ភ្នំពេញៈ នៅវេលាម៉ោង ៩:៥០នាទី យប់ថ្ងៃទី១៣ ខែសីហា ឆ្នាំ២០១៥ នៅមុខក្រសួងការពារជាតិ ស្ថិតក្នុងសង្កាត់ ស្រះចកខណ្ឌដូនពេញ  មានរថយន្តមួួយគ្រឿង បើកបុករនាំងដែកចែក ទ្រូងផ្លូវ បណ្តាលឲ្យបាក់អស់ចំនួន ៨ផ្ទាំង ។

បើតាមសាក្សីដែលឃើញហេតុការណ៌បានប្រាប់ថា នៅម៉ោងជាង៩យប់ គាត់បានឃើញ រថយន្ត ម៉ាកford ពណ៌ ខ្មៅ ពាក់ស្លាកលេខ ភ្នំពេញ 2W-2100បើកដោយបុរសជនជាតិចិន រួមនិង មិត្តភក្តិ៤នាក់ទៀត ដោយបើក ក្នុង ទិសដៅ ពីកើត ទៅលិច លុះបើកមកដល់ មុខក្រសួងការពារជាតិ បានរេចង្កូត ទៅបុកនិងរនាំងដែក ដែលដាក់ ចែក ទ្រូងផ្លូវ បណ្តាលបាក់អស់៨ផ្ទាំង។

ប្រភពដដែលបានបន្តទៀតថា ក្រោយពីបុកហើយ ជនជាតិចិន មិនព្រមឈប់ ទេ ព្យាយាមបើករថយន្ត រត់បាន ជាង១០០ម៉ែត្រ ដោយនៅមុខក្រសួង មានកម្លាំងនគរបាលល្បាតនៅទីនោះ ឃើញបុកហើយ មិនឈប់ បាននាំគ្នា ដេញចាប់ បានទាំងរថយន្ត និងម្ចាស់ ឃាត់ទុករងចាំ ខាងចរាចរណ៌ក្រុង ចុះមកយកដើម្បី ធ្វើការដោះស្រាយ សងសំណងនៃការខូចខាតនោះ៕

ផ្តល់សិទ្ធដោយ ដើមអម្ពិល