រន្ទះបាញ់ សម្លាប់កម្មករកៅស៊ូ ក្រុមហ៊ុនវៀតណាម ២នាក់ នៅស្រុកស្នួល

រន្ទះបាញ់ សម្លាប់កម្មករកៅស៊ូ ក្រុមហ៊ុនវៀតណាម ២នាក់ នៅស្រុកស្នួល

ខេត្តក្រចេះ៖ មន្ត្រីនគរបាលស្រុកស្នួល បានកំណាត់ថា ការស្លាប់របស់កម្មករ ២នាក់ នៅក្នុងក្រុមហ៊ុន កៅស៊ូវៀតណាម ក្នុងស្រុកស្នួល គឺបណ្តាលមកពីករណី រន្ទះបាញ់ កាលពីយប់ថ្ងៃទី១៧ សីហា បណ្តាលឲ្យកម្មករ ២នាក់ស្លាប់ភ្លាមៗ នៅកន្លែងកើតហេតុ នៅផ្ទះកម្មករមួយ ក្បែរអង់តែនទូរស័ព្ទ ក្នុងបរិវេណរបស់ ក្រុមហ៊ុនប៊ិញភឿក២ ភូមិស្រែថ្មី ឃុំឃ្សឹម ស្រុកស្នួល ។

មន្ត្រីនគរបាលដដែល បានបន្តថា បុរសរងគ្រោះ ទាំងពីរនាក់ខាងលើ ម្នាក់ ឈ្មោះ ហ៊ាង រ៉ាន់រេត អាយុ៣៥ឆ្នាំ មានទីលំនៅស្រុកចម្ការលើ ខេត្តកំពង់ចាម ត្រូវរន្ទះបាញ់ចំក្បាល ដាច់រយះ ពេលកំពុងចុះត្រងទឹកភ្លៀង និងម្នាក់ទៀត ឈ្មោះ ចន ចេត្រា អាយុ២៥ឆ្នាំ មានទីលំនៅស្រុកក្រូចឆ្មា ខេត្តត្បូងឃ្មុំ ត្រូវរន្ទះបាញ់ចំបំពង់ក ។ ទាំង២នាក់ជាកម្មករ ដាំកៅស៊ូ នៅក្នុងក្រុមហ៊ុន វៀតណាម ឈ្មោះប៊ិញភឿក២ និងស្នាក់នៅកន្លែង កើតហេតុខាងលើ ។

ក្រោយកើតហេតុ សពបុរសរងគ្រោះទាំង២នាក់ ត្រូវបានក្រុមហ៊ុន បញ្ជូនទៅលំនៅឋាន ស្រុកកំណើត រៀងៗខ្លួន ដើម្បីចាត់ចែង ធ្វើបុណ្យតាមប្រពៃណី ៕

ផ្តល់សិទ្ធដោយ កោះសន្តិភាព

មុន បន្ទាប់

មតិយោបល់