ឥណ្ឌាបង្កើតរដ្ឋថ្មីមួយទៀតឈ្មោះ Telangana ជារដ្ឋទី2915 ម៉ោងមុន

ឥណ្ឌាបង្កើតរដ្ឋថ្មីមួយទៀតឈ្មោះ Telangana ជារដ្ឋទី2915 ម៉ោងមុន

ប្រទេសឥណ្ឌាកាលពីថ្ងៃទី២ មិថុនា បានបង្កើតរដ្ឋទី២៩មួយទៀតឈ្មោះរដ្ឋ Telangana ដោយបំបែកចេញពីរដ្ឋឥន្ត្រាប្រា ដែស នាភាគខាងត្បូងប្រទេសក្រោយយុទ្ធនាការបំបែករដ្ឋដែលមានរយៈពេលជិត៦ទសវត្សមក ។ទោះបីមានការបំបែករដ្ឋក៏ដោយ ក៏ទីក្រុងហុីដឺរ៉ាបាដ ដែលជាទីតាំងរបស់ក្រុមហ៊ុនបច្ចេកវិទ្យាខ្ពស់ធំៗ នឹងនៅតែជារដ្ឋធានីរបស់រដ្ឋទាំង២ រយៈពេល១០ឆ្នាំទៀត ។

លោក Kalvakuntla Chandrashekar Rao ដែលពេលមួយធ្វើកូដកម្មអត់អាហារទាមទារបំបែករដ្ឋនោះត្រូវបានជ្រើសតាំងឱ្យកាន់តំណែងប្រមុខប្រតិបត្តិរបស់រដ្ឋថ្មីនោះ ក្នុងពិធីមួយនៅទីក្រុងហុីដឺរ៉ាបាដ ។ ប្រជាជន Telangana បានសម្តែងការអបអរសាទរចំពោះការប្រកាសបង្កើតរដ្ឋថ្មីនេះ ដោយនាពេលយប់មានការបាញ់កាំជ្រួចយ៉ាងច្រើននៅក្រុងហុីដឺរ៉ាបាដ។

នាយករដ្ឋមន្ត្រីថ្មីឥណ្ឌា លោក ណារេនដ្រា ម៉ូឌី បានសម្តែងការចូលរួមអបអរសាទរចំពោះលោក Rao ហើយសន្យាពីការគាំទ្រទាំងស្រុងរបស់លោកចំពោះប្រជាជននិងរដ្ឋាភិបាលរដ្ឋ Telangana តាមរយៈសារលិខិតមួយច្បាប់របស់លោក ។ក្នុងសារនោះ លោកម៉ូឌី គូសបញ្ជាក់ថា ឥណ្ឌាមានរដ្ឋថ្មីមួយទៀតហើយ ។ សូមស្វាគមន៍រដ្ឋ Telangana ជារដ្ឋទី២៩ របស់យើង ។ រដ្ឋ Telangana នឹងពង្រឹងដំណើររបស់យើងឆ្ពោះទៅរកការអភិវឌ្ឍក្នុងបណ្តាឆ្នាំខាងមុខ ។យុទ្ធនាការដើម្បីបង្កើតរដ្ឋថ្មីនោះដែលស្ថិតក្នុងតំបន់មួយក្នុងចំណោមតំបន់មិនសូវមានសេដ្ឋកិច្ចខ្លាំង ចាប់ផ្តើមពីទសវត្សឆ្នាំ១៩៥០មក ដោយពួកអ្នកជំរុញ បរិហារពីការខ្វះការយកចិត្តទុកដាក់ដល់តំបន់នោះ ពីសំណាក់អាជ្ញាធរមូលដ្ឋាន ផ្ទុយទៅវិញបណ្តាអ្នកមានមុខមានមាត់ និងប្រជាជនបណ្តាតំបន់ឆ្នេរសមុទ្ររបស់រដ្ឋឥន្ត្រាប្រាដែស ដែលមានការរីកចម្រើនខ្ពស់ ខ្លាចមានអស្ថិរភាពសេដ្ឋកិច្ចតំបន់ ។

ប្រមុខប្រតិបត្តិរដ្ឋឥន្ត្រាប្រាដែស បានសុំលាលែងកាលពីដើមឆ្នាំនេះដើម្បីតវ៉ាមុនការពិភាក្សារបស់សភាពីការបង្កើតរដ្ឋថ្មីនេះ ។ ការជជែកដេញដោលគ្នាក្នុងសភា ជួនកាលមានការប្រទូស្តរ៉ាយគ្នា ដោយបណ្តាសមាជិកសភាបានវាយតប់គ្នា ហើយរហូតដល់សមាជិកសភាម្នាក់យកឧស្ម័ន្មស្រោចលើបណ្តាសហសេវិកផង ៕

ប្រភពៈ កោះសន្តិភាព

មុន បន្ទាប់

មតិយោបល់