អាស៊ីអាគ្នេយ៍៖ ស្រ្តីម្នាក់បានប្រើ ញញួរដ៏ធំមួយវាយកំទេច របស់របរប្រើប្រាស់ក្នុងហាងធ្វើសក់មួយកន្លែងចោល មិនសំចៃដៃ បន្ទាប់ពីបុគ្គលិកក្នុងហាង កាត់សក់ឲ្យនាងយ៉ាងអាក្រក់មើលបំផុត ដែលរូបនាងមិនអាចទទួលយកបាន។

រូបភាពដែលអតិថិជននោះកំពុងកំទេចកញ្ចក់ និងទូសម្អាង

តាមរយៈឃ្លីបវីដេអូ ដែលបានចែកចាញ ក្នុងគេហទំព័រយូធូប មានរយៈពេលត្រឹមតែ ១នាទី ៣០វិនាទី តែពោរពេញទៅដោយកំហឹង និងការខឹងសម្បារ របស់អតិថិជនរូបនេះ ទៅលើហាងកាត់សក់ ព្រោះតែទទួលលទ្ធផលមិនជាទីគាប់ចិត្ត។

ក្រោយកាត់សក់រួច នារីដែលជាអតិថិជនម្នាក់នោះ បានចាកចេញទៅ ប៉ុន្តែបានត្រលប់មកហាងវិញម្តងទៀត ជាមួយញញួរធំមួយ រួចចាប់ផ្តើមវាយកំទេចកញ្ចក់ និងទូសម្អាងក្នុងហាងនោះខ្ទេចខ្ទីគ្មានសល់។ មិនតែប៉ុណ្ណោះ នាងក៏បានគំរាមកំហែង​ បុគ្គលិកធ្វើការទីនោះថែមទៀតផង៕

តោះ! ចង់ដឹងថាសាហាវប៉ុណ្ណា សូមទស្សនាឃ្លីបវីដេអូនេះទាំងអស់គ្នា៖

ប្រភព៖ បរទេស

ដោយ ឌី

ខ្មែរឡូត