featured 12 លឹម ជាឡាយ ព្រួយបារម្ភពេលរឿង “គំនុំអតីតជាតិ” ចាក់បញ្ចាំងនៅ CTN សប្ដាហ៍ក្រោយនេះ!

featured 12 លឹម ជាឡាយ ព្រួយបារម្ភពេលរឿង “គំនុំអតីតជាតិ” ចាក់បញ្ចាំងនៅ CTN សប្ដាហ៍ក្រោយនេះ!

តារាសម្ដែងល្បីឈ្មោះ លោក លឹម ជាឡាយបង្ហាញក្ដីព្រួយបារម្ភចំពោះខ្សែភាពយន្តភាគរឿង “គំនុំអតីតជាតិ” គ្រោងនឹងដាក់បញ្ចាំងនៅស្ថានីយទូរទស្សន៍ CTN ថ្ងៃចន្ទសប្ដាហ៍ក្រោយនេះ។

ការព្រួយបារម្ភរបស់អតីត Freshie រូបនេះកើតឡើងនៅពេលមានដំណឹងលេចលឺថា ខ្សែភាពយន្តភាគខាងលើមានឈុតឆាកសម្ដែងពិបាកៗ រួមទាំងការនិយាយសំឡេងផ្ទាល់ទៀតផង។ ម្យ៉ាងទៀតតារាសម្ដែងរូបនេះ មិនធ្លាប់សម្ដែងដោយប្រើសម្ដីផ្ទាល់ឡើយនាពេលកន្លងមក។

លឹម ជាឡាយ

ឆ្លើយតបនឹងបញ្ហានេះលោក លឹម ជាឡាយនិយាយថា៖ “បារម្ភខ្លះដែរបង ព្រោះអីខ្ញុំធ្លាប់សម្ដែងជាច្រើនរឿងមកហើយមិនដែលនិយាយសម្ដីផ្ទាល់បែបនេះឡើយ ហើយនេះជាដំបូងរបស់ដែលប្រើសម្ដែងផ្ទាល់”។

ទន្ទឹមនឹងការព្រួយបារម្ភទាក់ទងនឹងការប្រើសំឡេងផ្ទាល់ ឈុតឆាកពិបាកៗក្នុងសាច់រឿង រួមទាំងបញ្ហាមួយចំនួនទៀតក៏កើតមានដែរសម្រាប់ការធ្វើជាតួឯកជាមួយកញ្ញា នៅ សុនីតា ក្នុងខ្សែភាពយន្តភាគរឿង”គំនុំអតីតជាតិ” ខាងលើ។

ទោះជាយ៉ាងណាក៏ដោយតារាសម្ដែងតែងឆកយកតំណែងតួឯកញឹកញាប់លោក លឹម ជាឡាយនៅតែរំពឹងខ្សែភាពយន្តនេះនឹងទទួលបានការគាំទ្រពីទស្សនិកជននៅពេលដាក់បញ្ចាំងលើស្ថានីយទូរទស្សន៍ CTN ថ្ងៃចន្ទសប្ដាហ៍ក្រោយ។ ការរំពឹងត្រូវបានលោកអះអាងថារឿង”គំនុំអតីតជាតិ” មានរសជាតិប្លែកៗ បង្កប់អត្ថន័យអប់រំ កាច់កុងគ្នាពីមួយជាតិ ទៅមួយជាតិ។

លឹម ជាឡាយ

ការរំពឹងទទួលបានការគាំទ្រពីទស្សនិកជនជារឿងមួយហើយ ក៏ប៉ុន្តែលោក លឹមជាឡាយក៏មិនភ្លេចដែរស្នើឱ្យមហាជនទូទៅជួយគាំទ្រស្នាដៃតារាទាំងអស់គ្នាក្នុងប្រទេសកម្ពុជា ក៏ដូចជាវិស័យភាពយន្តទាំងមូលដើម្បីឱ្យយ៉ាងណាឱ្យភាពយន្តរបស់ខ្មែរឈានទៅរកការរីកចម្រើនដូចប្រទេសដទៃទៀតក្នុងតំបន់ ក៏ដូចជាលើកពិភពលោក។

រឿង “គំនុំអតីតជាតិ” ជាស្នាដៃនិពន្ធរបស់លោក អ៊ិន សុភិនផលិតកម្មមហាហង្សមាន៥០ភាគ ក្នុងនោះលោក លឹម ជាឡាយត្រូវសម្ដែងជាតួឯកជាមួយកញ្ញា នៅ សុនីតា។ ក្រៅតែពីរតារាសម្ដែងទាំងរូបនេះនៅមានតារាសម្ដែងជាច្រើនទៀតមានដូចជាកញ្ញា ថន លក្ខិណា លោក អូន ឧស្សាហ៍ជាដើម។

លោក លឹម ជាឡាយបានចាប់អាជីពជាអ្នកសិល្បៈក្នុងឆ្នាំ ២០០០ តែជាប់លោកជា Freshie Boy លេខមួយក្នុងឆ្នាំ២០០៥។ ក្រោយពីជាប់ជា Freshie តារារូបនេះតែងមានទីផ្សារជានិច្ចក្នុងខ្សែភាពយន្តនានាតាមស្ថានីយទូរទស្សន៍៕

លឹម ជាឡាយ