានការព្រួយបារម្ភ តោះអានវិធីងាយៗទាំង៣នេះ
- យល់សប្តិឃើញខ្លួនឯងស្លាប់ ឬនរណាម្នាក់ស្លាប់ តើមានន័យបែបណា?
- អ្នកធ្វើការនៅការិយាល័យ បើមិនចង់មានបញ្ហាសុខភាពទេ អាចអនុវត្តតាមវិធីទាំងនេះ
- ស្រីៗដឹងទេ! ថាមនុស្សប្រុសចូលចិត្ត សំលឹងមើលចំណុចណាខ្លះរបស់អ្នក?
- ខមិនស្អាត ស្បែកស្រអាប់ រន្ធញើសធំៗ ? ម៉ាស់ធម្មជាតិធ្វើចេញពីផ្កាឈូកអាចជួយបាន! តោះរៀនធ្វើដោយខ្លួនឯង
- មិនបាច់ Make Up ក៏ស្អាតបានដែរ ដោយអនុវត្តតិចនិចងាយៗទាំងនេះណា!
សេវាកម្មពេញនិយម
ផ្សព្វផ្សាយពាណិជ្ជកម្ម៖
