ប្រេស៊ីលរំពឹងថា នឹងទាញបានចំណូល ៣ ពាន់លានដុល្លារពី World Cup

ប្រេស៊ីលរំពឹងថា នឹងទាញបានចំណូល ៣ ពាន់លានដុល្លារពី World Cup

សមរភូមិបៃតងរវាងក្រុមកំពូលទាំង ៣២ មកពីគ្រប់ទ្វីបនឹងចាប់ផ្ដើមបើកនៅម៉ោង ៣ រំលងអាធ្រាត្រនេះ។ ព្រឹត្តិការណ៍កីឡាដែលប្រារព្ធធ្វើបួនឆ្នាំម្ដងនេះ ត្រូវគេរំពឹងថា នឹងរកចំណូលឲ្យម្ចាស់ផ្ទះប្រេស៊ីលជាទឹកប្រាក់ប្រហែល ៣ ពាន់លានដុល្លារ។

ទឹកប្រាក់ចំណូលដល់សេដ្ឋកិច្ចរបស់ប្រេស៊ីលនេះគឺបានមកពីទេសចរទាំងក្នុង និងក្រៅស្រុកដែលគេរំពឹងថា អាចមានដល់ ៣,៧ លាននាក់អំឡុងព្រឹត្តិការណ៍កីឡាបាល់ទាត់ធំបំផុត ដោយក្នុងនោះ ៦ សែននាក់ជាទេសចរបរទេស។ គេវាយតម្លៃថា ទេសចរបរទេសដែលជា Fan របស់ប្រទេសទាំង ៣១ ផ្សេងទៀតនោះអាចនឹងចំណាយខ្ពស់ជាងទេសចរក្នុងស្រុកពោលគិតជាមធ្យមអាចចំណាយអស់ ២៥០០ ដុល្លារក្នុងមួយព្រឹត្តិការណ៍នេះ។

timthumb.php

ការចាយវាយរបស់ទេសចរគឺត្រូវធ្វើនៅលើការធ្វើដំណើរ ហូបចុក ស្នាក់នៅ និងកម្មវិធីជប់លៀងកម្សាន្តសប្បាយនានា។

ទីក្រុង Rio de Janeiro រំពឹងថា នឹងទទួលទេសចរបរទេសប្រហែល ៩ ម៉ឺននាក់ដែលជាតួលេខខ្ពស់ជាងគេក្នុងចំណោមទីក្រុងទាំង ១២ ទទួលការប្រកួត។ រដ្ឋធានី Brasilia និងទីក្រុង Fortaleza នៅភាគនិរតីនៃប្រទេសឈរនៅលេខរៀបបន្ទាប់ជាមួយតួលេខ ៧៩ ០០០ នាក់ និង ៦៥ ០០០ នាក់។ ចំណែកទីក្រុង Curitiba ភាគខាងត្បូងប្រទេសអាចស្វាគមន៍ទេសចរបរទេសប្រហែល ២៦០០០ នាក់ជាចំនួនដែលរដ្ឋាភិបាលវាយតម្លៃថា ទាបជាងគេបំផុត។

ដោយមានព្រឹត្តិការណ៍កីឡារយៈពេលមួយខែនេះជួយផងនោះរដ្ឋាភិបាលប្រេស៊ីលរំពឹងថា នឹងទទួលទេសចរបរទេសសរុបក្នុងឆ្នាំ ២០១៤ នេះចំនួន ៧ លាននាក់ ខណៈឆ្នាំមុនទេសចរបរទេសមកទស្សនាប្រទេសហ្សាំបាមាន ៥,៩ លាននាក់៕

ប្រភពសប្បាយ

មុន បន្ទាប់

មតិយោបល់