ភ្នំពេញ ៖ កម្មការិនី ដែលបម្រើការងារ នៅរោងចក្រកាត់ដេរអ៊ីហ្វា ស្ថិតនៅសង្កាត់ ចោមចៅ ខណ្ឌពោធិ៍ សែនជ័យ ចំនួន១៧នាក់ បានដួលសន្លប់ ពេលកំពុងធ្វើការបង្កឱ្យមាន ការផ្អើលឆោឡោ រហូតសុំអន្ដរាគមន៍ ពីអាជ្ញា ធរនិងសមត្ថកិច្ច ព្រមទាំងរថយន្ដសង្គ្រោះ បន្ទាន់ចេញទៅដឹកពួកគេ ឆ្ពោះទៅកាន់មន្ទីរ ពេទ្យ ។

អធិការនគរបាលខណ្ឌពោធិ៍សែនជ័យ លោកយឹម សារ៉ាន់ បានបញ្ជាក់ថា កម្មការិនី ចំនួន ១៧នាក់ បានដួលសន្លប់ពេលកំពុងធ្វើ ការនារសៀលថ្ងៃទី២៤ ខែកក្កដា ឆ្នាំ២០១៥ ហើយជនរង គ្រោះទាំងនេះ ត្រូវបានដឹកបញ្ជូន ភ្លាមៗចេញពីរោងចក្រឆ្ពោះ ទៅកាន់មន្ទីរ ពេទ្យមូលមិត្ដ ។

លោកយឹម សារ៉ាន់ បានឱ្យដឹងថា ជនរង គ្រោះទាំង១៧នាក់ កំពុងសម្រាកព្យាបាល ដោយមិនមាន ការប៉ះពាល់ដល់អាយុជីវិតនោះ ឡើយ ។

អធិការនគរបាលរូបនេះ បានឱ្យដឹងទៀត ថា ក្រោយការសួរនាំពី សំណាក់ជនរងគ្រោះ ពួកគេបានលើក ឡើង ពីខ្វះខ្យល់អ៊ុកស៊ីហ្សែន នៅក្នុងអគាររោងចក្រ ជាហេតុធ្វើឱ្យពួកគេ មានអារម្មណ៍មិនស្រួល ថប់ដង្ហើមទន់ដៃទន់ ជើងរហូតដួលសន្លប់តែម្ដង ។

សូមបញ្ជាក់ថា កម្មករកម្មការិនីនៅតាម រោងចក្រសហគ្រាសជាច្រើន នៅតែប្រឈម មុខ ការដួលសន្លប់ ព្រោះតែបញ្ហាបរិស្ថាន នៅក្នុងរោងចក្រនិង មួយផ្នែកទៀតមកពី កម្មករខ្លួនឯងខ្វះ ជីវជាតិ ហើយធ្វើ ការមិនសូវ បានសម្រាកពេញ ដែលនាំឱ្យកើត មានករណី បែបនេះ ។

យ៉ាងណាក៏ដោយ ចំពោះគ្រោះថ្នាក់សង្គម មួយនេះ ក្រសួងការងាររបស់ រាជរដ្ឋាភិបាល ដែលមាន របបបេឡាជាតិសន្ដិសុខសង្គមជា អ្នកទទួលខុសត្រូវ និងចំណាយលើការព្យា បាលដល់ជនរងគ្រោះ ទាំងនោះ ។

ផ្តល់សិទ្ធដោយ ដើមអម្ពិល