កោះកុង : មានការភ្ញាក់ផ្អើលមួយ បានកើតឡើង នៅយប់ថ្ងៃទី២៨ ខែកក្កដា ឆ្នាំ២០១៥នេះ ស្ថិតនៅក្រុងខេមរ ភូមិន្ទ ខេត្តកោះកុង ដោយសារតែភ្ញៀវទេសចរ ជនជាតិថៃម្នាក់ ត្រូវបានអ្នកលក់ ស្ករកៅស៊ូ ជនជាតិខ្មែរ វាយនឹងដំបង រហូត បែកក្បាល បណ្តាលឲ្យស្លាប់ ក្រោយពីមានជម្លោះ បន្តិចបន្តួច ។

សេចក្តីរាយការណ៏ ពីភ្នាក់ងារ នៅខេត្តកោះកុង បានអោយដឹងថា មុនពេលកើតហេតុ ជនរងគ្រោះ កំពុងអង្គុយ ហូបបាយ នៅក្នុងហាងមួយកន្លែង ពេលនោះ ជនបង្កបានទៅលក់ស្ករកៅស៊ូ អោយជនរងគ្រោះ ហើយពេលនោះ ជនរងគ្រោះយល់ព្រម ក៏ពួកគេទាំង២នាក់ លើកដៃ បង្ហាញថា អូខេ ទះដាក់គ្នា តែជនបង្ករុញជនរងគ្រោះខ្លាំង រហូតផ្ញាទៅក្រោយ ស្រាប់តែ ជនរងគ្រោះ រុញជនបង្កមកវិញ។

ភ្លាមៗនោះជនបង្ក បានស្រែកថា មិនអីទេហ្អែង ចាំមើលអញត្រឡប់មកវិញ ហើយមួយសន្ទុះ ក្រោយមក ខណ:ជនរងគ្រោះ កំពុងដើរ ទៅបន្ទប់ទឹក ជនបង្ក ក្នុងដៃដោយមានដំបង វែងវាយចំក្បាល ជនរងគ្រោះ រហូតដល់ស្លាប់តែម្តង។

ក្រោយកើតហេតុ ជនបង្កត្រូវបានកម្លាំងសមត្ថកិច្ច ឃាត់ខ្លួន ខណ:សពជនរងគ្រោះ ត្រូវបានសមត្ថកិច្ច ប្រគល់ អោយសាច់ញាតិ យកទៅធ្វើបុណ្យតាមប្រពៃណីរបស់ពួកគេ៕

ផ្តល់សិទ្ធដោយ ដើមអម្ពិល