ភ្នំពេញ៖  លោក កែវ សុធី មេបញ្ជាការរង អាវុធហត្ថខណ្ឌពោធិសែនជ័យ បានបញ្ជាក់ថា ក្រោយ បញ្ចប់ការចុះ ឆែកឆេរ នៅហាងបញ្ចាំវីឃែស ស្ថិតនៅផ្ទះលេខ៦អា តាមផ្លូវវងស្រេង សង្កាត់ចោមចៅ នារសៀលថ្ងៃទី២៦ ខែ កក្កដា ឆ្នាំ២០១៥នេះរួចមក ម៉ូតូជិត២០គ្រឿង ត្រូវបានរកឃើញនៅទីនោះ ប៉ុន្តែតាមការពិនិត្យឯកសារ បង្ហាញថា មានតែម៉ូតូមួយគ្រឿងប៉ុណ្ណោះ ដែលគ្មានឯកសារបញ្ចាំត្រឹមត្រូវ ហើយត្រូវដកហូត យកទៅរក្សាទុក ដើម្បីចាត់ការ តាមនីតិវិធីទៀត។

លោកបានបន្តថា ម៉ូតូដែលត្រូវដកហូតនោះ គឺម៉ាក Click ពាក់ស្លាកលេខ 1AH.2636 ដែលអ្នកយកមកបញ្ចាំនោះ ជាមន្រ្តីយោធា នៅកងពលតូចលេខ៧០ មានឈ្មោះ សារី វន្នី មានតួនាទី រងកងតូចទី១៕

ផ្តល់សិទ្ធដោយ ដើមអម្ពិល