រតនគិរីៈ កម្លាំងនគរបាល វរៈការពារព្រំដែនគោក លេខ៦២៣ ម្នាក់ បានស្លាប់នៅក្នុងរថយន្តរបស់ខ្លួន ដោយមិន ដឹងមូលហេតុ កាលពីល្ងាចថ្ងៃទី១០ ខែសីហា ឆ្នាំ២០១៥ នៅចំងាយប្រមាណ ជិត១ គីឡូម៉ែត្រ ពីប៉ុស្តិ៍សង្កេតការ អូរលាវ ស្ថិតតាមខ្សែបន្ទាប់ព្រំដែន ក្នុងភូមិក្វែង ឃុំយ៉ាទុង ស្រុកអូរយ៉ាដាវ ខេត្តរតនគិរី។ ហេតុការណ៍ គួរអោយ ភ្ញាក់ផ្អើលនេះ កើតឡើង នៅព្រឹក ថ្ងៃទី១២ ខែសីហា ឆ្នាំ២០១៥ ដោយប្រជាពលរដ្ឋ ប្រទះឃើញ បានរាយការណ៍ មកសមត្ថកិច្ច ទើបបានដឹងហេតុការណ៍ នេះកើតឡើង។ 

លោកវរសេនីយ៍ឯក ងួន សុវណ្ណា មេបញ្ជាការវរៈសេនាតូច នគរបាលការពារ ព្រំដែនគោកលេខ៦២៣ បានឲ្យ ដឹងថា មន្ត្រីនគរបាលវរៈព្រំដែន ដែលស្លាប់នោះ មានឈ្មោះ បូ សារិន  អាយុ៤៥ឆ្នាំ ជនជាតិខ្មែរ ជានាយរង បុស្តិ៍ សង្កេតការលេខ៧០១ អូរលាវ ប្រពន្ធឈ្មោះ អែម មឹម អាយុ៥៥ឆ្នាំ មុខរបរជាមេផ្ទះ មានកូនស្រីចំនួន២នាក់ ក្នុងបន្ទុក មានទីលំនៅ បច្ចុប្បន្ន នៅភូមិប៉ក់ធំ ឃុំប៉ក់ញ៉ៃ ស្រុកអូរយ៉ាដាវ ខេត្តរតនគិរី។

លោកងួន សុវណ្ណា   ប្រាប់បន្តថាមន្ត្រីនគរបាលរូបនោះ ស្លាប់ដោយសារខ្យល់គ នៅក្នុងរថយន្ត ម៉ាកម៉ុង តេរ៉ូ ពណ៌ទឹកប្រាក់ ពាក់ស្លាកលេខភ្នំពេញ2C-8633  ដែលគាត់បានបើកឡាន ទៅតាមផ្លូវប្រទេស វៀតណាម បំណងមកផ្ទះនៅអូរយ៉ាដាវ។

បើតាមមន្ត្រីនគរបាលបច្ចេកទេស និងវិទ្យាសាស្ត្រ នៃស្នងការនគរបាលខេត្តរតនគិរី ដែលចុះពិនិត្យ សពនៅ មិនទាន់បានបញ្ជាក់ពីមូលហេតុ នាំអោយជនរងគ្រោះបាត់បង់ជីវិត នៅឡើយទេ ដោយបញ្ជាក់ថារង់ចាំការស្រាវ ជ្រាវ ឲ្យបានគ្រប់ជ្រុងជ្រោយ។ 

បច្ចុប្បន្នសពជនរងគ្រោះត្រូវបានសមត្ថកិច្ច ដឹកបញ្ជូនប្រគល់ឲ្យ ក្រុមគ្រួសារយកមក ធ្វើបុណ្យ តាមប្រពៃណី ខ្មែរនៅ លំនៅដ្ឋានខាងលើ។

គួររំលឹកផងដែរថា កាលពីពេលកន្លងមក មន្ត្រីយោធាថ្នាក់មេប៉ុស្តិ៍ ច្រក របៀងភូមិភិ ចងកស្លាប់នៅ កន្លែង ប៉ុស្តិ៍ និងករណីមួយទៀត នេះថ្នាក់នាយរងប៉ុស្តិ៍ (នគរបាល) បានស្លាប់ក្នុងរថយន្ត ចំងាយពីប៉ុស្តិ៍ប្រមាណ ជិត១ គីឡូម៉ែត្រពីប៉ុស្តិ៍ដែលខ្លួនឈរជើង តែមិនទាន់ដឹងមូលហេតុពិតប្រាកដ។ គួរតែថ្នាក់លើបើ ការស៊ើបអង្កេត អោយបាន ច្បាស់លាស់ ជៀសវាងអ្នកស្លាប់ទៅរងនូវភាពអយុត្តិធម៌ ៕

ផ្តល់សិទ្ធដោយ ដើមអម្ពិល