កំពង់ចាម៖ កម្លាំងនគរបាល ស្រុកកំពង់សៀម ខេត្តកំពង់ចាម កាលពីវេលាម៉ោង ២និង៣០នាទីរសៀល ថ្ងៃទី២៥ ខែសីហា ឆ្នាំ២០១៥ បានឃាត់ខ្លួន បុរសម្នាក់ពាក់ព័ន្ធ ករណីប្រទូសកេរ្តិ៏ភេទ លើស្រ្តីម្នាក់ ស្ថិតនៅភូមិត្រពាំងជ្រៃ ឃុំក្រឡាស្រុក កំពង់សៀម។

មន្រ្តីនគរបាល ស្រុកកំពង់សៀម បានឲ្យ​ដឹងថា ជនសង្ស័យឈ្មោះ​​ ហង់ ប៊ុនធន់ ភេទប្រុស អាយុ៤៥ឆ្នាំ រីឯស្រ្តីរងគ្រោះ មានឈ្មោះ ព ស ល អាយុ៥៣ឆ្នាំ ។ តាមន្រ្តីនគរបាល ក្រោយទទួលបានពាក្យបណ្តឹង របស់ស្រ្តីរងគ្រោះរួចមក កម្លាំងនគរបាល បានចុះទៅសួរនាំ ហើយធ្វើការឃាត់ខ្លួន ជនសង្ស័យតែម្តង។

បច្ចុប្បន្នជនសង្ស័យឃាត់ខ្លួន នៅអធិការដ្ឋាន នគរបាលស្រុកកំពង់សៀម ដើម្បីកសាងសំណុំរឿងតាមនិតិវិធី ៕

ផ្តល់សិទ្ធដោយ ដើមអម្ពិល