តារាសម្តែង និងម្ចាស់ផលិតកម្មមហាហង្សនាំអំណោយជូនកុមារកំព្រានៅមណ្ឌលពន្លឺអនាគតកុមារ

តារាសម្តែង និងម្ចាស់ផលិតកម្មមហាហង្សនាំអំណោយជូនកុមារកំព្រានៅមណ្ឌលពន្លឺអនាគតកុមារ

រាជធានីភ្នំពេញ ៖ កាលពីថ្ងៃទី៣១ ឧសភា កន្លងទៅ លោកអ៊ិន សុភិន ជាម្ចាស់ផលិតកម្មមហាហង្ស ព្រមទាំងតារាសម្តែង និងបុគ្គលិកជាច្រើននាក់ទៀត បានរួមគ្នាបង្កើតកម្មវិធីចែកអំណោយមួយចំនួនជូនដល់កុមារកំព្រានៅមណ្ឌលពន្លឺអនាគតកុមារ ដែលមានទីតាំងនៅភូមិព្រៃល្វា សង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ ក្នុងបរិយាកាសស្និតស្នាលយ៉ាងក្រៃលែងជាមួយប្អូនៗនៅមណ្ឌលនោះ។

ថ្លែងនៅពេលកំពុងចែកអំណោយដល់ប្អូនៗជាកុមារកំព្រាដែលកំពុងតែរស់នៅជាមួយជំនួយនានា ជាសប្បុរជន ដើម្បីស្វែងរកអនាគតលោកអ៊ិន សុភិន អគ្គនាយក និងជាម្ចាស់ផលិតកម្មមហាហង្សបានមានប្រសាសន៍ដល់ប្អូនៗថា ក្រុមហ៊ុនមហាហង្ស បានចែកសៀវភៅជាង១០០ក្បាល ដែលនេះជាលើកដំបូងនៅភ្នំពេញ ដើម្បីបំពេញតាមសំណូមពរប្អូនៗ។ លើកនេះយើងមិនបានជូនអ្វីច្រើនទេ ក្រៅពីសៀវភៅស្នាដៃផ្សេងៗទាំងខ្មែរ និងបរទេសជាមួយនឹងទឹកចិត្តបរិច្ចាគជាទឹកប្រាក់មួយចំនួនរបស់សិល្បករ សិល្បការិនីដែលបានមកចូលរួមដោយសង្ឃឹមថា លើកក្រោយ និងមានច្រើនតទៅទៀត

ហេតុអ្វីបានជាលោកមិនជូនជាលុយផ្តល់ជាសៀវភៅឯកសារ ព្រោះសៀវភៅអាចចែករំលែកមើលបានយូរឆ្នាំ ១០ឆ្នាំ ២០ឆ្នាំ និងជាចំណេះមួយដែលយើងមិនអាចរកបាននោះទេ។ ប្អូនៗត្រូវតែប្រឹងប្រែងអានសៀវភៅទាំងអស់នោះ ទៅប្អូនៗនឹងមានចំណេះដឹងច្រើនជាងបងៗយកលុយទៅឲ្យប្អូនម្នាក់១០ដុល្លារ ឬ១០០ដុល្លារចាយតែ១ខែទៅ គឺអស់ហើយអត់ចំណេញអ្វីទេ ទើបបងៗយកជំនួយជាសៀវភៅវិញ មានអត្ថប្រយោជន៍ជាង ហើយយើងអាចរកលុយច្រើនជាង ពេលយើងពោរពេញដោយចំណេះ ព្រោះសង្គមយើងត្រូវការអ្នកចេះ។

ប្រភពះ កោះសន្តិភាព

មុន បន្ទាប់

មតិយោបល់