នារី០៣នាក់ត្រូវក្រុមចោរបាញ់ឱ្យរបួសម្នាក់ប្លន់យកគ្រឿងអលង្ការរួចជិះគេចខ្លួនដោយសុវត្តិភាព

នារី០៣នាក់ត្រូវក្រុមចោរបាញ់ឱ្យរបួសម្នាក់ប្លន់យកគ្រឿងអលង្ការរួចជិះគេចខ្លួនដោយសុវត្តិភាព

រាជធានីភ្នំពេញ ៖ នារីបីនាក់ជិះម៉ូតូមួយគ្រឿងមកពីញាំអាហារពេលយប់ ត្រូវចោរបាញ់ប្លន់យកគ្រឿងអលង្ការបណ្តាលឱ្យរបួសម្នាក់ រួចចោរដោះយកគ្រឿងអង្ការជិះម៉ូតូគេចខ្លួនដោយសុវត្តិភាព។ហេតុការណ៍នេះកើតឡើងកាលពីវេលាម៉ោង ១រំលងអាធ្រាត្រ ឈានចូល ថ្ងៃទី ១២ មិថុនា ២០១៤ នៅតាមផ្លូវ ៤៥០ ស្ថិតនៅក្នុងសង្កាត់ទួលទំពូង២ ខណ្ឌចំការមន។

ប្រភពព័ត៌មានពីកន្លែងកើតហេតុបានឱ្យដឹងថា នៅមុនពេលកើតហេតុគេឃើញ នារីបីនាក់ ជិះម៉ូតូមួយគ្រឿង ម៉ាកFino ឌុបគ្នាមកពីញាំអាហា ពេលជិះមកដល់ចំណុចកើតហេតុ ក៍មានបុរសបីនាក់ ជិះម៉ូតូទំនើបពីរគ្រឿងតាមពីក្រោយ ធ្វើជាតាមញ៉ែនារីទាំងបីនាក់នោះ ហើយឃើញឱកាសល្អ ក៍ឱ្យនារីទាំងបីនាក់ដោះគ្រឿងអលង្ការឱ្យពួកខ្លួនប៉ុន្តែនារីទាំងបីនាក់មិនព្រមដោះឱ្យក្រុមចោរខឹង ក៏បាញ់មួយគ្រាប់បណ្តាលឱ្យរបួសនារីម្នាក់ ហើយក្រុមចោរបានដោះគ្រឿងអលង្ការជិះគេចខ្លួនដោយសុវត្តិភាព។

នារីរងគ្រោះឈ្មោះ ខេង សុជាតា បច្ចុប្បន្នកំពុងតែសង្រ្គោះនៅមន្ទីរពេទ្យ មិត្តភាពខ្មែរ-សូវៀត ។

នារីរងគ្រោះសម្រាកព្យាបាលនីមន្ទីរពេទ្យ