ភ្នំពេញ៖ ជនសង្ស័យវ័យ១៦ឆ្នាំឈ្មោះ ច័ន្ទ ថា ភេទប្រុស ត្រូវបានសមត្ថកិច្ចចាប់ខ្លួនបាននាព្រឹកថ្ងៃទី៣០ ខែសីហា ឆ្នាំ ២០១៥ ក្នុងចំណោមបក្ខពួក២នាក់ ដែលម្នាក់ បាត់រត់គេចខ្លួនបាត់ ពីបទធ្វើសកម្មភាពគាស់បង្អួចកញ្ចក់ផ្ទះរបស់ជន រងគ្រោះឈ្មោះ ហង្ស សុភី នៅខណ្ឌច្បារអំពៅ មានមុខរបរជាយោធា ។

តាមម្ចាស់ផ្ទះបានឲ្យដឹងថា ម្ចាស់ផ្ទះបានចាក់សោរផ្ទះចេញទៅក្រៅ ពេលនោះស្រាប់តែមានជនសង្ស័យពីរនាក់បានធ្វើ សកម្មភាពគាស់បង្អួចកញ្ចក់ផ្ទះ របស់ជនរងគ្រោះ បានមួយផ្ទាំងវាយបំបែកកញ្ចក់យកស៊ុមកញ្ចក់ដឺរ៉ា បាន១០ដើម ក៏ត្រូវ បានជនរងគ្រោះត្រឡប់មកវិញឃើញស្រែកចោរៗ ក៏ត្រូវបានប្រជាពលរដ្ឋ និងសមត្ថកិច្ចនគរបាល ប៉ុស្តិ៍ព្រែកឯងចាប់ ឃាត់ខ្លួនបានជនសង្សយ័ម្នាក់ឈ្មោះ ចន្ទ័ ថា ភេទប្រុស អាយុ១៦ឆ្នាំជាតិខ្មែរស្នាក់នៅភូមិដើមស្លែងសង្កាត់ច្បារអំពៅ២ ខណ្ឌច្បារអំពៅ មុខរបររើស អេតចាយ ចំណែកបក្សពួកម្នាក់ទៀត មិនស្គាល់ឈ្មោះបានរគេចខ្លួនបាត់ ៕

ផ្តល់សិទ្ធដោយ ដើមអម្ពិល