ដើមទ្រូង ធម្មជាតិមិនគាប់ចិត្ត កញ្ញាមួយមួយ កែច្នៃបង្កើនសម្រស់

ដើមទ្រូង ធម្មជាតិមិនគាប់ចិត្ត កញ្ញាមួយមួយ កែច្នៃបង្កើនសម្រស់

រាជធានីភ្នំពេញ ៖ តារាបង្ហាញម៉ូដ និងសម្តែងនាងគីម ឡាង ហៅមួយមួយ បាត់មុខមួយរយៈពីការ ពិភពសិល្បៈ ងាកទៅក្តាប់មុខ ជំនួញរបស់នាងវិញ ។ នៅពេលប្រកាសចូលពិភពសិល្បៈវិញ តារាស្រីរាងខ្ពស់ សាច់សរូបនេះសារភាពថា សម្រស់ដើមទ្រូងនាងមិនមែនធម្មជាតិផ្តល់ឱ្យទាំងស្រុងទេ គឺបានកែច្នៃបន្ថែម ។

បើទោះជាមួយមួយ បាត់មុខពីពិភពសិល្បៈយ៉ាងណាក៏ដោយ ក៏នាងតែងតែចូលរួម ក្នុងកម្មវិធីមិត្តភក្តិ អ្នកសិល្បៈ ដូចជាពិធីជប់លៀង ខួបកំណើតជាដើម ហើយគេសង្កេតឃើញថា នាងនិយមលេងខ្លួនឆើតឆាយ ជាមួយឈុតសម្លៀកបំពាក់បែបសិចស៊ី រំលេចសម្រស់ដើមទ្រូង ទ្រលុកទ្រលន់ទាក់ភ្នែក បុរសៗសម្លឹងគយគន់ ។ មួយមួយធ្លាប់ធ្វើជាពិធីការិនី ប្រចាំទូរទស្សន៍ស៊ីធីអិន ក្នុងកម្មវិធី «គំនិតស្ត្រី» ។

ក្នុងជំនួបកាលពីពេល ថ្មីៗកន្លងមកមួយមួយឱ្យដឹងថា ដោយសាររវល់លើមុខជំនួញ ដូច្នេះការងារសិល្បៈមួយចំនួនត្រូវផ្អាកសិន ។ មួយមួយផ្អាកអាជីពសិល្បៈ ដ្បិតការសម្តែងត្រូវ ចំណាយពេលច្រើន និងហត់នឿយខ្លាំង ម្យ៉ាងនៅក្រោមកម្តៅថ្ងៃ ជាមូលហេតុធ្វើឱ្យរូបសម្រស់ ធ្លាក់ចុះទៀតផង ។ ដូច្នេះហើយទើបមួយមួយ មិនសម្រេចចិត្តយកការងារណា លំបាកៗដែលបង្កឱ្យប៉ះពាល់ ដល់ស្បែកនាងនោះទេ ។

តារាស្រីដែលអ្នកសិល្បៈ សម្គាល់ថាជាអ្នកនិយមស្លៀកពាក់ បែបសិចស៊ីទាន់សម័យរូបនេះ សារភាពថា «ក្នុងសម័យទំនើបបែបស៊ីវិល័យនេះ នាងខ្ញុំមិនកុហកមហាជនឡើយ គេឃើញដើមទ្រូងនាងខ្ញុំល្អ ការណ៍ពិតខ្ញុំបានកែកុនខ្លះនៅពេលដែល ដឹងថាខ្វះចំណុចទាក់ទាញណាមួយ ។ នេះជាចំណូលចិត្តដែលខ្ញុំចង់បាន ។

ជាមួយនឹងជំនឿ ជឿជាក់ខាងលោកគ្រូពេទ្យ ចំណានៗទើបនាងខ្ញុំសុខចិត្តឈឺខ្លួន ឱ្យពេទ្យវះកាត់ដើមទ្រូងមិនខ្លាចម្ជុលទេ នៅពេលមើលឃើញ និងយល់ពីក្បួនថែរក្សា យ៉ាងច្បាស់លាស់ទៅហើយនោះ។ ម្យ៉ាងក្រុមគ្រូពេទ្យសុទ្ធតែជាអ្នកមាន ជំនាញអាចឱ្យជឿជាក់ និងទុកចិត្តបាន បើមិនមានជំនាញច្បាស់លាស់ ខ្ញុំក៏មិនហ៊ានដែរ ។ ជាធម្មតាធម្មជាតិបង្កើតមនុស្ស មិនបានធ្វើឱ្យពេញចិត្តគ្រប់ផ្នែក នៃរាងកាយឡើយ ដូចនេះការកែច្នៃសម្រស់ ធម្មជាតិ នាងខ្ញុំគិតថាជារឿង ចាំបាច់របស់ស្ត្រី ម្នាក់ៗ » ។

ដើមទ្រូងរបស់កញ្ញាមួយមួយ បានកែជិត២ឆ្នាំមកហើយ នៅប្រទេសជិតខាង តែនាងមិនបញ្ជាក់ខ្ទង់ចំណាយទេ ។ មួយមួយមានទំនុកចិត្ត ថាឆ្លងកាត់ការវះកាត់នេះ មិនប៉ះពាល់សុខភាព ដ្បិតរយៈពេលយូរមក ហើយអត់មានបញ្ហាអ្វីគួរឱ្យបារម្ភទេ ។ ការកែសម្រស់ដើមទ្រូង ធ្វើឱ្យមួយមួយស្លៀកពាក់ កាន់តែស្រស់ស្អាត ។

គឹម ឡាង ហៅមួយមួយបាន ចូលប្រឡូកក្នុងពិភពសិល្បៈ នៅឆ្នាំ២០០៨ ដោយពីដំបូងសម្តែងខារ៉ាអូខេ និងធ្លាប់ចូលហាត់រៀន នៅក្រុមបង្ហាញម៉ូដសាពណ៌ ។ ក្រៅពីនេះមួយមួយធ្លាប់ធ្វើ ជាពិធីការិនីនៅស្ថានីយទូរទស្សន៍ ស៊ីធីអិន និងប៉ុស្តិ៍លេខ៣ ព្រមទាំងធ្លាប់ចូលរួម បង្ហាញម៉ូដប្រចាំក្រុម កញ្ញាឌួង ហ្សូរីដា ៕