ចាប់ខ្លួនបុរសម្នាក់ ពីបទបៀតបៀន កេរ្តិ៍ខ្មាស ក្មេងស្រីអាយុ៤ឆ្នាំ បណ្តាលឱ្យរងរបួស

ចាប់ខ្លួនបុរសម្នាក់ ពីបទបៀតបៀន កេរ្តិ៍ខ្មាស ក្មេងស្រីអាយុ៤ឆ្នាំ បណ្តាលឱ្យរងរបួស

ខេត្តត្បូងឃ្មុំ ៖ ជនសង្ស័យឈ្មោះឆេង សាន អាយុ៤៩ឆ្នាំ មានទីលំនៅ ក្នុងភូមិព្រឹក ឃុំក្រែក ស្រុកពញាក្រែក ត្រូវសមត្ថកិច្ចធ្វើការឃាត់ខ្លួន បន្ទាបីពីធ្វើសកម្មភាព ចាប់ក្មេងស្រីមាន អាយុ៤ឆ្នាំម្នាក់ រំលោភសេពសន្ថវៈ ខណៈម្តាយចេញទៅស៊ីឈ្មួល បង្កកជ័រកៅស៊ូឱ្យគេ ដោយទុកកូនស្រី នៅផ្ទះតែម្នាក់ឯង កាលពីរសៀលថ្ងៃទី៤ សីហា ២០១៥ ។

លោកវរសេនីយ៍ត្រីចក់ សុខកៅ នាយការិយាល័យ ព្រហ្មទណ្ឌកំរិតធ្ងន់ខេត្តឱ្យដឹងថា នៅវេលាម៉ោង៤រសៀលថ្ងៃនោះ ខណៈស្ត្រីជាម្តាយ បានត្រឡប់មកផ្ទះវិញ ស្រាប់តែឃើញកូនស្រី យំខុសប្លែកពីធម្មតា ក៏សួរនាំ ហើយត្រូវក្មេងស្រីនិយាយប្រាប់ថា ឈ្មោះសាន បានចាប់នាងរំលោភ (យកដៃលូកប្រដាប់ភេទ) ធ្វើឱ្យមានការឈឺចាប់ ។

បន្ទាប់ពីឮកូនស្រី និយាយបែបនេះ ស្ត្រីជាម្តាយក៏ប្រញាប់ទៅ ប្តឹងប៉ុស្តិ៍រដ្ឋបាលឃុំក្រែកជួយ អន្តរាគមន៍តែម្តង ។ ពេលដែលសមត្ថកិច្ច ហៅជនសង្ស័យឈ្មោះឆេង សាន មកសួរនាំនៅប៉ុស្តិ៍នោះ ក៏បានឆ្លើយសារភាពថា ខ្លួនពិតជាបានប្រព្រិត្តទង្វើខាងលើនេះមែន ។