បរទេស៖ វាគឺជា ហេតុការណ៍មួយ ដែលអ្នកទស្សនា មិនធ្លាប់រំពឹង ទុកថានឹងកើតមាន នៅក្នុងកម្មវិធីធ្វើម្ហូប អ៊ីតាលីនោះទេ ដែលពិធីការនី មួយរូបបែរជាភ្លាត់ស្នៀត ពេលចង់បង្ហាញពីជំនាញរបស់ខ្លួន ពេលកំពុងតែផ្សាយ ផ្ទាល់តាមទូរទស្សន៍។

យ៉ាងណាមិញ វីដេអូខ្លីនេះ ត្រូវបានបង្ហោះទៅក្នុង បណ្ដាញទំនាក់ទំនងសង្គមហ្វេសប៊ុក ដោយនារីម្នាក់ ឈ្មោះ Monica Lojodice និងវីដេអូនេះ មានទស្សនាជិត ៧សែននាក់ ក្នុងរយៈពេលតែ ៣ម៉ោងប៉ុណ្ណោះ។ នៅក្នុងនោះ បានឲ្យដឹងថា ពិធីការនីរូបនេះ ចង់បង្ហាញពី ជំនាញ ដែលនាងអាច ញែកជើងចេញជា២ តែខណៈដែលនាង លោត និង ធ្លាក់មកដល់ដីវិញនោះ ប្រហែលជាភ្លាត់ស្នៀត ក៏ធ្វើឲ្យនាង ទទួលរងការឈឺចាប់ និងមិនអាចក្រោកឈរ ដោយខ្លួនបានទៀត ហើយយំជាខ្លាំង។

ក្រោយពីឃើញសភាពបែបនេះ ដៃគូស្រីនាង ក៏មកជួយនាង ប៉ុន្ដែអ្វីៗមិនអាចស្រោចស្រង់នោះទេ ដោយសារតែនាង អាម៉ាសមុខបាត់ ទៅហើយ។

សូមទស្សនាវីដេអូ៖

ប្រភពពី បរទេស

កែសម្រួលដោយ ម៉ា

ខ្មែរឡូត